تجربتي لخلطة داهية مطير حياكم وسمعوا

[nadoooosh]

السلام عليكم بنات شلونكم شخباركم المهم بدش بالموضوع على طوووول من غير مقدمات انا قريت عن خلطة داهية مطير وتخيلت نفسي من ثاااني اسبوع اني راح اكون مو بيضه الا برصه عايشه الجو بدري ماعلينا المهم رحت طيررران وشريت كل الاغراض وسويت نفس اللي قالته الاخت بنت عمي داهية مطير المهم صارلي الحين شهر اهي قالت انه الخلطه تستخدمينها بالتدريج يعني بالبدايه تستخدمينها مره بالاسبوع او مرتين المهم اني انا قمت واستخدمتها يوميا من زوووود السنع اللي فيني المهم اني مالحضت ولاشي لابياض ولا ولد عمه الشي الوحيد اللي لاحظته بس نعومه وراح الجفاف اللي بجسمي بس لاغيررر المهم اني ماعاااد اصدق سالفة خلطات انها اتبيض وماعمري شفت وحده جك بم قلبت من سمره الى بياض ناصع فابنات اللي شافت وحده بأم عينها مو سمعت من وحده لا شافت بعيونها الثنتين وحده تعرفها قلبت بيضه فجأه تقولنا على سرهااااا الباتع ورجااااءا بنات ترى احنا صيااااام يعني مانبي صوااااريخ وكل احترررامي وحبي حق الاخت داهية مطير ويالله بروووح انام شوي:ch12: واردلكم مع ردووودكم الحلوه​

 

[نواعس]

ماجربت الخلطه

 

[@الاسطوره@]

هههههههههههههههههههههههههههه

انا بعد استخدمت خلطه مشهوره من موقع ثاني واسمها خلطة السعوديه عضوه كان هذا لقبها وكان فيها كمية كرتزووون كثيره

ومع ذالك استخدمتها ولاسوت لي شي ماشفت البياض اللي ذابحتنا فيه

الله يعين بس على هالخلطات

وخلطة داهيه مطير مدري ماجربتها بس اكيد لها طريقه او المشكله في بشرتنا احنا لاني سمعت ان قبل ماتحطين خلطة تبييض لازم تسوين سنفره وتقشير لوجهك وتنظيف على اصوله علشان تظبط معك الخلطه

هذا والله اعلم

 

[فوولي]

ههههههههههه
عااااااااادتي الله يعوووضج بخلطه غيرهاا

 

[ريم محمود]

رد : تجربتي لخلطة داهية مطير حياكم وسمعوا

يابنات لا تجربون شى الابعد ماتسألون عنه زين

 

[يــــارا]

رد : تجربتي لخلطة داهية مطير حياكم وسمعوا

امممممم بصراحه ماعمري شفت وحده فجأه تقلب ابيض

اتركي عنك هالخرابيط واهتمي بتوحيد لون جسمك واهتمي بنعومته ونضارته فقط

وترا مشكلتنا انه احنا نهتم بالكريمات - يعني بالشغلات الخارجيه-

بس للأسف انه التغذيه هي الاساس

يعني لازم نشرب مويه كثييييييييير

ناكل زبادي

ونشرب عصير فريش

وناكل سلطات وفواكه

هذي الاشياء تعطيك الجمال بكبره

شعرك اظافرك جلدك مزاجك صحتك تكون احلى مايكون

 

[miss angel]

رد : تجربتي لخلطة داهية مطير حياكم وسمعوا

ترى الي ينفع غيرج يمكن ماينفعج

 

[عــاشــقــه]

آلخلطه مآرآح تقلبج بيضه يمكن تعطيج تفتيح بس من سمرهـ لبيآض صآرخ مستحيل

ويعطيج آلعآفيه على نقل تجربتج

 

[شوشو العنزي]

ما ادري حبيبتي صج مو كل اللي ينفع غيرج ينفعج
جربي السنفرة وخلطة الجليسلوليد اللي منقع بماي ورد يوم كامل
خلطة طبيعيه بس ها مو ماتفتحج تقولين قالتلي شوشو مالي شغل
ههههههه

 

[غــلاوي]

رد : تجربتي لخلطة داهية مطير حياكم وسمعوا

انا جربت الخلطه بس حسيت انها تكثر الشعر وقطعتها
بس في بنات مجربينها يمدحونها حيل

واذا تبين خلطه تبيييض وتقلب الوحده صج؟
كريم صبوحه اللي بالعطار انا جربته وشفته على بنات صج يبييييض حيييييل
ويشيل الحبوب واختي فيها حب شباب والله يابنات شاله مابقى ببشرتها الا جم حبه
بس عيبه اذا قطعتيه تردين نفس قبل وهم فيه نسبة كرتزون والعطار قالي بنفسه لماشريته
بس صراحه انا الحين قطعتها مهما يكون تخافين من هالكريمات اللي بالعطار
بس صراحه عجيييييب هالكريم

 

[_ظل الياسمين _]

بشره عن بشره تختلف ..وان ماجربتى ماتعرفين اللى يناسبج ..

هذى ضريبه الهوس اللى فينا.

 

[al-musk]

عاد فيها كورتيزون يعني المفروض تبيض..

 

[دآهية مطييير]

السلام عليكم ورحمة الله وبركاته

أبد يالغاليه مامن زعل وكلامج مايزعل وجزاج الله خير علي نقل تجربتـج

أول شي الخلطه هذي مو حقي؟!

بمجـرد إنج تكتبينها بقوقل تلقين الكل يمدح فيها والكل مستخدمها وفتحته حيل

بعدين علي حسب طريقة استخدامج

انا ياقلبي فيني هوس خلطات وبعدين فيني هوس نظافه

أول شي انا يوميا ع الريق عصير برتقال فريش

كل عقب 5 شهور اسوي تقشير

كل اسبوع سنفره انا اسويها مره ..بقهوه .. مره بسكر .. مره بملح .. مره العروس .. مره المشمش .مره الحليب

وكل عقب يومين اسوي حمام بخار

اقعد بالخيمه ساعه كامل وكل عشر دقايق احط خلطه .. مره السدر .. مره سفيداب

وكل شهر خلطه غير ...... وكل شي احطه واسوي

وارطب جسمي باليوم الف مره

أنتي تسوين كل هذا؟!

عموما موجوده تجارب البنات بنفس موضوعي

والكريمات اللي بالخلطه تبييض

وانا ماسمعت من احد هالخلطه

انا كتبتها عقب ماجربتها بشهرين اول شهر ونص

ولو كل شي اسمعه بـ اجي اكتبـه

جان القسم ملياااان خلطاتي

وعلي فكره ورب البيت اني ما انزل شي الا عقب تجربه

وانا لو ما احب البنات وصحتهم تهمني

جان تلقين خاصي مو شغال الكل يسألني عن خلطات وبرامج عنااايه

وما سألوني الا اني قد الثقه

وانا والله العظيم ما كتب الا بعد تجربـــه



عموما انا اسفه ع القرقه الزايده :$








تقبلي ردي و ودي

 

[سمو الغلآ]

رد : تجربتي لخلطة داهية مطير حياكم وسمعوا

كفيتي وفيتي يابنت مطيييييييير كلامج يهبل ماشاء الله علييج


للأسف ماجربت الا خطله كرتزون ووصج فتحتني بس تركتها
ردت لووني وقاب وجهي حبوب ونمش وبقع

<<يااربي يعيييييييييييين

 

[((shoOoshoOo))]

ماجربتهاا

بس مادري ليش خفت من مكوناتها

 

[ᆻŠ вªĺŌÓŃă]

رد : تجربتي لخلطة داهية مطير حياكم وسمعوا

ترى بشره عن بشره تختلف ممكن فادهم ولا فادج عمومن اذا تدورين البياض ماكو الا دكتور جلديه لان الخلطات مفعولها قصير من تهدينها يا انج تسيرين دبل بالسمار يا يقب وجهج حبوب .. وياكثر البنات اللي صادتفهم كانوا فحمه مفحمين والحين بياض موطبيعي بس مايقولون خير شر يخربطون فوق راسج حطي ماي ورد ودهني جلسرين شنو ماكو شغل ..وموفقه حبووبه

 

[Joy close]

رد : تجربتي لخلطة داهية مطير حياكم وسمعوا

ماجربتها
داهيه مطير ماعليه سؤال خاش عرض هههههههه
تستخدمين خيمة السونا كل يومين ماتضر ماترهل الجلد؟؟
ووشو ازين خلطه للجسم ويعطيك الف الف عافيه ع المواضيع السنعه

 

[zo'3a girl]

رد : تجربتي لخلطة داهية مطير حياكم وسمعوا

بلعكس انا استخدمتها ووحدت لوني حيل والاماكن الغامجه فتحت بكذا درجه وصح يمكن مافتحتني وايد بس فتحت كذا درجه وانا اهم شي عندي توحيد اللون وانتي استخدمتيها كليوم انا استخدمتها مثل ماقالت داهيه يومين بالاسبوع وبعدين 3 ايام بالاسبوع وفادت معاي !
بس يمكن البشرات تختلف

 

[ملآمح يوسفيه]

رد : تجربتي لخلطة داهية مطير حياكم وسمعوا

بشره عن بشره تختلف



​

 

[ضيا الكون]

رد : تجربتي لخلطة داهية مطير حياكم وسمعوا

بشره لي بشره تختلف و اللي ينفعج ما ينفع غيرج