تجربتي ل ( Mobrad Nail Spa )

[غلا جابر 2010]

صباح الخير يا حلوات .. من زمان وانا ودي اجرب سبا للاظافر يكون شرح وشغله حلو بالاضافه للسعر المناسب طبعا ... وبالفعل رحت قبل يومين وجربت Mobrad Nail Spa

مكانه : برج التجاريه منطقه شرق
السرداب .
اوقات العمل : من 10 صباحا الى 9 مساءا

المكان وايد حلو وهادي .. ديكوراته حلوه وتشرح الصدر ..

سويت منكير وبديكير .. وصبغت فرنش وايد شغلهم حلو ونظيف .. الادوات تيي معقمه وتفتح الباكيت جدامج.. سريعين وطريقتهم حلوه انه يسوونلج سنفره وبعدين يلفون ايدج وريولج بفوطه حاااره .. تالي عاد نيي حق حبيب الشعب ( المساج ) ..

تجربه وااايد حلوه .. انصحكم فيها وانا عن نفسي بروح كل شهر صراحه

 

[بنك بااستا]

عليج باالعاافيه

 

[Miss -coola]

عليج ~بألف عاآافيه حبيبتي***

 

[MiSS B.K]

بالعافيه حبيبتي ومشكورة على الإفاده