تجربتي مع ابر الاكسجين للهالات السوده

[M-88]

السلام عليكم بنات

اليوم حبيت انقل لكم تجربتي مع ابرة الاكسجين اولا راح اشرحها لكم مثل ما شرحتها لي الدكتوره دلال التركيت :

اهيا عبارة عن غاز ثاني اكسيد الكربونيدخلونه تحت العين وفوق صوب الجفن فيخلي الاكسجين يتدفق بصوره اكبر صوب العين نظرا لان هالمنطقه يكون فيها الاكسجين قليل و بالتالي تحرك الدم و يصير حركه في الدوره الدمويه للويه

طبعا اهبا عباره عن جهاز فيه ابره صغيره تقزها بطرف العين و راح تحسين بالاكسجين يترس عينج و راح تتنتفخ و توره و ما تقدرين تبطلينها لمدة دقيقتين فقط
بعدها يقوم الجسم بامتصاص الغاز و تفش لمده دقيقتين فقط هذا
طبعا في عوار بسيط لان هالمنطقه الجلد ناعم فتحسين باي وخز

انا حاشني صداع منها لمدة تقريبا يوم او نص يوم

لكن النتيجه













رروووووووووووووووووووووووووووووووووووووووووووعه يا بنات
والله العظيم روعه تحسين بفرق من الجلسة الاولى يمكن لان انا الهالات السوده عندي خفيفه الى متوسطه شي عجيب عجيب عجيب تحسين تصير منطقه العين لون واااحد
و تحسين ويهج فيه فرش لوك مفرفش

واااايد انصكم تسوونها
انا سويتها عند دلال التركيت بس اللي قزتني الابره وحده مصريه اهيا الختصه بهالموضوع
سعرها 30 دينار للعينين فوق و تحت

بالنسبة لعدد المرات و عدد الجلسات يعتمد على حسب كل عين و مدى كثرة السواد اللي فيها

و اللي تبي اي استفسار انا حاضر​

 

[ظبية بوظبي]

وناسه
بس الحمدلله ما عندي هالمشكله
بس اخاف من كثر ما ينفخ المنطقه وبعدها ترد تكش
مره على مره
بتسبب تجاعيد صح ؟؟

 

[رقـة الاحسـآس]

هي تنفع للبعض مب الكل
لان يعتمد ع السبب الاساسي للهالات
كلامج يشجع والله يهنيج بالنتيجه
بس بعدني احاول اخففهم بالطرق الثانيه و بخلي هذي اخر حل او خطوه اخيره يعني بعد ما اكون خففتهم اكبر قدر ممكن
وان شاءالله نقضي عالهالات
لان تاثر ع شكل الويه وايد

 

[ظبية بوظبي]

على فكره اختي سمعت في برنامج على ما ظن برنامج ذا دوكترز

قالوا ان المرهم حق البواسير وهالسواليف
اكتشفوا انه يخفف الهالات السوداء

قلت اقول لكم عل وعسى وحده تدخل وتقرا وتستفيد
والسموحه لراعيه الموضوع

خلونا نفيد بعض قد ما نقدر

 

[أأأميرة الورد]

جزاج الله خيييييييير

 

[مسك إلمحآسن]

مشكوووره بس لازم تستشيرون طبيب عيون

العييييين مو لعبه ؟


و نبي تجارب بعد آب​

 

[عيون السواهي]

واااااو الله يهنيج يارب ونحل هالمشكله انا ابي معلومات اكثر اذا تعرفين قوليلي عنها لنه بسويها بعد جم اسبوع

 

[أنثى تشرين]

اخييييييرا لقيت تجربه بأذن الله بسويها وان شاءالله القى نتيجه يارب

يعطيج العافيه حبيبتي على ذكر تجربتج

 

[قاهره عذالي]

طيب

النتيجه مؤقته والا على طول

وكم مدة تاثير النتيجه ؟

 

[Desert-Girl]

uppppppppp

 

[A.N.L]

تتهنين بالنتيجه حبيبتي

انا عندي اله مساج للويه وكل يوم قبل لا انام احط سيروم تحت عيني واسوي

بالاله مساج حق تحت العين وصراحه وااايد خفت الهالات من المساج لان السيروم حق

الخطوط

انا دايم اسوي مساج حق ويهي كله مو بس تحت عيني


​

 

[مزيونه وشقره]

ماشاءالله عليج بالعافيه

و مشكوووره على نقل تجربتج حبيبتي

 

[قـهـوه فـرنسيهـ]

مشكوره علي نقل تجربتك

بس انتي للحين اول جلسه نطري خلصي جلسات عقب احكمي

بالنسبه لي اكثر وحده سالت عن هالابر بالاخير توكلت علي الله

ورحت عياده الصالح علي مدح كذا بنت والابره ب٢٥ وفتح ملف ٢٠

الزبده ان ماشفت نتيجه ولا واحد بالميه اخررررطي بس تحملت عيون متورمه

لااقدر اطلع ولا اداوم الا عقب ثلاث ايام عشان يخف الانتفاخ وغير جذي

صداااااااااع وكل مااسمع احد يتكلم عن هالابر يرجع لي الصدااااااع والحين صارلي

٤ شهور تقريبا وللحين جفوني متورمه شوي ويمكن من حاله لحاله تفرررق

فانتي خلصي جلساااات وان شاااءالله تلقين نتيجه اللي تمنينهااا

 

[لعبة ايام]

ماشاءالله عليك بالعافيه

 

[rose2012]

امي جربت الابره وخذت جم جلسه و تقول خررررررررررررررررطي وعوار فضيع وراحت غيرت العياده قالت يمكن عياده ثانيه ابرهم احسن و هم خرررررررررطي ولاشي بس تورم العين كلش فاشل

 

[عيون السواهي]

تشجعت بعدين انحبطت من اخر ردين

 

[ريـ’ـآنـهـ‘]

استانست بس من الردود حبطتوني

 

[M-88]

بنات صح كلامكم تره من حاله لي حاله تفرق

انا تكلمت عن حالتي و بشكل مفصل و حطيت السلبيات و الايجابيان للشي

بس طبعا قبل لا تسوينها ااخذي استشارة الدكتوره

و انا بناء على استشاره من الدكتوره دلال التركيت سويت هالجلسه

و في ناس بس تحتاج جلسه وحده اللي يكون السواد تحت العين خفيف و في ناس تاخذ اكثر

والدكتوره دلال قالت انتو البنات الصغار اكثر شي بس 3 جلسات !


انا عن تجربتي انصح جدا بس مثل ما ذكرت صداع و العين تنتفخ لكن المده بسيطه
بنت عمي ماحاشها صداع بس طول الانتفاخ

يعني من حاله لي حاله تختلف

و ان شاء الله اكون فدتكم

 

[Withered flower]

والله صعبة اغامر واجرب هالابر للعين
بالله غلطت وانعميت؟؟ شالفايده

 

[M-88]

اهيا الابر سطحيه للجلد و بعدين ما تطقج الابره على العين
لا على اطراف العين