تجربتي مع اشعة الصبغه

[dodo2011]

سلام ياحلوات اليوم سويت اشعة الصبغه وحبيت انقلكم تجربتي بالبدايه كنت خايفه من كثر ماسمعت وقريت عنها فاخرت الاشعه سنه كامله وبعدين سمعت عن كذا وحده سوتها وحملت بعدها فقررت اسويها دورت على دكتوره ولقيت بمستشفى عاليه استشاريه اسمها ناديه وقررت اسويها عندها لان مابي دكتور ولانها استشاريه فحجزت موعد قبل الاشعه اخذت مضاد حيوي خمس ايام وتحاميل ست ايام وباليوم الموعود جيت على الموعد بس شوي نطروني لان كان عند الدكتوره حالة ولاده وقبل الاشعه عطوني ابرة مسكن وبعدها عطوني ملابس البسها وانسدحت على سرير فوقه جهاز تصوير وبعدين الدكتوره دخلت اداه ماحبيت اشوفها خفت اتوتر وعقب دخلت سائل بالرحم الصراحه حسيت بالم بس مثل الم الدوره تقدرين تتحملينه وبعد ماصورو الحمدالله طلع مافيني شي وكل شي تمام عقب لبست وقالتلي الممرضه امشي عشر دقايق وبعدين رديت بس خذولي صوره لللرحم والحمدالله كانت الانابيب مفتوحه وكل شي سليم بس نزل علي دم والدكتوره نصحتني مايكون في جماع ثلاث ايام وبس كلفتني الاشعه خمسه وثمانين دينار اتمنئ اكون كفيت ووفيت عن الموظوع 

 

[عسل حدي]

تب علشان يستفيدون انا ماعندي فكره

 

[الزيـــــ^^ـــــن]

يابعد جبدي والله بردتي قلبي .. كنت انطر اي وحده تسويها لاني خااايفه منها
يزاج الله كل خير ع طرح تجربتج .. يماااال العاااافيه 
موعدي بعد اسبوعين والله كرييييم

 

[بدوية بملامح كشميرية 86]

مشكوووره. حياتي


والله يرزقج بالذريه الصالحه

 

[&هند&]

زين طمنتيني بسويها الشهر الجاي وان شاء الله تبشرينا هالشهر بحمالج ،،،،

 

[شنوووفه]

احسن شي انج خذيتي انا بدوون بنج وصار فيني هبوط من العواار وغشيت وحالتي حااله هههههه
بس الحمدلله طلع مافيني شي بس واايد خذو منج انا سوييتها بالسيف ب60

 

[وردهـ"]

دودو حببتي الله يرزقك الذرية الصالحة وانا بعد ودي اضيف شي

انا ما سويتها الا بطلوع الروح تميت اجل فيها 3 سنووووات ...

كله من حكي البنات بالمنتدى ومن قريباتي نالعوار والام والي يصير بعدهاااااااااااا

من الحوف دخلت اشوف المواقع الاجنبيه وش تكتب عن هالاشعة ورة فعل الي سوووها ...

لقيت وحده امريكية كاتبه انها اخذت مسكن قبل الاشعهبساعه وساعدها في تخفيف الالم ,,, وما صدقت خبر اخذت حبة بروفين قبلها وربي يا بناااااااااااااااااااات ما حسيت بشي بعد الاشعه امشي طبيعي ولله الحمد اجلس واقوم طبيعي لدرجة اني مو مصدقة نفسي ودي اتالم زي البنات خخخخخ


وقت ما تدخل السائل الم والله بس بعد ما خلص الحمدلله ما في اي احساس باالام .... الي ما سوتها سويها وتتكل على الله ....



موفقين والله يرزقنا جميع بالذرية الصالحة ​

 

[أم علاوي 14]

هلا اختي

انا كنت جذي قبل لا اسويها خايفة وايد

بس سويتها في مستشفى الصباح وبدون بنج ، مضاد حيوي عطوني قبل لا يسوون لي بنصف ساعة تقريبا

لكن كل ما يدش الأنبوب بالرحم أصرخ واتألم ، وعند نفخ البالونة كنت ميتة من الألم ، والسبب اني شاده ومتوترة ، يعني لو كنت مرتاحة

والدكتورة عصبت علي لهالسبب اني شاده ،

واقل من عشر دقايق وخلصت .. وما حسبت وراها بأي عارض

لكن الدكتورة قالت لي انت وايد اتشدين على اعصابج ، وهذي طبيعة فيني بكل شي

الصبغة ما تخوف مثل ما قريت في النت ويمكن يختلف من شخص لآخر ، ولا فيها ألم الشديد اللي ما تقدرين تتحملينه

يبغي لج الراحة والهدوء ، عشان تقدر الدكتورة تنفخ البالونة وتنشر الصبغة في الرحم ...

الله يرزق كل محروم ، والله يصبرنا على الآلام القلبية والجسمية والنفسية ويآحرنا عليها ..

 

[3needa]

هذي الاشعه وايد اسمع فيها ممكن اعرف حق شنو بالضبط؟ و وايد اسمع انها تساعد على الحمل شلون؟

 

[أم سيف وسلطان]

انا سويتها ووايد عورتني بس الحمدلله الدوره الي بعدها حملت اللهم لك الحمدلله

 

[cat_women]

انا سويتها بمستشفى المواساة بس من كثرت مااااسمعت انها تعوووور
خذيت بنج مااااحسيت بشي الحمدالله

 

[ملكه الحطب]

موضوع حلوووو قولوا لنا تجاربكم بعد عشان نستفيد
وكل وحده تقول وين سوتها وبجم

 

[عسل حدي]

اللهم اني اشهدك واشهد حملة عرشك وملائكتك
وجميع خلقك اني رضيت بك اله لا شريك لك
وان محمدا عبدك ورسولك
.
اللهم لك الحمد والشكر حتى ترضى
ولك الحمد والشكر اذا رضيت
ولك الحمد والشكر بعد الرضا
ما شاء الله تبارك الله