تجربتي مع الكانون ..

[اوركيدا]

اول كاميرا استخدمتها كانت
Canon PowerShot A530

على انها بس 5 Megapixels

لكن جودة الصور وايد حلوه .. او تطلع لويوه بالاخص تينن

هذي بعض الصور اللي صورتها بالكاميرا ..

اللي خلاني اغيرها .. اني صرة احب التصوير وايد فشريت كاميرا بروفيشنال اكثر..
او شي ثاني جودت كامرتي القبليه بالتصوير الليلي مش ولا بد ..

او هذا مثال ..

انشاءلله يفيدكم الموضوع

 

[اوركيدا]

بعدها شريت هالكاميرا ..

Canon EOS 400D Digital.

مميزات هالكاميرا انها وايد سهلة الاستخدام ..
جودة الصور
سهولة تنزيل الصور ..
وايد اشياء .. فتنفع حتى للمبتدئين فالتصوير ..
او هذي بعض الصور اللي صورتها بهالكاميرا ..

بالنهايه نصيحتي لأي وحده بتشتري كاميرا ..
بماركة كانون .. كاميراتهم كــد او مــد ..
صورهم تينن ..
استخدامهم سهل ..
او الاهم تتأكدون من عدد الميجابكسلز .. كل سنه ينزل عدد اكثر من الثاني .. اكثر عدد نازل لحد اللحين 12 .. او هذي صورة الكاميرا

انشاءلله يفيدكم الموضوع

 

[Nawara]

الله يباركلج بهالكاميرا عزيزتي

آنا عندي كانون 8 ميغابيكسل مرات تصير صورها تهبل ومرات تصير الصورة منقطة او مغبشة مادري ليش؟؟

شكلي مو عارفتلها !

اذا تقدرين تفيديني ؟؟

وبسألج تعرفين شنو يعني ال Iso ؟؟

هل له علاقة بالموضوع ؟؟

وشكرا

 

[زيـنـه]

خوش موضوع

و خوش صور

يعطيج العافيه

 

[اوركيدا]

Nawara .. ماشاءلله ترى كاميرتج وايد زينه .. 8 ميجابكسل المفروض ماتنقط
الصور المنقطه اللي تاخذينها بالظلمه او العاديه؟
عشان تتفادين هالشي بالنهار حاولي كثر ماتقدرين تصورين من غير فلاش ..
النقاء مال الصور يطلع وايد اقوى بدون لفلاش او نفس الشي اذا الموقع اللي بتصورينه بالليل فيه اضاءه لو خفيفه وقفي الكاميرا على سطح ثابت او حطيها عالـM mode او صوري .. او اذا ماتعرفين حق الـM صوري بدون فلاش ولاتحركين الكاميرا ..

اذا تميتي على نفس الشي صوري او ورينا الصور .. بنقدر نساعدج اكثر انشاءلله :tek:

زينه .. الله يعافيج حبيبتي مشكوره :klhfl:

 

[Nawara]

مشكورة يالغاليه

الصور تكون بالليل بس في اضاءة أو داخل البيوت..

راح اجرب واشوف يزاج الله خير ..

 

[toot^o^mishmish]

ماشاء الله الصور الي ب Canon EOS 400D Digital واييد حلوين شوقتيني عليها ...
انا توني شارية a650 الي حاطة صورتها بس مشكلتها ما تونس وايد بالماكرو

بالعافية عليج الكاميرا ...ويلا نبي ابداعات اكثر

 

[ChOcoLaTe 'n MarShMaLlOw]

الصور وايد حلوه ماشالله و واضحه .. انا ودي اشتري كاميرا بروفيشينال

بس مادري احس ما يسوى لازم اتعلم و اعرف كلشي عشان اعرف اشلون استعملها و اعرف

اشلون اغير الاوبشين فيها .. و على حسب الاضاءة و ... الخ

 

[ام مهودي]

روعه الكاميرا كنت باخذها بس الحين انزلت 450 d فشكلي باخذ الايديد

بس من وين خذيتيها من برا وايد ارخص تقريبا فرق نص السعر

والكانون بصوره عامه تهبل انا عندي كانون 8 ميغا بكسل تهبل وتقدورون تشوفون صورها بموضوعي مال المالديف

 

[جاي وحليب]

مشالله عليج خوش صور وخوش تجربة مع الكانون..
والكانون من الشركات القويه المميزه بالكاميرات الكومباكت والـ SLR

يعطيج العافيه اتمعتينا بهالموضوع..
وانا كاميرتي 400D نفسج




==

الاخت Nawara
الايزو اكيد له علاقه بالنقطه اللي ذكرتيها.. الايزو ميزه ممكن تساعدج لزيادة الاضاءه
بس لاتزيدينه وايد حاولي تخلينه دايما على 200 او 400 بالكثير اذا بغيتي صوره جودتها عاليه من غير نويز ولا تحبب
لان كل مازاد الايزو كل ما زاد التحبب بالصوره وبالتالي تصير جوده الصوره اقل خاصه اذا بغيتي تطبيعينها...
اما في حالات معينه كـ مجال تصوير معين ممكن يزيدون الايزو لانهم قاصدين التحبب بالصوره وممكن يخدم الموضوع اللي يبون يصورونه...

وبالتوفيج جميعاً

 

[pineapple]

انا كاميرتي كانون باور شوت صورها حلوة بالتحميض جربتهم وهي بور شوت A640

10 ميجا بكسل واوبتكال زوم 4

ممكن اعرف الطريقة الي نزلتي الصورة من موقع لان الصور حجمها كبير ومحتاجة تصغير السعة من الكاميرا

محتاجة اعدل في الحجم حتى تنزل الصور صور الموبايل اوكي

اتمنى الافادة

حلوين الصور

 

[طوق البنفسج]

عاد انا كنت مفكره بكانون d400 بس قبل شوي قاعده اتمشى بالمنتديات

و لقيت موضوع عن OLYMPUS E-510 و حسيتها واايد سهله يعني من الموضوع عرفت اشلون اشغلها

فا شرايكم اي وحده فيهم ؟ و اطلبهم من النت ولا اخذهم من الكويت ..


انا ودي اخذ كاميرا و بعدين اطبق الدروس الي اقراها احس جذي بيرسخ ابالي اكثر مع التطبيق

 

[توتو الحلوة]

خوش صور وكاميرا عليج بالعافيه

 

[جاي وحليب]

طوق البنفسج

نصيحة اختي.. شوفي اللي حواليج معارفج واهلج .. شنو الاكثر كاميراتهم
اتوقع كانون اهي اللي منتشره اكثر.. علشان ممكن بعدين تستفيدين منهم
وبنفس الوقت اذا ودج تجربين عدساتهم او تبادلين معاهم عدسات وبهالطريقه تجربين العدسه
وتقررين تاخذينها.. يعني هالتبادل احيانا يفيد ويوفر لان العدسات في منها بسعر مناسب وفي منها مكلف

وشوفي نتايج الكاميرتين وصورهم بالنت قبل لاتقررين ايهي..
وبالعكس ترى كانون استخدامها جداً اسهل .. انا عندي الـ 400D
واستخدامها حلو وسهل ونتايجها حلوه بعد..

وعلى فكره 450D الموديل اليديد من 400D نزل وموجود بأمازون
ونصيحة من النت وايد اوفر وفرق عن الكويت... خصوصاً عن الوكيل الساير والكترونيات الغانم
السعر دبل الله يسامحهم!

معلومه يمكن البعض مايعرفها..
Canon EOS 450D
اهي نفسها بعض الدول يسمونها
Canon Digital Rebel XSi

لاتستعيلين وترى الموضوع حلو، ممتع ويستاهل
وبالتوفيج..

 

[Maneena Manaana]

أوركيدا.. تصويرج ماشاء الله اينن.. وزواياج حلوة

بس حبيت أوضح شغلة...

ال mp (ميجا بيكسل) ماله أي شغل بوضوح الصورة.. يعني كامرة 4mp صورها تطلع نفس ال 8mp .. في وايد عوامل ثانيه تأثر على نقاوة الصورة وألوانهاا وصفاوتها غير ال mp

ال mp يأثر على طباعة الصور.. اذا بتطبعين صورة كبيرة... يعني بحجم A4 مثلا او حتى أكبر... أهني ايي دور البكسلز.. بحيث كامرة 8 او 12 mp صورها اوضح من كامرة 4 mp

ان شاء الله تكون وضحت الصورة


طوق البنفسج

اذا بتقارنين بين كانون ونيكون.. يمكن.. لكن بين كانون واولمبس شوية صعبة المقارنه لأنه ماكو نسبة بين الثنتين

وهاج هالسايت اخذيلج فرة فيه وشوفي صور الكامرتين وقارني بينهم وبين اراء الناس.. وبعدها قرري للي يرتاح له قلبج

ومثل ماقالت جاي حليب.. النت واايد أرخص

موفقة

 

[طوق البنفسج]

طوق البنفسج

نصيحة اختي.. شوفي اللي حواليج معارفج واهلج .. شنو الاكثر كاميراتهم
اتوقع كانون اهي اللي منتشره اكثر.. علشان ممكن بعدين تستفيدين منهم
وبنفس الوقت اذا ودج تجربين عدساتهم او تبادلين معاهم عدسات وبهالطريقه تجربين العدسه
وتقررين تاخذينها.. يعني هالتبادل احيانا يفيد ويوفر لان العدسات في منها بسعر مناسب وفي منها مكلف

وشوفي نتايج الكاميرتين وصورهم بالنت قبل لاتقررين ايهي..
وبالعكس ترى كانون استخدامها جداً اسهل .. انا عندي الـ 400D
واستخدامها حلو وسهل ونتايجها حلوه بعد..

وعلى فكره 450D الموديل اليديد من 400D نزل وموجود بأمازون
ونصيحة من النت وايد اوفر وفرق عن الكويت... خصوصاً عن الوكيل الساير والكترونيات الغانم
السعر دبل الله يسامحهم!

معلومه يمكن البعض مايعرفها..
Canon EOS 450D
اهي نفسها بعض الدول يسمونها
Canon Digital Rebel XSi

لاتستعيلين وترى الموضوع حلو، ممتع ويستاهل
وبالتوفيج..

اممم

والله بيني و بينج انا مو مقتنعه و كنت قاعده اتمشى على اساس الكانون .. بس يوم شفت هالموضوع و شفت بالنت قلت خل اسال خبيراتنا بعد يفيدوني ..

يزاج الله خير يا جاي حليب ... برد على الكانون و بشوف اقرى عنها و اشوف مميزاتها و صورها ...

و بعد كانون اضمن الوكاله اولمبكس ولا مره سمعت عن وكالتهم هني .. كانون كامرتي الكومباكت كانون و و كالتهم زينه و صورها اتهبل

 

[طوق البنفسج]

طوق البنفسج

اذا بتقارنين بين كانون ونيكون.. يمكن.. لكن بين كانون واولمبس شوية صعبة المقارنه لأنه ماكو نسبة بين الثنتين

وهاج هالسايت اخذيلج فرة فيه وشوفي صور الكامرتين وقارني بينهم وبين اراء الناس.. وبعدها قرري للي يرتاح له قلبج

ومثل ماقالت جاي حليب.. النت واايد أرخص

موفقة

مانينا مانينا ..

ماقصرتي

بس ماكو سايت :eh_s(22):

بس حاليا قاعده احوس بامازون .. و طلعت ال Canon Digital Rebel XSi و ان شاء الله اذا عجبتني الاوبشنز عشتوا اعزم عليها

Thankx again

 

[Maneena Manaana]

لول نسيت احطه

http://www.dpreview.com/

 

[طوق البنفسج]

لول نسيت احطه

http://www.dpreview.com/

يزاج الله خير .. تعبتج معاي

 

[RegaLoS]

حبيت اسال في احد منكم منظم لبيت لوذان او مركز العمل التطوعي او النادي العلمي ؟؟