تجربتي مع الليزر المنزلي filips ..

[Mjnont '3lay]

السلام عليكم ورحمة الله وبركاته ..
شلونكم كويتيات عساكم بخير ان شاءالله
اول شي دشوووو وعلقووو لا تطلون وتمشون
وثاني شي حطو نفسكم مكاني تبون الخير لغيركم وتنصحون واجد بنات وبالاخير البنات يطلون على مواضيعكم و ياخذون افكار ويطلعون من غير كلمة شكر
وبالاخير من لايشكر الناس لا يشكر ..~

المهم بدخل بموضوعي علطووول طبعا واااااجد بنات ملو من كثر مايقطون بهالفلوس على هالليزر و الطااامه الكبرى انه في بعضكم كلو مقالب من هالعيادات الخاصه والفلوس خلصت والشعر بدال مايخف زااد :eh_s(4):
فحبيت انصح كل العرايس اللي يبون يسوون ليزر او المتزوجات اللي ملو من الشيره او سوو ليزر بالعيادات وما فاد او خلصت الفلوس وما قدرو يكملون
انا جربت الليزر المنزلي ماركة filips من الغانم اكيييد
من اشهر < مابي احدد اي الشهر لاني ناسيه
سعره 180 وقت التنزيلات
كلمه وحدده بقولها بحق هالجهاز
راااااااااااحه مابعدها راااحه وصج كل تأخيره فيها خيره كنت مأجله سالفة الليزر لي بعدين وسبحان الله طحت على موضوع باتشولي حبيبة قلبي وطيران رحت شريته من الغانم واستخدمته وكلمة روعه قليله بحقه
الشعر من اول استخدام يخف بس لاااازم مواظبه والتزام وطولة بال مافي شي يروح بيوم وليله
والشغله الثانيه بكل امانه الجهاز يناسب جميع البشرات ما عدى البشره الغامقه حيل
يعني اغمق درجه يصلح لها الجهاز تكون حنطيه الى سمره مو غاامقه حيل
والشغله الثالثه احتمال ما يكون موجود بالغانم حاليا لاني سمعت انه قطعوووه خلاص ماعادو يجيبون منه
عشان جذي اللي تبيه تحاول تجيبه من بره بس مافي مانع تروحون تسألون الغانم اذا موجود او رح يجيبون منه ولا لا ..

وبالاخير ابي احط لكمـ فيديو عشان تاخذون فكره عن الجهاز وتشوفون شكله

Philips Lumea IPL Hair Removal System - YouTube


واتمنى لكم التوفيق جميع .. :eh_s(17):

 

[تعب-قلبي]

تتهنين بالنتيجه
وشلون حرارته يحرق والا شلون وياريت صوره

 

[فديت حلاتي]

تتهنين بالنتيجه

بس ياليت تحطين صورته

 

[ام شريفه]

انزين شنو نوعية شعرج ناعم ولا خشن؟ مشعره ولا لأ

 

[نانا و توتو]

هلا هلا
أنا كنت مشاركة بموضوع باتشولي الله يزاها الخير إهي السبب بإني يبت الجهاز قبل ما ينقطع ههههههه

عليج بالعافيه يا الغالية و طمنينا بآخر النتايج.

أنا عن نفسي و لله الحمد مرتااااااحة حيييييل صج إني كسوله وللحين ما خلصت جلسات يس مرتاحة عالجهاز وكل ما أحس إني فاضيه أسوي - تدرون آخر مرة سويت فيه بنص رمضان بس لأنه صار الشعر يطلع خفيف ما عدت أحاتي وإن شاء الله ناويه هاليومين أسوي فل بودي

 

[شغلي غير]

حلو والله انشالله بجربه مشكوره حبيبتي

 

[Miss^NeozZ]

نايس يزاج الله خير

 

[قلبها خالد]

روووعــــه واحسن من الشيرهـ والشمع .افكر اشتريه.. بس اختي ياليت تفيدينا كيف طريقه استخدامــه وله اضراار على الجلد والشعر يجلس كم شهر مايطلع ومشكورره يالغلااااا~

 

[A.N.L]

عليج بالعافيه حبيبتي


​

 

[مزيونــــة مطير]

نااااااااوية علية

مشكورة ياقلبي

 

[Mjnont '3lay]

حياكم الله بنات فديتكم نورتو نورتوو والله يعافيكم برد على الاساله كلها
الي قالت تبي صوره حبي حطيت لج فيديو فيه شكل الجهاز وكل مواصفات الجهاز وحتى المره سوته على رجلها عشان توريكم شلون استخدامه


واللي سالت شلون عالريحه اي والله رقم خمسه في ريحة حرق قووويه لا تحتمل كنها ليزر العيادات


واللي سالت عن نوعية شعر جسمي .. حبي بشكل العام الليزر نتايجه رووووووووعه مع الشعر الوبر والخشن ويعطي نتايج اقوى من الشعر الخفيف الفاتح
وبالنسبه لي شعر جسمي اسود وبر بس مو خشن ناااعم ..



وبالنسبه للنتايج رووووووعه مريحه بس مثل ماقلت لكمم يابيلها طولة بال وصبر ولازم التزام كل شهر تسوون مره واذا خف الشعر نهائي تسوون كل 3 اشهر مره او كل شهرين مره على حسب


طبعا ابي اوضح شغله اللي يطلع لها شعر قبل الاسبوعين من شالت ليزر ماااايصيييييير ترد تسوي ليزر بس تشيله بموس وبس
لازم يمر وقت اسبوعين وفوق عشان تردون تسوون الجلسه الثانيه مايصير اقل من اسبوعين حتى لو طلع شعر بالجسم بس الاكيد رح يطلع خفيييف ومو بكل المنطقه لااا رح يطلع باماكن متفرقه وخفييييف مايبين ويظل اسابيع مايطلع

 

[Mjnont '3lay]

وبالنسبه للرقم رح يكونون حاطين عالكرتون من ورى لون البشرات والرقم اللي يناسبها انا حنطيه وشعري اسود وبر يناسبني رقم خمسه اعلى درجه وعلى فكره الليزر اللي عندي مو حااار ابد بس لمن تحرقون الشعره تحسون بلسعه وضوء احمر ولااازم بعدها علطووول تحطون ميبو او اي كريم للحروق لمدة ثلاث ايام مرتين باليوم
ومايصير قبل وبعد الليزر تحطون كريم او شاور جل او اي شي لانه رح يسبب حرق
واللي تستخدم خلطات للجسم او صابونيات توقفهم قبل جلسة الليزر بيومين وبعد الليزر باربع ايام وبعدين ترد لهم
ومايصير وانتو تسوون ليزر تردون على نفس المكان اكثر من مرتين لانه رح يسوي حرق

واي سؤال انا حاضره نورتوني :***

 

[Mjnont '3lay]

قلبها خالد
الناس تضخمممم الامور بشكل خيالي الليزر لو له اضرار ما استخدمته وانا سمعت من دكتور اجنبي ما ينصح فيه لكن دشي عالمواقع الاجنبيه رح تلقين 60 % من دول الاجنبيه تستخدم الليزر كإزاله للشعر والتخلص منه
من جذي اجسامهم مشدوووده لانه الشيره ترهل الجلد كثر ماتروحين وتردين عالجلد وتمطينه بالشيره يترهل
والاجانب ماعندهم هالخرابيط اقصاهم موس وليزر والحياة عجيبه وتبين تصيرين مثلهم شقره شقري جسمج كل 3 اسابيع مره حتى لو انتي مشعره مرح يبين شعر جسمج فديتج عن تجربه
واستخدامه حبي شوفي الفيديو اللي انا حاطته

 

[Mjnont '3lay]

بنات فديتكم انا حاطه الفيديو عشان يرد على كل اسالتكم ونفس الجهاز اللي بالفيديو عندي نفسسسسه بالضبط شوفو الفيديو للاخر واي شي مو واضح انا حاضره

 

[رقـة الاحسـآس]

مشكوره

 

[هدوء البنفسج]

مشكورة حبيبتي


بس انا احترت

احس ما يشيل شعر واجد

وتتهنين ي رب بالنتيجة

 

[Mjnont '3lay]

هدوء حبي اذا مو مجربته لا تحكمين واذا مجربته التزمي فيه عدل وطولي بالج وشوفي النتيجه
ومدري والله بشره عن بشره يفرق اكيييد بس واجد بنات جربوه وامدحووه والشعر يخف من اول جلسه بس لااازم التزام وصبر وطولة بال حبيبتي ..~

 

[أبله أريج]

شوقتيني

 

[ورده معطره]

روووووووعه تتنهنين

 

[بنية ذربة]

حساااااااااااافة ليش قطعوة الغااانم ؟؟؟؟؟؟