تجربتي مع تركيا

[نجوم الظهر]

شلونكم بنات
آنا اليوم رادة من تركيا اسبوعين باصطنبول و3 ايام بورصة
أول شي أبي اقولكم عن تجربتي باصطنبول صج حلوة ومتاحفها عجيبة وقصورها رائعة
بس من خلال تجربتي لاحظت إن الغلا والأسعار المرتفعة علينا على الخليجييين بس وبالذات الكويتين
والله العظيم يابنات دخلنا مطعم آنا وأمي أخوي طلبنا 2 صحن كباب طبعا الكباب قطعتين صغار وصحن عيش اللي راحو اسطنبول يعرفون الكمية اشكثر قليله وصحن سلطة صغير 3 كوكاكولا 2 صحن كنافة 3استكانات شاي طبعا أنا اثناء ماكنا ناكل سألنا من وين قلنا من الكويت...!
والله يابنات النفس خاست فجأة والفاتورة 200 ليرة...!
(100 ليرة =27 دينار)
إحنا انصدمنا ...! من السعر لو داشين الشيراتون مو جذية ... كلها مطعم بجراند بااازار ومشهور بإسم المطعم البسيط... بنفس الوقت لاحظت السواح الإيرانيين اللي على الطاولة اللي يمنا يدفعون ويبتسمون ويطلعون ...!!! يه...!!! شالسالفة...؟؟؟


وبعدها دخلت محل في تقسيم شارع الإستقلال لاحظت المصريات يخمطوووون بهالبضايع والهدايااا والبنت تقول حق امها :ماما مش حناخود تي شيرت ليميدو الأم :طب يا حبيبتشي خودي اللي انتي عاوزارة ... وآنا ...آنا اخذت تي شيرتي حق بنت اختي وتي شيرت حق بنت اخوي ودلاغلات ونفسهم ماخذتهم المصرية وبنتها وشغلات زياااادة ما دققت الله يهنيها طبعا بس آنا أقول جذية عشان توصلكم الصورة ...كانت واقفة جدامي عند المحاسبة حاسبت ب120 ليره وطلعت ...
الحين دووووري ...!!!
تتوقعــــون بــجـــم...!!!؟؟؟
270 لـــــــيـــــــرة
لــيــش عــــسى مـــاشــــــر؟؟؟


واذا قلت السعر غالي والله يابنات يردون اتنوا عربستان rich ليش ما تدفعون...؟؟؟
هذا طبعاً غير التكاااسي وموظفين المطار ومعاملتهم السيئة... ولا حراس المتاحف ... والله يابنات في متحف دولما باشا واحد من الموظفين صرخ فجأة وهو معصب التفتنا كلنا نشوف شالسالفة ...!!! طلع وحدة سعودية من السواح مشت برا السجاد المخصص وهذا يوزعون علينا دلاغات نايلون عشان نلبسها بعد ... عصبت علية وقالتلة إنتوا كلكم غير مهذبين مسكينة الظاهر اللي حاشنا حايشها...


الحين بقولكم آنا اشسويت وشنوا أكتشف...


اللي السويتة يااامحفوظين السلامة


اني بدال ماأقول من الكويت أقول يامن مصر ولا ايران


وغالبا من ايران لو تدرون شنو اللي صاااار ...
والله
الأسعااار انزلت والنفس صااارت حلوه ...


ok آنا معاكم تركيا غااالية بس صدقوني علينا اغلى بوايد وعن تجربة


حتى البضايع بجراند بازار باسطنبول كلها صناعة تايون ويقولون صنااااعة تركية ...


إذا تبون الصناعة التركية صج بسوق بورصة
وأهلها أحسهم أطيب


على بالهم ان احنا شعب متخلف ماندري شالسالفة


آنا بصراحة
على كثر ماعجبتني تركيا على كثر ما تضايقت من شعبها


وهاذي رأي و تجربتي وابي رااايكم

..................................................................................................................................

لاوالله مو على شانهم (تقصد مهند ويحي)


ليش..؟؟ قاصرنا زين ...؟؟؟


حلايا حريمهم جنهم دياجه (جمع ديج )


وبعدين اللي جذبنا بالمسلسل معاملة مهند حق الجيكرة نور


اللي بالحقيقة بعيدة كل البعد عن اسلوب ومعاملة الاتراك


حلاتة يتفقون كل الخليجيييين ويقاطعون السياحة بتركيا وخاصة بعد ما أمريكا واستراليا اسحبت رعاياها عشان تنضرب السياااحة عندهم ويعرفون ان الله حق


وخلي السواح الإيرانين حبايبهم ينفعونهم...؟؟؟


وبعدين جذااابين


الحين اشودعواا ضرس نبينا محمد علية الصلاة والسلام عندهم اللي طاح بغزوة احد واشضمنا إن صج...؟؟؟


ولحيته ونعالة


ولا عمامة سيدنا يوسف (اصلاً ستايلها تركي تشبة عماماتهم الي بلوحاتهم بعدين سيدنا يوسف كان في عصر الفراعنة )


ولا عصاية سيدنا موسى....


أخاف صج بس...!!!


كله كوووم وعظام سيدنا يحيى كوم وجمجمته مرصعينها ذهب وألماس علبو نبي...!!!


أقول ... الأنبياء الله حافظهم وجثثهم ما تتحلل و ولا تجيها الديدان تبقى كما هي الى يوم الدين



حلايا نجمة داوود اللي وين ما تلتفت نشوفها مرتزه


أقوووول وين هتافاتهم الموت لاسرائيل...؟؟؟


ولا بس على العرب ...؟؟؟


ليش ربنا مانزل القرآن باللغة العربية ...؟؟؟


ونبينا محمد عليه الصلاة والسلام ماكااان عربي...؟؟؟


مأقووول الا مالت عليهم وعلى ديرتهم


نفسٍ خااايسة على جلدٍ مروح​

مـــنـــقــــووووووول

 

[أبلة كويتية]

حبيبتي هذا رأيي من زمااااااان تركيا حلوة واااايد بس شعبها خايس وحااااقدين على الخليجيين
بس آنا أقولج في بعض المناطق نفسهم واااايد حلوة مثل بورصة وتيرمال
بس إسطنبول لا يحوشك بس يخزون وما عندهم غير كلمت (( عربجا )) يعني عرب
عموما الأتراك يحسبونا نمشي وننقط بترول
تخيلي مرة بتقسيم سألنا واحد إنتو من وين قلت له من الكويت قال
(( إنتو تاكلون من الكويت وهي ما تاكل منكم ))
حاسدينا على كل شي
ومرة بنأجر باص قام يتطنز على أبوي (( وين سواقك وين خدمك وحشمك ))
بس هذا للأمانة بإسطنبول بس
وطبعا مو الكل أصابع إيدج مو وحدة

 

[ii DareeN ii]

الضاهر الغلا الي صاير بالكويت من عيون العالم المسلطة عليهم اصلا معروفين الاتراك نصابين يقولون محد علم المصاروة النصب الا الاتراك يوم استعمروهم

 

[كوكاكولا]

والله انا رحت لتركيا

وقعدت فيها 14 يوم ......

بصراحة احلى سفره بحياتي ......

راقيين بالتعامل واسلوبهم حلو .........

بالعكس بالمطاعم عقب ما نخلص يضيفونا شاي على حسابهم ( على قولتهم اكرام )

 

[costa chic]

والله انا رحت لتركيا

وقعدت فيها 14 يوم ......

بصراحة احلى سفره بحياتي ......

راقيين بالتعامل واسلوبهم حلو .........

بالعكس بالمطاعم عقب ما نخلص يضيفونا شاي على حسابهم ( على قولتهم اكرام )

ايه و الله اذا حبوج و عجبتيهم يتعاملون معاج عدل و احنا لي رحنا مطاعمهم يعطونا شاي و حلو بعد (اكرام) و اهما طبيعتهم مزاجيين بس ما عليج منهم انتي رايحه بفلوسج و رايحه تستانسين :tek:

 

[بنت البحر]

رحت تركيا قبل4سنين ماعجبتني السبب الاول غاليه موت يعني لو رايحه دوله اوروبيه احسن على شنو غاليه مادري جنج رايحه ايران بس على هناك من غير حجاب ولا افكر اروح لها

 

[أميره بلا قصور]

تركياا حلووه بس الشعب اكس اكس اكس ماااااحبيتهم كلللللللش

رحت لها قبل جم سنه وفعلا كانت غاااااااااااليه بس صراحه طبيعتها ماكو عليهاا

 

[بلبل حياتي]

أنا سافرت تركيا ورحت إسطنبول بورصة يلوا من 7 سنين ونفس الشي الطبيعة حلوة بس الأتراك يكرهوننا وكله يتطنزون علينا وميزتهم نصابين وأغبياء ... أول يوم وصلنا إسطنبول رحنا صراف عملات وطبعا غالبية الأتراك ما يعرفون لا عربي ولا إنجليزي وإحنا مو قادرين نتفاهم مع الصراف بأي طريقة فقعدت أردد عليه بالإنجليزي Turkish money واهوا من سمع كلمة Turkish الغبي نادى ربعه وقعد يقولهم أنا إشقلت وطاحوا له ضحك علينا وتطنز حسباله كلمة كويتية ما يدري إني قاعده أكلمه بالإنجليزي ... لا وبعد في عندهم هناك واحد يدلل على البنات اللي خبركم ويلحقنا إهوا مع البنات اللي وياه من سكة لي سكة ومن شارع لي شارع يبي يعرض خدماته على ريلي لما وقف له ريلي وزفه زف يالله راح ... ولما كنا نروح سوق ما يرظون نمسك البضاعة ونقلبها علشان نشوف القياس أو الموديل أو نوعية الخام يتلها من إيدينا ويعصب يقول شوفيها بعيونج وإخذيها بدون لمس ... أنا قصدي بوضح لكم شنو الأتراك = زف وبهذله ونصب ... مالت عليهم وعلى ديرتهم فوقهم ...

 

[eng.jacvara]

شوفي حبيبتي انا بعد كنت بتركيا ورديت منها 29\7
وهذي اول مرة اروح تركيا
والصراحه ما حبيتها وعلى قولتج يكرهون العرب وايد وايد وايد وايد مادري ليش بس بعدين عرفت السبب
والديرة صج غاليه بس نفس غلاة الكويت,,, انا معاج بسالفة ان يزيدون عالخليجيين لان يعرفونا والصراحه الشعب الاماراتي خربوهم علينا لانهم يقطون بهالفلوس وما يحسون ولما كنا نقولهم ليش تقطون بالهبل خربتو الاتراك علينا يرودون والله حكومتنا مرهيه علينا ليش مانقط ونستانس؟!!!
اسطنبول اكبر منطقه فيها نصب واحتيال عشان جذي احنا ما كنا قاعدين فيها واذا بنروح اسطنبول نروحلها عشان المجمعات الحلوة اللي فيها وبس .....
وصاجه بورصه ناسهم شوي اوادم مو وايد طبعا شوي لان تركيا بكبرها مافيها ادمي واحد كلهم نصابين ويكرهون العرب
والمنطقه الوحيده اللي عجبتني بتركيا اهي (يوك شدره) بترمال تهبل كلها خليج وحتى الاتراك اللي فيها احسن من غيرهم شوي دينيين كافي تسمعين صوت الاذان فيها والمنطقه جنج قاعده بشاليهات الخيران كلها تمشي بالشارع والقطار يفر بهالشارع وتلاقين عيالنا مع الخدم بالقطار من زود الامان لان الشارع كله شرطه وامن
وبالنسبه للغلا انا حسيت ان ماكو فرق بين اسعارنا واسعارهم خصوصا بالأكل لان حتى احنا هني اذا بنروح مطاعم سنعه تلاقين الفاتورة تصك ال 50 دينار فما فرق عن الكويت
بس بالنسبه للسوق لا والله اسعارهم حلوة وتلاقين شغلات غريبه خصوصا للي عندهم يهال واالله اختي خذت حق بنتها مني لي سنتين جدام ملابسهم حلوة ومو موجود منها بالكويت
وارد مرة ثانيه عالشعب,,,, شعب خايس حقير نذل يكهون العرب واذا قالو لأ يعني لأ والغلطه على طرف لسوونهم ما يحترمون احد وغير جذي أغبى شعب مر علي بحياتي ما يفهمون كلش ,,, حتى بالاشارة ما يفهمون
زبدة الحجي تركيا ما تسوى واحد يروح ويقط فيها دينار واحد والله بدل ما اروح تركيا اروح استراليا ولا اوروبا واستانس واتمتع .....
ومشكورة حبيبتي على هالموضوع الحلو​

 

[eng.jacvara]

ونسيت اقول شغله ترى ال 100 ليره = 22 دينار بالضبط

 

[snda]

مشكورة اختى انا الصراحة ما احب الاتراك لانهم شعب لا خير فيهم هالمقولة معروفة من زمان

واذا تبين الطبيعة صج روحى صلنفة اوكسب عندج صفتا كلها مناطق سورية بس فيها طبيعة احنا شنو ناقصنا غير الطبيعة

انامعاكم بتقولون السوريين مو مقصرين بالنفس الخايسةوالصراحة ما يعجبونى بس معاملة اهل كسب زينة لانهم ارمن وطيبين احسن من غيرهم

 

[نجوم الظهر]

صح سندا الأرمن قلوبهم نظيفه مع انهم مو مسلمين
سبحان الله

 

[سبائك]

الي مرددني حيل عن تركيا البووووووووووووووق

وايد يبوقون والمشكله شرطتهم اهمه البواقين

احنا رحنا سنة 89 قبل الغزو من أول ليله أكرمونا آخر كرم وباقو جناطنا حسبي الله ونعم الوكيل

حسافه عاد تركيا بلد سياحي درجه اولى جو حلو وتاريخ وآثار وقصور وسوق وجزر ومطاعم وغيره وغيره بس على قولتج معاملتهم خايسه واذا كاسرناهم بالسعر يزفوننا ويحمرون العين علينا!!

 

[بتبوتااا]

كنت بروح خلاص هونت :\

 

[نجوم الظهر]

صاااااااجه

اذا سألتيهم عن سعر الشغله .... بس سوؤااال...!!! مايردون عليج يحطونه بالكيس

وإذا كااااسرتيهم عصبوا وخمطوه من ايدج ( فيهم طبع المخامط ) يامال ايدهم الكسر

بصراااحه شعب غبي وغير مهذب وماشافوا الدنيا ( أحس ماعندهم استعداد يفكرون )

 

[ديرتي الغاليه]

نجوم الظهر >>>>>>>>مت من الضحك ههههههههههههه خصوصا لمن قلتي فيهم طبع المخامط والله ميته ضحك هههههههههههه يمكن فيهم حاله نفسيه

 

[نجوم الظهر]

ترا والله صج ديرتي الغاليه
يعني لو آنا مو رايحه وشايفه بصراحه ما اصدق
بس هذا الصج ....

 

[ديرتي الغاليه]

وااااي هالسنه طاح سوق سوريا ومصر وماليزيا واووووروووبا والسبب المسلسلات التركيه اختى متحطمه علي تركيا ا بسبب هالمسلسلات وزوجها رافض يغار هههه اخخخخخخ لو تدري عن المخامط عندهم ههههههههههه بس صج يقولون تركيا فللللللللل عليها

 

[نجوم الظهر]

بصرااااحه تركيا عجيييبه

بس نفوس اهلها تعيسه

وقولي حق اختج ترا الزين اللي تشوفينه باللمسلسلات مااااكو

والله بناتهم جكر وحتى شبابهم

انتي شوفي نور ودانا وبانا ترا هذيلا التوب عندهم

حتى نفوسهم الحلوة اللي بالمسلسل موصحيح

بس الديره حلوة

 

[غلطة حياتي]

ههههههههههههههههههههههههههههه بعد عمري شكلج متضايقه وايد منهم عاد ابخاطري اروح السنه اليايه واختي قالتلي غلت اكثر من الأول ماصدقتها والله تبين الصراحه حتى سوريا ريلي راح علاج يقووووووووول ناااااااااار الأكل هذيل اشفيهم علينا ليكون عبالهم النفط يمشي بجيبنا خلف الله علينا ما يدرون كله قروض ومذلولين على لخمسين ههههههههههه