تجربتي مع رجيم السنيكرس

[مشاعلksa]

هاي صبايا
انا شفت رجيم السنيكرز بالمنتدى وقلت اجرب
بصراحه روعه كنت اكل سنيكرز مع قهوة الصباح والعصر والليل من 3 الى 4سنيكرز باليوم
المهم اقل من اسبوع ان نقصت بس كيلو:eh_s(11): لاني سويته قبل الدوره بكم يوم وتعرفون هالفتره يثبت وزننا يالله شي احسن من لاشي بس بصراحه الرجيم مره حلو ماحسيت بجوع انصحكم تجربونه المهم مايكون وقت الدورة عشان تنقصون اكثر انا سمعت انه ينقص3كيلو الى 4
بالتوفيق دعواتكم لي اكمل وزي الحين 71 فالي 60 انشاءلله:ggdw:
المهم الحين بجرب رجيم الفيشار والكولا سمعت انه روعه من تجار البنات خل نتطبب لين ينزل هالوزن
حتى لو رجيم بصل :eh_s(10): بسوية المهم اضعف

 

[بطوووطة$بيضة]

معقوله

رجيم السنيكرز يضعف

اخاف انتفخ

جم كالوري بلككاوه الوحدة؟؟؟

 

[قطوووة]

حبيبتي كله سعرات مرتفعه شلون جذي!!

 

[7googya]

تقصدين ماتكلين شي طوول اليوم الا سنيكرز !!!

 

[قطوووة]

حتى لو بس سنيكرز بيكون الوضع ممل

 

[cheesecake :)]

اموت عالسنيكرز بس مو صحي رجيمج انتبهي وفاااالج ال٦٠

 

[انوثتي غير وياك]

نظااامه شلون صاير

شنو ؟

ريوق ؟

غذا ؟

عشا ؟

سناك ؟

 

[اماراتيه 75]

مش صحي أبدددددددددددددددددددددددا والله الجسم يحتاج كل العناصر الغذائيه وين الفيتامينات وين البروتين وين الكالسيوم ؟؟
سوي رجيم صحي بلكلوري أحسن لج
لا وبعد بتسوين رجيم الفشار و الكولا!!!!!!!!! إبصراحه لا تعليق

 

[مشاعلksa]

معقوله

رجيم السنيكرز يضعف

اخاف انتفخ

جم كالوري بلككاوه الوحدة؟؟؟

لاحبيبتي على مسؤليتي ماراح تنتفخين والشوكلت الوحده فيها 270 كالوري سنيكرز الكبير كلي منه 3 باليوم واذى جعتي خذي صغير واحد بس

حبيبتي كله سعرات مرتفعه شلون جذي!!

جربي وادعي لي

تقصدين ماتكلين شي طوول اليوم الا سنيكرز !!!

اي 3سنيكرز كبير واذى جعتي كلي واحد صغير معهم

حتى لو بس سنيكرز بيكون الوضع ممل

انتي بتاكلينه كم يوم مو طول عمرك واللي يبي الرشاقه يصبر

اموت عالسنيكرز بس مو صحي رجيمج انتبهي وفاااالج ال60

يسلمووو حبيبتي

نظااامه شلون صاير

شنو ؟

ريوق ؟

غذا ؟

عشا ؟

سناك ؟

رديت فوق على نفس السؤال

مش صحي أبدددددددددددددددددددددددا والله الجسم يحتاج كل العناصر الغذائيه وين الفيتامينات وين البروتين وين الكالسيوم ؟؟
سوي رجيم صحي بلكلوري أحسن لج
لا وبعد بتسوين رجيم الفشار و الكولا!!!!!!!!! إبصراحه لا تعليق

يسلمووو عالتعليق هو اختياري مو اجباري اللي يبي يسوية يسويه واللي مايبي براحته

 

[((shoOoshoOo))]

خوووووووش دايت ^_^

موفقه خيتوو

 

[برستيجي مآركة]

عسوووله ماانصحج فيه صج حلو نااكل سنيكرز بس مو صحي يمكن يسبب مرض السكر كثرته اذا بس تااكلينه هو وتستمرين حتى الفشار والكولا هههههههههههههه مو من صج هذا هالاشياء عدوووة للرشاقه ماتضعف تزيد ووالله ..
اكلي اشياء تحرق الدهون مو اشياء تزيد الدهون والسكريات للجسم..
حبيت افيدج من خبرتي المتواضعه في التغذية مو كل شي نسمع عنه نجربه..

 

[Shmo0o5~bnt]

اختي نصيييحه رجيمج خطر، ومو صحي ابدا

لازم يكون اكلج متوازن وفيه عناصر غذائية

وانا سمعت هالكلام من دكتوره في بنت جربت نفس رجيمج وصار عندها امراض حتى اثر ع أسنانها وصارت مايله جنه تشوه

انا حبيت اقولج هالكلام لاني سمعته وماقدرت اكتمه ، واتمنى تنزلين وزنج بصحه وعافية وبرجيم صحي

 

[انوثتي غير وياك]

.


صعب رجيمج

ماتوقع أحد بجازف فيه


؟

 

[بــــدره]

هالكيلو الي ضعفتيه بسبب نقص السوائل بالجسم لان القهوه فيها كافيين يسبب سحب السوائل من جسمج و يسبب جفاف

صدقيني لو تلاحظين بشرتج و شعرج اختربوا مع هالرجيم لان صار جفاف بجسمج من غير لا تحسين

اما السنكرز بصراحه معروف ان يسمن و ان الي تبي تسمن تاكل لها واحد باليوم فما بالج بالي تاكل 3 او 4

صدقيني الحين جسمج فقد الماء الي اهو يحتاجه و كسب دهون بسبب الكالوري الي بالسنكرز

مو حابه احبطج بس حبيت أكون صريحه معاج

الله يرزقج الرشاقه و يرزق كل من تتمنى

 

[miss swan]

عسوووله ماانصحج فيه صج حلو نااكل سنيكرز بس مو صحي يمكن يسبب مرض السكر كثرته اذا بس تااكلينه هو وتستمرين حتى الفشار والكولا هههههههههههههه مو من صج هذا هالاشياء عدوووة للرشاقه ماتضعف تزيد ووالله ..
اكلي اشياء تحرق الدهون مو اشياء تزيد الدهون والسكريات للجسم..
حبيت افيدج من خبرتي المتواضعه في التغذية مو كل شي نسمع عنه نجربه..

مو يمكن الا اكييييد يسبب سكري
معروف الككاو على الريج خطر على الصحه

 

[sanyoretaQ8]

عادي بنات انا مره كنت رايحه مع رفيجتي خبيرة التجميل نورا السيد
كانت تبي تمكيج الفنانه ميساء مغربي
شفتها وقتلها ضعفانه ميساء شنو تسوين قالتلي اسوي رجيم الكاكو
بس تاكل كاكو

 

[Miss sensitive]

لا حبيبتي هالرجيمات مضره .. وبتأثر على الصحه
شنو سكريات وبس ..

 

[باقة ورد]

رجيم يضحك كل شي تجربون!!!!

 

[** رش رش **]

في رجيم النوع الواحد بس بانواع ثانية اخف ضرر من السنيكرز
مثل رجيم التفاح .... او رجيم الكورن فليكس ... او رجيم الشوربات... او التمرو اللبن
ممكن تتبعينهم فترة و ضررهم مو نفس ضرر السنيكر بروحه
لان الفكرة وحدة و هي عدد السعرات القليل جدا لفترة محددة

 

[آلنوري]

موفقه خيتو ​