تجربتي مع صالون لابلوبيل للاسف !

[7boobaah]

شلونكم بنات
اول مشاركه لي حبيت اكتب تجربتني مع صالون لابلوبيل الي بالشعب
صبغت قبل 3 اسابيع تقريبا صراحه شغلهم صج صج صج عجيب ماشاءاللله
ويصبغون لج اللون الي تبيه بالضبط وصبغت عند ايمان نفسياتهم تهبل وحبوبين


ليش اقولكم للاسف < لانه غلط غلط غلط وحده تاخذ من تجارب البنات بالنت للاسف مايقولون الصج البعض يعني مومعقوله الي تقول شعري احترق والي تقول رفعت قضيعه عليهم وقعوني ع ورقه فاضيه < دامج تقولين فاضيه شحقه موقعه عليها ؟
والي تقول نفسيتهم خايسه بالعكس حيل حبوبين ويهتمون حيل ويركزون ع كل زبونه صراحه اول مره بحياتي اصبغ انا وكنت مستانسه بروح بس خفت من شفت تحارب البنات !


الخلاصه كل وحده تجرب بنفسه لاتمشين ع حجي النت ! نصه يهولون بالسوالف

 

[Tom ♥ Jerry]

.


لابلوبيل صالون كبير له سمعته
و الخبيره لما بتيي تصبغ شعرج تقولج هاذي الصبغه الي تبينها يصير تصبغلج اياها و لا لا
على حسب شعرج اذا شعرج تعبان انسي تصبغلج صبغه فاتحه مثلا
تصبغلج بس بدون ما تخرب شعرج .. يعني تقولج الصبغه الي تناسبج !
اذا وافقتي تصبغ و اذا قلتي لا ما تصبغ
رفيجتي راحت تبي تصبغ اشقر ما صبغولها
طلعت من الصالون .. و راحت صالون ثاني صبغت اشقر و الحين مخترب شعرها و تقول ياليتني سمعت كلامهم و ما صبغت
يعني الي هناك يصبغون .. كلهم متخصصين بالصبغ ما اييبون لج اي وحده
و هاذا الشي الي احبه فيهم .. على الاقل تروحين و انتي مرتاحه ما تقعدين تحاتين
صج غالي شوييي بس على الاقل يضبطون لج الصبغه ..