تجربتي مع عجينة السمبوسة..والسبرنغ رول

[لؤلؤية]

بسم الله الرحمن الرحيم


ابصراحه...انا جربت اكثر من عجينة...
فريزري حاليا فيه من كل نوع باذكره لكم
طبعا انا كل نووع الفه اقلي منه حبتين اجرب العجينة..

عجينة السمبوسة...الى الآآآن عملية البحث جاريه

لكن باقولكم عن تجربتي ....
جربت هالانواع

سويتز....متغيرة...مو مثل قبل..ماعجبتني
امريكانا....ياابسه...لفيت جم حبه...وصكيته...ورجعته الفريزر...مو شي ابد...حتى عقب القلاي يابسه شوي
السنبلة...يبرة ويابسه ودهن ولونها غامج(اغمج من سويتز حيل)..حتى شكيت بنظافتها...
الكرامة...اللي تارسة الجمعيات..نصيحة لوجه الله لا تقربوون يمها...
قميظة انا اشتريت منها 2 وعطوني هدية وحده..يعني عندي 3 باكيتات..

وللحين قاعده ادور...

طبعا مشيت حالي...ولفيت منهم...بس ابصراحه...مو العجينة اللي تدش بالمزاج



السبرنغ رول...

اول عجينة اشتريتها...

واروع وحده حصلتهااااااااااا...وانصحكم فيها ...وانا متأكدة انها بتعجبكم...

اهي عجينة السبرنغ رول...اللي اسمها

pastri

روووووعه يا بنات...رووووعه رووووعه
سهلة اللف..وطرية ولا تبس معاج....
جربت الحجم الصغير

حتى عقب القلاااااي....تهبل
هشة...وخفيفة...
متوفرة بكل الجمعيات..وبمركز سلطان تشترين 2 يعطونج الثالث مجانا


طبعا دورت صورتها مالقيت...ووصلة البلوتوث اللي عندي مو شغالة

مفكرة اشتري منها الحجم الكبير...
واقصه بالطول واسوي السمبوسة فيه.....اشرايكم بالتكنولوجيا؟؟!!

طبعا هذا في حالة مالقيت العجينة اللي تدش مزاجي

 

[أحلى عيون]

الله يعطيج الف عافيه صاجه والله اختي اشترت وحده والله نسيت اسمها وكنا نلف معاها وبعد خمس دقايق طلعت يابسه وتتكسر خربنا وايد وقطينا وايد مكسر

راح اسجل اسم الي قلتي عليه وعلى طول للجمعيه

 

[غنوة ستايل]

مشكله العجينه لو يبست

 

[جارة القمر]

مشكوووووووووووووره

حبيبتي


ما أدري أنا مرتاحه علي عجينة سويتز

 

[أم الطيب]

مشكووووووووووووره عمري

 

[ضحكة الدنيا]

مشكوووره حبيبتى على نقل تجربتج عن العجائن الموجوده
بالجمعيات علشان الكل يستفيد
ومبارك عليج الشهر

 

[xxx]

مشكووووورة ام فيصل على الافادة

ليش ماتجربين عجينة الهندي مال السمبوسة وايد يمدحونها


والعجينة الي طاحت بجبدج سويها مرقوقة تطلع فــــلة

هذي طريقة المرقوقه >> حياج ام فيصل عطيه ضغطة هههههه

 

[ملكة أسرتي]

أنا أستخدم عجينة دلتا بالزيت عشاني أحب السمبوسة الي منفوشه وفيها فقاعاتوهذي صورة العجينة

[/url][/img]

 

[سبائك]

جربي عجينة الهنود بالجمعيات(عن تجربه هندي جمعية العديليه)

ويمدحون عجينة الطبق الجميل بحولي(يقولون اهو الي يصدر حق المطاعم الكبير والفنادق)

 

[*سكون*]

مشكوووورة حبيبتي عالإفاده

انا بعد أحب عجينه الهندي احسن من الجاهزه اولا اصغر واطرى وما تتكسر معاج

 

[احلى كويتيه]

انا بعد من مؤيدين عجينه الهندي احلى عجينه

 

[دندونة]

مشكورة ام فيصل عالموضوع الحلو............. الصراحة انا ماشية معاي عجينة سويتز بس قالولي في نوعين عادية وبالدهن ......... بصراحة خوش عجينة وباجرب نوع السبرنغ رول اللي مدحتيه

 

[لؤلؤية]

مشكورين بنات...

وانا باجرب اللي قلتولي عنهم

سبائك...تقصدين الطبق الجميل اللي بحولي؟؟؟؟

 

[همسات ليالي]

شنو عجينه الهندي

يعني ماركه او قصدكم الهندي مال السمبوسه والجباتي

 

[دندونة]

لا همسات البنات قصدهم الهندي مال السمبوسة والجباتي يبيع عجينة السمبوسة فاضية او محشية حسب طلبك.

 

[yzams]

انا انصحك بعجينة دلتا بالزيت مره حلوه ولذيذه

 

[supermarket]

احسن عجينة مالت الهندي

 

[سبائك]

اي ام فيصل الطبق الجميل الي بحولي

 

[فتووون]

مشكووووووووووره بس عجينه السويتز زينه ............

 

[um wahaby]

مبارك عليكم الشهر
عجيبنه سويتيز حلوه ومقرمشه
بالنسبه للعجينه اللي طاحت بجبدج مثل ماقالت بنت الكويت سويها مرقوقه
او قصصيها مربعات وقليها وحطيها عالسلطه تطلع عجيبه .. حتى شكلها احسن من الخبز... قصيها بمقص .. يطلع شكلها مرتب.... احسن من قطتها بالفريزر