تجربتي مع عملية الأنف + صور

[ѕ α Ŀ Ŀ ч]

السلام عليكم ورحمة الله وبركاتة
كيفكم يابنات
الحمدلله لي شهر من سويت عمليتي الانف
سويتها بيوم الثلاثاء 24/122013 الساعة وحدة الظهر بمدينة الملك عبدالعزيز بالرياض
الدكتور سمير البهكلي و احمد المهدي ( بس من الحين اقولكم مابانت النتيجة النهائية )
من كثر ماتحمست رحت المستشفى لحالي بالبدايه ماخفت بس قبل ادخل العملية انواع الخوف
يوم دخلوني غرفة العمليات ماتوقعت بيربطون يدي ورجولي ولفوني عشرين مره قلت ليش كل هذا حسيتكم تكفنوني ومادريت عن نفسي الا وهم يصحوني وكنت ابكي من الالم بس مو الم الانف الم حلقي عشان الانبوب اختي تقول كل مانمتي جلستي تلعنين ماخليتي احد قلت الله يستر مالعنت الدكاتره :eh_s(11): المشكلة ماني لعانه شكلهم كانو قاهريني :eh_s(4): ماعلينا نكمل الموضوع
المشكلة عندي : انحراف بالحاجز الانفي والارنبة كانت مو متناسقة من شكل الانف
النتيجة لحد الان غير مرضية من ناحية الشكل اما من ناحية التنفس الحمدلله ارتحت كثير عن قبل
شكل الانف متعب لي نفسيتي مررة مادري اذا بستمر كذا او لا الفتحات مختلفه وحدة ضيقة والثانيه نفس شكلها مع اني ماطلبت يغير بالفتحات بس تنحيف الارنبة صار الشكل غبي مع الجنب .. قبل كان انفي حلو مع الجنب وشين من قدام الحين العكس
الاحساس يوم المس انفي كاني المس بلاستيك سويت مثل ماقالي الدكتور مساج بس مادرري احس كل ماله يصير ابشع من قبل والله خايفه اني اعيدها .. :eh_s(2):
هذي صورة انفي بعد العملية عطوني رايكم وطمنوني :eh_s(2):

 

[ѕ α Ŀ Ŀ ч]

الفرق بين الصورة الاولى والثانيه
الاولى الفتحة زينة وشكلها طبيعي
الثانيه ضيقة ونازله ..

 

[شبيهة ديمة بشار]

الله يهديك اختي بسالك هل في احد يقدر يخلق احسن من ربي
علعمو الحمد للاه علا سلامتك يا قلبو

 

[ѕ α Ŀ Ŀ ч]

^^
شكلك ماقريتي كلامي زين انا كتبت عندي انحراف وشوهلي انفي وسويت تعديل مو تجميل

 

[شبيهة ديمة بشار]

والله يا قلبي اشوفة حلو وكثييييييير بنات فيهم انحراف انتي قصدك الميلان بس والله جميلاااااااااات ماشا الله وبس امانه لا تزعلي مني اهو الحين يقلون تعديل مو تجميل بس في الاخير تجميييييييييييييييل بس لا تزعلي والله اني ماشوفك الا مثل اختي وانفك بصراحة عجبني ماشا الله والميلان الخفيف هاذا عادي اهم شي لاتفكرين كثير الجمال مايجي الا براحة النفسية

 

[ѕ α Ŀ Ŀ ч]

^^
ياحبي لك فاهمه عليك اكيد انا مارضى على اغير خلقة ربي التعديل واضح مفهومة بس اللي تسمي التجميل تعديل اكبر غلط 3>

 

[قلب طفـــله]

الله يهديكم هالعمليات حرام تغير بخلقة الله !

 

[اميره بكلمتي]

الحمدالله ع السلامه

 

[خيال دبي]

الفتحات وااااااااااااااااااااااايد غير كيف دكتور تجميلي يسويهم به ألطريقه

 

[فاطمة 25]

الحمد لله على سلاامتك وماتشوفين شر

وإن شاء الله إختلاف الفتحااات بسبب الورم بما إنك توك مسويه العمليه

شوووفي حشمي ... شلوون تغيــر ..... الفتحاات كاان فيها إختلاف أنا بعد
والحمد لله الآن ضبطت ((لكن بعده الخشم متورم))

ويزيد التورم أول ما أقعد من النووم حده متنفخ

كملت ال3 شهوور الآن من سويت العمليه وأسبوع وكم يوووم

الصوره توضح تغير شكل الأنف
أول صوره توني أسبوعين
وكل مااتمر فتره صوورت

وآخر صوره صورتها لأنفي كانت قبل ما أكمل شهرين

قلت بوقف التصوير لين أكمل ال6 شهور بعدها بصووور


مرات تكون الفتحاات من الأورام مختلفه
ومرات يكون الدكتور ماضبطهاا وماسواها نفس الشيء

فإن شاء الله انتي بسبب الورم

 

[فطمطم]

الحمدالله على السلامه اختي
وانا ابي اريحج نفسيا ترا انتي توووووووووج لسى بكير عليج وايد

انا اتذكر الكدمات والتورم في ويهي كمل شهرين او يمكن شهر ونص يالله فش ويهي وخشمي وكان ماساه

كل فتحه غير عن الثانيه
وكان مرتفع خشمي والفتحات تبين
بس كملت 4 شهووووووور تغير وايد بس الي صار انه انعوج خشمي وصار على جهة اليسار

انتظرررررررررررري انه الله مع الصابرين

 

[ashwaaq]

الحمدلله ع السلامه

عادي اختي تو الناس بالبدايه انواع التورم وضيقة الصدر انا كان نفسك وحده كبيره والثانيه صغيره

بس لما خف التورم بدى يرجع لطبيعته وعموما ترا من خلقة رب العالمين لازم تجي وحده اكبر من الثانيه بشوي

انتي قولي الحمدلله ان ارنبتك نازله يعني حتى لو بعدين لاسمح الله صار فرق بين الفتحين ماراح يبين

فلا تشيلين هم وافرحي بالنتيجه وصدقيني كل يوم عن الثاني بتحسينه شكل لين ماتمين 8 شهور يبدى ياخذ شكله الدائم​

 

[التوأمتان]

اختي ابيك تتطمني على الاخر بخصوص الفتحات انا كانت فتحاتي كذا وحده ضيقه ووحده كبيره والكبيره كانت هي متورررم مره لان كان فيها الانحراف وماقدر اتنفس منها وكل شغل الدكتور كان عليها لاكن بعد فتره اربع شهور راح تضيق وتسير مثل الثانيه
ونفس الشي الجهه المرتفعه متورمه واذا خف التورم راح تنزل واستمري على المساج مفيد انا الحين لي ثلاث شهور ومستمره والدكتور قالي الى ست شهور اسوي مساي
ولاتهملي المراجعات روحيلهم واستفسري من كل شي
لاكن ياليت تقولي وش تخصصات الدكاتره

 

[ѕ α Ŀ Ŀ ч]

يعطيكم العافية يابنات جد طمنتوني

 

[ѕ α Ŀ Ŀ ч]

اختي ابيك تتطمني على الاخر بخصوص الفتحات انا كانت فتحاتي كذا وحده ضيقه ووحده كبيره والكبيره كانت هي متورررم مره لان كان فيها الانحراف وماقدر اتنفس منها وكل شغل الدكتور كان عليها لاكن بعد فتره اربع شهور راح تضيق وتسير مثل الثانيه
ونفس الشي الجهه المرتفعه متورمه واذا خف التورم راح تنزل واستمري على المساج مفيد انا الحين لي ثلاث شهور ومستمره والدكتور قالي الى ست شهور اسوي مساي
ولاتهملي المراجعات روحيلهم واستفسري من كل شي
لاكن ياليت تقولي وش تخصصات الدكاتره

د.سمير البهكلي
استشاري جراحة انف واذن وحنجرة - بروفسور مساعد بكلية الطب
د.محمد المهدي
استشاري مشارك في الأنف والأذن والحنجرة



^^
المعذرة غلطت بأسم الدكتور (احمد) اسمة محمد