السلام عليكم ورحمه الله وبركاته
كويتيات اشلوونكم حبايب قلبي .. انا الاسبوع الي فات رحت عياده اسنان كلينك علشان بسوي ليزر حق اسناني
وانا كنت ماخذه موعد مع دكتوره زينب العوضي المهم فتحت ملف بـ 15 وبعدين سوولي اشعه حق اسناني وعلى فكره انا لمه خذيت موعد قلت لهم ابي استشاره بس
خلصت الاشعه ورحت عند دكتوره ياحليلها ذربه واسلوبها حلوو وطبعا طول ما انا اسولف وياها اشوف اسنانهاا ماشاءالله حلوين وسئلتهاا انتي مسويه ليزر جان تقول لا انا قوالب واذا تبين انا انصحج بالقوالب احسن من ليزر
قلت شنو الفرق اذا كلهم يبيضون ..جان تضحك وتقوول القوالب تقدرين تتحكمين بدرجه الي تبينهاا يعني مجرد ما توصلين لدرجه البياض خلاص توقفين اما الييزر احس يطلع الاسنان بيض واحسهم مزورقين
طبعا انا قلت خلاص بسوي قوالب شنوو طريقتهم جان تضحك وتقول اوكي احناا نسويلج قوالب ونعطيج وياهم ابره تقريبا 8 ابره وطبعا وهي تشرح لي توريني عينات من عندها
تقول قبل لا تحطين القالب لا تفرشين اسنانج بس مجرد تمضمضين وتمسحين الاسنان بفوطه وتحطين الماده المبيضه الي بالأبره داخل القالب بس ما تترسينها وبعدين تلبسين القالب واذا اكو اي زوايد من الماده إطلعت تمسحينها من لثتج
وابره تقول تكفي حث 3 مرات استخدمات واذا خلصتي من القالب تشيلينه وتنظفينه بفرشه قديمه عندج بالماء وبس
وممنوع الجاي وقهوه والمرق والشوربه وبيبسي واي شي ممكن تصبغ لكن اذا شربي بيبسي يفضل بالعوود تشربينه او اذا كليتي شي على طول تتمضمضين وتمسحين على اسنانج
واهم سؤااااااااااااااااااااال
اسناني اتصير حساسه .............؟؟
قالت لي يختلف درجه الحساسيه من واحد لـ ثانيه فيه ناس خفيف وناس ثقيل
تقول انا لمه سويت حسيت بحساسيه الاسنان وقت العلاج بس مع الوقت راح يروح
وانصحتني بمعجون اسنان سانسوداين للاسنان الحساسه تقول حيل زين راح يفيدج
وطبعاااا قالت لي العلااج في 8 ايام راح يكوون جذي
اول يوم : ساعتين
ثاني يوم : ساعتين
ثالث يوم : ساعتين
رابع يوم: ماااااكو شي
خامس يوم : من 6-8 ساعات
سادس يوم : ماكو شي
سابع يوم : من 6-8 ساعات
ثامن يوم : ماكو شي
وبعدين تشوفين اسنان اذا يحتاج تكملين من اول يووم
تقول هي تقريبا اسبوعين على الاكثر وراح يبين النتيجه ان شاءالله.
واذا خلصتي علاج وبقى شي من الابره تحفظينهم بالثلاجه لانه مدتهم 6 شهور
واذا حسيتي انه اسنانج صارو صفر حطي القالب مره ثانيه
واهم اذا بعدين تبين ابره زياده للمستقبل تجبين تشتري منه ابره والله قالت السعر بس نسيتهم
وبعدين خذوه لي قياس القوالب رحت
وامس زوجي جاب لي القوالب حاطينهم في جنطه ذربه صغيره يعني تكفي وفيها معجون بس مادري حق شنو
ومعاهم 8 ابره وجايبين صبة القوالب ملوتي يمكن احتاجهم
طبعا بما انه امس كان اول يووم استخدمه حطيت الماده على القالب ولبسته ساعتين وبعدين شلته
حمدالله ماحسيت بشي للحين يمكن لانه اول يوم وان شاءالله بكمل
تقول الدكتور اذا حسيتي روحج ماتقدرين كل يوم حطي يوم وترك .
طبعا كلفني 100 القالب مع تنظيف وانا المفروض اسوي لانه هذا عرض تنظيف والقوالب بس ماسويت تنظيف لانه توني مسويه من شهرين يوم شلت التقويم
ان شاءالله احط لكم صوور بس انطر اختي تنزلهم انا ماعرف ...
حبيت بس اكتب تجربتي وان شاءالله استفيد منهاا وياكم
وترا للحين فيني خوووووووووف من حساسيه الاسنان اختي تقول اخذي مسكن بروفين هذا خوش شي و سلامتكم
