تجربتي مع كريمات روك

[كيوت فيس]

قبل شهرين تقريبا كنت بالافنيوز وحاطه ببالي مجموعه للبشرة طبية وماابيها غاليه
رحت للصيدلية اللي عند ستاربوكس الظاهر بوتس ماادري مااركز بالاسامي
قعدت تخربط علي اللي بالصيدليه تعالي جربي اختبار مجاني للبشرة
اهو جهاز يصور وجهج كذا صورة يشوف المشاكل اللي عندج
قالت بشرتج كلها حروق شمس واهي صج بشرتي محترقة
الزبدة عطتني مجوعة روك اطلعو تقريبا 45
لما رديت الليت حطيت الحماية احترق وجهي وصارت فيني حساسية
جيت بكحلها استخدمت المرطب بزبدة الشايا شب وجهي نار
رحت لمستوصفنا عند الجلدية قالي منتجات روك زينة وريته الحماية قعد يضحك قال هذي للجسم مو للوجه
عطاني كريمات كرتزون وهدت بشرتي
بعدها بفترة قلت حرام اقطهم خلاص استخدم الغسول والمرطب هم رد والتهب وجهي
فانا ابي اعرف في وحدة سببت لها حساسية ولا بشرتي اللي مو طبيعية

 

[A.N.L]

مادري حبوبه

ان شاءالله يفيدونج البنات

 

[miss angel]

رد : تجربتي مع كريمات روك

غريبه حبيبتي مع انه روك طبي واغلبيه الدكاترة يصرفونه ؟

بس انتي ليش ما قريتي وتأكدتي انه هذا مو للويه وانه للجسم ! واكيد صارلج حساسية فا حطي كريم حساسية يهدي الاحمرار

عالعموم الله يعوضج خير يا قلبي

 

[غيرهم]

ممكن بشرتج حساسه مو اي شي يناسبها

 

[بنت الاحلام]

يمكن بشرتج حساسه يا الغاليه

 

[كيم كارداشيان]

روك واااااايد زينة ولا تقطينهم استعمليهم لجسمج ما دامهم للجسم ..

 

[جوك احلى جو]

ماركه افين احسن من روك للبشره الحساسه الافضل افين بالصيدليه تلقينها

بعدين اذا ويهج الحين محترق متحسس اذا عندج كويكر شوفان اخذي قفشتين + قلاص ماي واغلي لين يبقبق وحطي بالثلاجه واستخدميه واهو بارد زين يهدي ويغذي الويه

وبخي ويهج بخاخ المياه المعدنيه الثيرميرال ووترر عندج افين او انج تبخين ويهج بماي الورد

وحطي كمادات الجاي واهو دافي هم زين

 

[احلى سماء]

هالماركه ما مشت معاج

البشرات تختلف

 

[فراشه]

انا ماركة روك ولا مره فادتني استغرب من الدكاتره الي يمدحونها