السلام عليكم
حبيت اسولف عن تجربتي مع التوقعات و بنفس الوقت حابه افضفض لما قررت اني اتصل لكل وحده من المذكورات ادري اذا قلت لاي احد اني كلمتهم بياكلوني بس عندي وجهة نظر ان هم ما يعلمون الغيب هم يستعملون ادوات علشان يتوقعون المستقبل مثل الارقام من الاسم ... الخ نفس تفسير الاحلام المفسر ياخذ ادوات و في معطيات علشان يفسر و ساعات يتكلم عن المستقبل المفسر المهم اتصلت على كل وحده بفترات متباعدة والله بعض الاشياء اللي توقعها لي صارت و بعضها لا ما صارت بس حبيت اقول بالنسبة ليلى عبداللطيف انقذتني كانت عندي ارض بالفنيطيس انا ورثت شويه فلوس فقلت اشتري فيها ارض بالفنيطيس من 5 سنين شريتها قبل لا توصل لها الخدمات و البنية التحتية .... تقريبا من سنة او سنة و نص قررت ابيعها بس نفس اللي متردده يوم اتصلت على ليلى طبعا سألتها عن عدة اشياء من ضمنها بيع الارض قالت لي بيعها الحين تبيعينها الحين احسن من بعدين و بصراحة نصيحتها فادتني لان الارض بعتها مع ان بعد ما بعتها الاراضي زادت اسعارها بالفنيطيس حتى قلت لنفسي ما استفدت من ليلى بس بعدين هوت الاراضي و نزلت اسعارها فقلت الحمدلله اني بعت بس المشكلة من ضمن الاشياء اللي قالتها لي ليلى قالت لي انج انتي مسحورة انا ما صدقتها ( و هذا اللي ابي افضفض فيه ) لان محد يسوي لج *** الا لسبب يا امه غيرانه منج او تكونين بمنصب او يعني لج ميزة فما صدقتها فأنا مع الاسف وظيفتي بسيطة جدا و مع الاسف ايضا اعاني من السمنة المفرطة و شكلي و مو حلوه يعني محد راح يغير مني حتى شويه الفلوس اللي عندي انا من النوع الكتومه حتى لما شريت الارض محد دره اني شريت الارض الا اخوي لان اهو ساعدني بشراءها و والدتي و بس المهم نسيت انا هالموضوع لاني ما صدقتها بعد سنة تقريبا اتصلت على زينة نمور و اهي احد قارئهات التاروه المهم اول كلمة قالتها لي احد فتح لج و قال انج مسحوره قلت لها أي بس انا ما صدقت و قلت لها السبب اني مو ناجحة و يعني محد يسوي لج شي يضرج الا لسبب اهني المشكلة قالت لي اشياء صحيحة منها قالت لي تره راح تحسين بالكأبه و راح تلقين نفسج بروحج محد تحب صداقتج (و فعلا انا جذيه )انصحج انج تشيلين السحر باقرب وقت ممكن والسحر عليج قوي فقلت لها ليش احد بيسوي لي *** وانا ما عندي ميزة فقالت انتي تأثرتي من السحر من ورا اهلج اهلج سوو لهم عمل الصراحة انا اهني قلت ممكن لان يدي الله يرحمه كان تاجر كبير و العادة تزوج على يدتي وحده عمرها 18 سنة و كان كل عماتي يعتقدون بل يكادون يجذمون ان مسويه *** حق يدي ان يكرههم و يحس بالنفور منهم و طبعا صار اللي تبيه مرت يدي مع الاسف كتب لها كل شي و عطاها كل شي لدرجة يوم توفى يدي ابوي من القهر صابه السكر و قال انا كنت متوقع ان بيكتب لها اشياء بس ما توقعت ان يكتب لها كل شي فابوي انقهر حيل المهم قالت لي زينة ان انتي تأثرتي من السحر..... و هالشي مضيق خلقي مع اني من قبل ما تقول لي اني مسحوره احس ان فيني شي مو طبيعي الوحده اللي انا عايشتها ما عندي صديقات و منطوية مادري هذا طبع ولا من تأُثير السحر بس انا طبعا مع ان زينة قالت لي اعطيج رقم واحد يعالج بس ما اتصلت عليه لان قلت لنفسي اذا كان فعلا عليي *** ان شالله فيه تخفيف ذنوب لان المسلم حتى لو الشوكة غزته له اجر فما بالج بأذية السحر فما راح اكلم هالناس اللي يقولون انعالج ما انعالج الا اذا لقيت شيخ دين بالكويت مثلا معروف و يعني مشهور ان اهو مو نصاب او شي من هذا القبيل انااعتقد ان الشيخ ناصر الرميح السعودي انا اتابعه ببرنامجة لتفسير الاحلام احس من اتصالات الناس عليه ان اهو مو نصاب و يفك السحر بالقرآن لوجه الله و معروف ان شيخ دين بس شلون اوصل له مادري .... الله المستعان و اللهم اغفر لي و لوالدي يا رب
حبيت اسولف عن تجربتي مع التوقعات و بنفس الوقت حابه افضفض لما قررت اني اتصل لكل وحده من المذكورات ادري اذا قلت لاي احد اني كلمتهم بياكلوني بس عندي وجهة نظر ان هم ما يعلمون الغيب هم يستعملون ادوات علشان يتوقعون المستقبل مثل الارقام من الاسم ... الخ نفس تفسير الاحلام المفسر ياخذ ادوات و في معطيات علشان يفسر و ساعات يتكلم عن المستقبل المفسر المهم اتصلت على كل وحده بفترات متباعدة والله بعض الاشياء اللي توقعها لي صارت و بعضها لا ما صارت بس حبيت اقول بالنسبة ليلى عبداللطيف انقذتني كانت عندي ارض بالفنيطيس انا ورثت شويه فلوس فقلت اشتري فيها ارض بالفنيطيس من 5 سنين شريتها قبل لا توصل لها الخدمات و البنية التحتية .... تقريبا من سنة او سنة و نص قررت ابيعها بس نفس اللي متردده يوم اتصلت على ليلى طبعا سألتها عن عدة اشياء من ضمنها بيع الارض قالت لي بيعها الحين تبيعينها الحين احسن من بعدين و بصراحة نصيحتها فادتني لان الارض بعتها مع ان بعد ما بعتها الاراضي زادت اسعارها بالفنيطيس حتى قلت لنفسي ما استفدت من ليلى بس بعدين هوت الاراضي و نزلت اسعارها فقلت الحمدلله اني بعت بس المشكلة من ضمن الاشياء اللي قالتها لي ليلى قالت لي انج انتي مسحورة انا ما صدقتها ( و هذا اللي ابي افضفض فيه ) لان محد يسوي لج *** الا لسبب يا امه غيرانه منج او تكونين بمنصب او يعني لج ميزة فما صدقتها فأنا مع الاسف وظيفتي بسيطة جدا و مع الاسف ايضا اعاني من السمنة المفرطة و شكلي و مو حلوه يعني محد راح يغير مني حتى شويه الفلوس اللي عندي انا من النوع الكتومه حتى لما شريت الارض محد دره اني شريت الارض الا اخوي لان اهو ساعدني بشراءها و والدتي و بس المهم نسيت انا هالموضوع لاني ما صدقتها بعد سنة تقريبا اتصلت على زينة نمور و اهي احد قارئهات التاروه المهم اول كلمة قالتها لي احد فتح لج و قال انج مسحوره قلت لها أي بس انا ما صدقت و قلت لها السبب اني مو ناجحة و يعني محد يسوي لج شي يضرج الا لسبب اهني المشكلة قالت لي اشياء صحيحة منها قالت لي تره راح تحسين بالكأبه و راح تلقين نفسج بروحج محد تحب صداقتج (و فعلا انا جذيه )انصحج انج تشيلين السحر باقرب وقت ممكن والسحر عليج قوي فقلت لها ليش احد بيسوي لي *** وانا ما عندي ميزة فقالت انتي تأثرتي من السحر من ورا اهلج اهلج سوو لهم عمل الصراحة انا اهني قلت ممكن لان يدي الله يرحمه كان تاجر كبير و العادة تزوج على يدتي وحده عمرها 18 سنة و كان كل عماتي يعتقدون بل يكادون يجذمون ان مسويه *** حق يدي ان يكرههم و يحس بالنفور منهم و طبعا صار اللي تبيه مرت يدي مع الاسف كتب لها كل شي و عطاها كل شي لدرجة يوم توفى يدي ابوي من القهر صابه السكر و قال انا كنت متوقع ان بيكتب لها اشياء بس ما توقعت ان يكتب لها كل شي فابوي انقهر حيل المهم قالت لي زينة ان انتي تأثرتي من السحر..... و هالشي مضيق خلقي مع اني من قبل ما تقول لي اني مسحوره احس ان فيني شي مو طبيعي الوحده اللي انا عايشتها ما عندي صديقات و منطوية مادري هذا طبع ولا من تأُثير السحر بس انا طبعا مع ان زينة قالت لي اعطيج رقم واحد يعالج بس ما اتصلت عليه لان قلت لنفسي اذا كان فعلا عليي *** ان شالله فيه تخفيف ذنوب لان المسلم حتى لو الشوكة غزته له اجر فما بالج بأذية السحر فما راح اكلم هالناس اللي يقولون انعالج ما انعالج الا اذا لقيت شيخ دين بالكويت مثلا معروف و يعني مشهور ان اهو مو نصاب او شي من هذا القبيل انااعتقد ان الشيخ ناصر الرميح السعودي انا اتابعه ببرنامجة لتفسير الاحلام احس من اتصالات الناس عليه ان اهو مو نصاب و يفك السحر بالقرآن لوجه الله و معروف ان شيخ دين بس شلون اوصل له مادري .... الله المستعان و اللهم اغفر لي و لوالدي يا رب
