تجربتي مع منتجات Natural Mineral .. ! متجدد

[arrooma-]

سلام عليكم ..

اليوم وصلوني سامبلز من هالماركه الكوريه .. وبسبب نشاطي بتويتر بالمواضيع الخاصه بالمكياج والبشره ..

المفروض يكونون سامبلز بس اللي حصلته .. الاحجاام العادي الكبيره ! :eh_s(22):

دقت علي مستشارة الشركه .. قتلها شنو نوع بشرتي وشعري .. واقترحت علي هالمنتجات ..


طبعا .. قبل ما ابدي باستخدامهم قريت عنهم شوي :eh_s(9):

اهيه ماركة كوريه .. طبيعيه .. عضويه .. كلها معادن ..
و مافيها مواد كيميائيه
مختصه بالبشره خصوصا .. وبالشعر ..
وعندهم المستحضر اللي كل الكويت تدوره ( ال BB كريم )

راح اعرض عليكم الشغلات واكتبلكم اللي مكتوب بموقعهم


-----

1- total cleansing

منتج : يشيل الميك اب / ينظف بشرة الوجه والجسم / يعمل مثل تقشير بسيط / يكون مثل الرغوه

وهذي البنت اللي حاطينها مستخدمته

اشحلات الخشم :eh_s(22): مشالله


-----

2- miba sun cream 50

كريم حماية من الشمس بمعامل حماية 50 .. اللي فهمته من الموقع انه ماخذ 5 نجوم بكوريا ..
والباجي قرقه بالكوري :eh_s(4):

-----

3-BB cream

كريم كاتبين عنه انه يشيل البقع من البشره ! توني ادري توقعته بس ميك اب .. طلع علاج وميك اب..
وكاتبين لازم تستخدمونه 2-3 مرات باليوم حتى بعد الميك اب !
هذا اكثر واحد مز ريجي عليه .. حطيته ع ايدي وكان فاتح بعد فتره اندمج وصار مثل باجي ايدي

----

4- Spray Mild

نفس الشي الكلام كان بالانجلش ,, بس مكتوب عليه مرطب ومنعش للبشره .. حسيته نفس طريقة الفكس بلس (( متشوقه استخدمه ))


-----

5- pimple lotion

بعطيه لاختي فيها حبوب وايد .. حاطين صوره تشجع الواحد يجربه ..

-----


6- Mineral Mask Pack

اقنعه خاصه للتبييض والترطيب العميق .. نصحتني فيهم الاستشاريه قبل الحفلات والمناسبات لان مفعولهم حلوو .. وكاتبين بالموقع تبين النتيجه بعد اول استخدام ..


-----

7- trouble Zero Shampoo

شامبو يشيل القشرة ب3 ايام .. وينعش الفروه .. وكاتبين النتيجه تبين بعد 3 ايام .. لكل انواع الشعر .. انا نصحتلي اياه للتساقط




هذيله كل الاغراض اللي خذيتها .. وراح اوريكم النتايج وردود فعلي .. اولا بأول ..:ggdw::ggdw:


​

 

[omsalooom@hotma]

اختي شنو عندهم للشعر غير الشامبو ووين نحصل عليهم هالمنتجات

 

[arrooma-]

اختي شنو عندهم للشعر غير الشامبو ووين نحصل عليهم هالمنتجات

صراحه ما ادري ..
اهيه منتجات تطلبينها توصلج للبيت ..
غير جذي سامحيني ما ادري

 

[omsalooom@hotma]

بجم شريتي هالاغراض منهم

 

[ام ساره 4]

عليج بالعافيه بس كم طلعوا عليج كل الأغراض

 

[om janoona]

والله شجعتيني اشتري منهم
بس جربي و قوليلنا النتيييجة
انا بصراااحة وااايد تعبت من حب الشبااااااب

 

[om janoona]

و جم طلعوا عليج هالاغراااض ..؟
و جم رقمهم اذااا بغينا نطلب منهم ..؟؟

 

[arrooma-]

بجم شريتي هالاغراض منهم

مو شاريتهم يولي ببلاش عشان اجربهم واكتب عنهم ببلوقي :eh_s(22):

 

[زوجة عزيز]

عليج بالف عافيه

 

[ام شريفه]

اب اب

 

[arrooma-]

بقولكم تجربتي مع الغسول :

امس غسلت ويهي بالغسول .. كان ويهي فيه مكياج كامل .. غسلته .. ريحته اتينن مادري ليش حسيته بابونج ! مع اني ما اعرف ريحة البابونج :d

والمكيااج ( ما عدا مكياج العين ) راح كله .. يعني يوم خلصت مررت فوطه ع ويهي ما تغير لونها ما ظل شي بويهي ..

عجبتني التجربه .. وراح احاول استخدمه كمقشر واقولكم النتيجه ^.^
​

 

[رقـة الاحسـآس]

شي حلوو
الله يهنيج و تلقين النتايج اللي تسرج ^^

 

[MiSS B.K]

عليج بالعافيه حبيبتي

 

[miss angel]

عليج بالعافية حبيبتي وانشالله تشوفين النتايج الي تسرج

 

[همس الهموسات]

عليييييييييك بالعافيه

 

[هدوء البنفسج]

الاغراض تونس

بس مافهمت بودي اجربهم ببحث عنهم

تتهنين بالاغرااض

 

[فدوووو]

يعطيك العافيه ومنتظرين تجربتك

 

[Dalo0o3a Cute]

عليج بالعافيه حبيبتي :***

 

[هبونه]

اب اب نبي باجي التجربه