تجربتي مع slim in 6 برنامج روعه لتنزيل الوزن والشد

[قــمر]

السلام عليكم ​

اليوم حابه اتكلم عن تجربتي مع برنامج slim in 6​

طبعا اكبر غلط الرجيم بدون رياضه الصراحه الوحده احسن لها تكون متينه ومشدوده
ولاضعيفه ومترهله كانها عيوز ​

انا الحمدلله لحقت ع عمري وحسيت اني لازم اسوي رياضه ​

انا وحده ما احب اسجل في نادي كل يوم البس وطلع وانطر في الزحمه واوصل واخلص وارجع البيت ​

كنت ابي شيء سهل عشان التزم
ودورت وايد وحصلت هالبرنامج وعجبتني تجارب الاجانب في اليوتيوب​

وسهل اسويه في البيت ع راحتي اي وقت ابيه ​

وماياخذ من يومي الا ساعه ​

ونتايجه تهببببببل​

​

هو عباره عن 3 ديفيديات رياضه
وديفيدي للبطن
وديفيدي للسترجات​

لمده 6 اسابيع ​

تبدين بالديفيدي الاول واول ماتحسينه صار سهل تنتقلين للثاني وبعدين للثالث​

وويوم تحسين في البدايه بآلام سوي ****** السترجات ووايد يريح​

ومعاه دايت ​

يعلمج شلون تنظمين اكلج والاوقات المناسبه للاكل ​

مناسب للي ماعندهم لياقه خير شر مثل حالتي​

تحسين بانجاز لما حركه ماكنتي تقدرين تسوينها الاسبوع اللي طاف واليوم تقدرين ​

بالنسبه لتجربتي نقصت 5 كيلو ​

والمقاسات نقصت اكثر من الوزن ​

والجسم يشد شد مب طبيعي البطن والفخود والزنود ​

والموخره تنشد وتنط ​

والسيلوليت يررررروح يختفي بلاكريمات بلا خرابيط​

وتحسين بنشاط وحيويه ​

والنوم يتنظم​

بالنسبه لطريقتي :​

كنت اول ما اقوم من النوم اسوي الرياضه لان ضروري تسوينها ومافي بطنج اكل
وعشان اسويها واخلص وباقي اليوم اكون فري اذا بغيت اطلع او اذا احد بيزورني​

وكنت اضيف لها الديفيدي حق البطن مدته 10 دقايق​

ومرات اسويها العصر ​

انطر ثلاث ساعات بعد اي وجبه وبعدين اسوي الرياضه ​

الصراحه انصحكم في الرياضه وايد حلوه وتغنيج عن النادي والاجهزه وكريمات التنحيف والشد​

والله هالفلوس اللي تقطونها وفروها مثلي وعقب لين ضعفتو سووو نيو لوك اشترو كل شيء جديد ​

واي استفسار انا حاظره :eh_s(7):​

 

[تفاصيل الغرابه]

الف شكررررر حبيبتي على عرض تجربتج
من وين اشتريتيهم ؟

 

[فواصل]

حبيت البرنامج بس نلقاه في اليوتيوب ؟

 

[فيلجاويه كيوت]

من وين ؟

 

[طعنـــة غـــدر]

عفيه وين حصلتي السيديات نبي الرقم وشنو نقوله بليز لاتطولين

 

[ReeMa ..]

من وين شريتيهم حبيبي

 

[MisS_Fa6oOomi]

وااااو نـــايس عليج بالعافيه .. من وين حصلتيهم حبيبتي ؟ وعلى جم ؟

 

[يحبنى الله *]

للرفع


من وين شريتى السيديات وعلى جم

ولخصيلنا طريقة الأكل وتمارينك

 

[حصه11]

مشكورة تصدقين عندي السيدي من كم سنه شارتنه ولعبت مال اسبوع ووقفت

شكلي برد له

ممكن اعرف متى حسيتي بالنتايج يعني عقب 6 اسابيع

لان اخس مافيني الكرش

 

[Blueflower84]

من وين شريتيهم ضرورووووريييييي؟؟؟؟

 

[تسمح لي آحبكـَ]

شكله عجيييييب

يعطيج العافية حبيبتي بس ياريت اذا له فيديو تنزلينه اهني بهالموضوع ماعليج أمر

 

[ذات الهمة العالية]

Up up

 

[** آية من الجمال **]

تسلمين حبيبتي " قمــر" على عرض تجربتك لنا ماقصرتي

تصدقين هذا البرنامج من زمان في بالي

الحين تشجعت أكثر بس من وين نطلبه؟ وبكم تقريبا؟

وهل سويتي معاه دايت غذائي؟

والله إننزل وزنا والجسم يترهل ويضيق خلقنا ... الحمدالله

آسفة على أسئلتي أتمنى ما ضايقتك والله يوفقك إن شاءالله يا قمـــر

 

[** آية من الجمال **]

بالنيابة عن صاحبة الموضوع إذا تسمحلي

بس حبيت أفيد خواتي و"فواصـــل" بشكل خاص لأنها اسألت إذا في يوتيوب وكلنا نتشجع وايد إذا شفنا الدعاية وشلون الناس نزل وزنها من وإلى وتغيرت حياتها للأفضل الفال لنا يا رب

ولأني حاولت أنقل اللينك ماضبط فبس فتحو اليوتيوب وكتبو بالضبط الآتي:

Slim in 6-Body Transformation in 6 weeks with Debbie Siebers

إن شاءالله أكون أفدتكم بإللي قدرت عليه ومابي إلا دعواتكم الصادقة

تحياتي،

 

[قــمر]

اول شيء يابنات انا اسفه مارديت عليكم بسرعه الديفيديات ينباعون في في امازون بس انا نزلتهم تورنت انصحكم اشتروهم من امازون لان يوم نزلتهم تهكر لابتوبي واخترب يعني طلع علي أغلى من بيع السوق ههههههه

 

[قــمر]

مشكورة تصدقين عندي السيدي من كم سنه شارتنه ولعبت مال اسبوع ووقفت

شكلي برد له

ممكن اعرف متى حسيتي بالنتايج يعني عقب 6 اسابيع

لان اخس مافيني الكرش

النتايج ع طول تطلع من اول يومين تحسين وعوار في بطنج ويشد شد لدرجة انج ماتقدرين تكثرين في الاكل لان بطنج بيعورج ومن اول اسبوعين زنودج وفخوذج بيشدون شد مب طبيعي والحلو بعد حتى يوم خلصت البرنامج الحمدلله جسمي مشدود

 

[baby lotion]

كيف اقدر اطلبه ؟؟

 

[قــمر]

تقدرون تطلبونه من هنا
Amazon.com: Debbie Siebers' Slim in 6: Debbie Siebers: Sports & Outdoors

 

[قــمر]

بالنيابة عن صاحبة الموضوع إذا تسمحلي

بس حبيت أفيد خواتي و"فواصـــل" بشكل خاص لأنها اسألت إذا في يوتيوب وكلنا نتشجع وايد إذا شفنا الدعاية وشلون الناس نزل وزنها من وإلى وتغيرت حياتها للأفضل الفال لنا يا رب

ولأني حاولت أنقل اللينك ماضبط فبس فتحو اليوتيوب وكتبو بالضبط الآتي:

slim in 6-body transformation in 6 weeks with debbie siebers

إن شاءالله أكون أفدتكم بإللي قدرت عليه ومابي إلا دعواتكم الصادقة

تحياتي،

حلو دام موجود في اليوتيوب يلا يابنات شدو حيلكم مالكم اي حجه اللحين وتسلمين حبوبه

 

[سوما ون]

يسلموووووووووو انا ودي في التمارين بس ماعرفت انزلهم تقدرين تحملينهم في اللاب وترسليهم على ايميلي لاني محتاجه

انقص جسمي مومتناسق خاصه من فوق اسمن من تحت الله يجزاك خير لو تقدرين ارسليهم لي