مرحبا بنات كل اللي متابعين تجربتي ,امس رحت دايت كير قايست وزني طلعت ناقصه لسبوع اللي طاف بس 800 جرام
طبعا هذا بسبب الدوره يعني مجموع اللي نزلته حاليا من يوم شتركت مع دايت كير اهو 4 كيلو وما ادري شكثر جرام يعني حول 5 كيلو ب 3 اسابيع الحمدلله والشكر طبعا اتمنى خلال الاسبوع هذا اكون منزله وزن محترم عالاقل يصيرلي حافز لاني باذن الله بشترك بنادي على لسبوع الياي ,بالنسبه لوضع جسمي الحمدلله في تحسن مستمر وتفشش هم مستمر بقالي اخر جلسه مالت الثيرمو سي بتكون على يوم الاربعا طبعا مفكره اخذ جلسات ملوت السيليوليت مادري يمكن اخذهم بنفس العياده لان وايد زينين او اجرب مكان بره مادري لي الحين طبعا اكثر شي اتمناه الحين اني انزل وزن لان الحمدلله شكل جسمي وايد تغير بس ناقص اني اضعف شوي يعني حاليا 7 كيلو راح يسوون شغل وياي طبعا انا احتاج اكثر بس مبدئيا يعني لان الحمدلله حاليا كل اللي ما يدرون اني مسويه الشفط ملاحظين اني ضعفت بس مو بشكل ملفت وهذا اهم شي بالنسبه لي عن لعيون تدرون بعد مو ناقصين احنا انا الحين صار حوضي شوي كبير مو اكبر من اول بس لان النحت برز المنطقه اللي تحته صارت احلى بس انا ودي اصغرها بالرياضه وهم ودي بعد يصغر صدري شوي لان مثل ما قلتلكم صاير الخصر حيل صغير فبرزت الاماكن الثانيه عدل على قوله رفيجتي صرتي نفس الرسمات اللي اول نرسمها لووووول الحمدلله على كل حال .. يالله دعولي
