هلا هلا والله السلام عليكم
انا دايما بالمواساة بكل أقسامها و حتى بالطوارئ
في حملي الأول كنت أراجع في عيادة الدكتوره ليلى أشكناني و كنت قاعده أحوس أدور لي على مستشفى و الكل مدحلي عنايه و ستاف الموساة و رحت و بالفعل ارتحت لهم بعدين على الشهر الثامن رحت عند دكتوره لينا دوتا لأن مرت أخوي ولدت عندها و امدحتها لي و بالفعل استانست عليها و ولدتي و بالفعل كانو وااااااااااااااايد مهتمين فيني و في البيبي أحس اني بايد أمينه بس يمكن في شي واحد ما عجبني و اهو ان الغرفه مش ولا بد مع اني كنت ماخذه النيو في اي بي و كانو توهم مجددينها بس الأولان بصراحه هيلقيه اشوي و كان عندهم ضغط خلوني يوم في الجونيور و يوم في ثاني النيو في اي بي و هالشي خلاني أضطر أستقبل الناس بس بيوم واحد مو يومين و هالكلام كان سنة 2007
هالمره قبل ما أحمل كانت فيني التهابات و رحت عند دكتوره لينا 3 شهور و كل ما تفحصني تقول في التهاب و تعطيني مضاد حيوي و اخذه انا و زوجي و ارجع الشهر الي وراه و نفس الشي لغايه ما استخفيت قلت خل أجرب غيرها و بالصدفه جربت دكتور حيان الأحمد و فحصني جان يقول بسج مضادات و لا تحاتين بس خلج على الغسول
بعد شهر حملت و لمن كملت 7 أسابيع رحت مع زوجي عشان نسمع نبض الجنين و زوجي كان رافض تمااااااااااااااااما اني أراجع عند ريال و انا اتوسل فيه و امدح له دكتور حيان بس زوجي كان حده قافل ... استسلمت و يوم رحت الاستقبال عطيتها كرتي و قلت لها أبي الدكتوره لينا و جان تقول لي انها مو موجوده جان أطالع زوجي و أعطيه نظرة القطاوه :eh_s(3): جان يقول خلاص خلاص شوفي حيان ... جان أشق الكشره و اخذ ورقه عند دكتور حيان و دشيت عليه مع زوجي و الحمد لله زوجي بعد ارتاح له و قال لي امبين عليه انه محترم و كلش ما يطالع و حتى الفحص الداخلي يخلي الممرضه اهي الي تفحصني مو اهو .... انا طبعا ودي أكمل عنده و يولدني بس احس زوجي متردد على سالفة الولاده بس قولو امين يقتنع و سلامتكم
![([عطر رومانسي])](/data/avatars/m/84/84055.jpg?1621060859){kind=avatar}
