&&* تجــــمع مـــراجــعات مسـتشفـــى المـــــواســاه *&&

[..[[خٰجّل الوْردِٰ]]..]

شرايكم بدكتوره شاديه عثمان

 

[Om_Sanad]

توني انتبه عل هالتجمع ريحتوني والله

انا اراجع بالمواساة عند فيرجينا

و ناويه بأذن الله اولد هناك بس محتارة بالدكتورة الصراحه

الحمدالله في جم وحده بالشهر الثامن انطركم تعطوني تجربتكم مع دكتوره شاديه اعتقد اسمها صح؟؟

انا توني بدش الرابع

 

[Om_Sanad]

بنات اراجع بالمواساة عند فيرجينا و حيل تهبل وايد مرتاحه معاها بس محد حط لي تجربة ولادة طبيعيه عندها للحين؟؟؟؟؟؟؟؟؟؟؟؟؟؟؟؟

وجم وحده قالت خياطها مو شي

فحبيت اغير بالشهر السابع و اروح لشاديه عثمان و تولدني بالمواساة شلون ولادتها بالطبيعي وشلون خياطها اهم شي؟؟؟؟


عفيه بنات

 

[روان_الكويت]

مرحبا كروشات
ولدت بالمواساه مرتين خوش مستشفى بس اخر ولاده الحمدالله امي كانت عندي وانا حاطه الكمام بعالم اخر ولا اتحرك من العوار وبغيت اطيح من السرير اشوه امي انتبهت نادت السستر بسرعه شالتني وعاد صحيت اذكرها يوم حركتني ورديت نمت
لاكن السوءال لو ان امي مو عندي كنت بطيح ومادرو عني
تاكدو تبلغون طبيبكم ان ينبهم بتواجد السستر على طول
دكتوري عادل مرسي منو تراجع عنده ؟

 

[رفيعة الشآآن]

انا اراجع بالمواساة عند لينا جربتها بتنظيفات كانت حبوبة و حتى الستاف الطبي ممتازين


بس ابي اسمع عن تجاربكم

 

[مــتــنــحــة]

انا باذن الله ناويه اولد بالمواساه

بس الدكتور للحين ماستقريت

يمدحون دكتورة روبينا هنديه

يقولون كانت بالسيف وانتقلت المواساه ؟؟

صج هالحجي بنات والا ماتدرون ؟؟؟

 

[روان_الكويت]

منو جرب روبينا الهنديه وشلون خياطها

 

[Om_Sanad]

مادري عن روبينا
بس انا اراجع عند فيرجينيا بس محد يمدحلي خياطها تكفون سامعه حنان مادري شاديه خياطها زين الي بالمواساة احد يدري عنها
بدش الخامس تكفون الي احول من الحين عند الي بتولدني

 

[كويتـيـة]

Om_sanad

انا ولدت عند دكتورة شادية تهبل ما شاء الله عليها

و خياطها روعه بس عيبها الوحيد اتكون متاخرة

بس يحليلها اذا كلمتيها و قلتيلها ابيج اتكونين معاي بفترة الولاده ما عندها مانع اتكون وياج



و انا حامل مرة ثانيه و ان شاء الله راح اولد عندها

 

[مــتــنــحــة]

ام سند رفيجتي توها والده بالمواساه عند دكتوره فرجينيا

وولدت طبيعي الحمدالله وتمدح خياطها

بس انا حيل حاطه فبالي دكتوره روبينا الهنديه

وقبل اروح اراجع عندهم راح استخير عشان ربي يكتب لي اللي فيه الخير باذن الله

 

[Om_Sanad]

متنحه وكويتية مشكورين حبايبي

انا نويت اولد عند شاديه وبحول عندها هالشهر واتوكل عل الله

 

[رفيعة الشآآن]

ام سند انا حولت عند شادية لقيت وحدة والدة عندها اربع مرات ما شاء الله واتقولي ما افكر اغيرها وامدحت خياطها


متنحة و كويتية روبينا الهندية بتروح السيف هذا اللي سمعته من وحدة تراجع عندها

 

[رفيعة الشآآن]

قصدي روان

 

[مــتــنــحــة]

ويييي شالسالفه رايحه راده هالدكتوره !!!


ان شاءالله ماترد السيف مارتحت لهالمستشفى خفت منه !!

يارب تظل بالمواساه

 

[رفيعة الشآآن]

اي متنحة ساليها وتاكدي بنفسج

 

[الورده الناعمه]

بنات انا اراجع عند دكتوره روبينا بالمواساه من اول ما حملت
قالتلي على ولادتي بتكون بالسيف اول يوم دوام لها ١٥/٢ بالسيف واخر يوم دوام لها بالمواساه ١٣/٢

 

[مــتــنــحــة]

وييييي بنات موخوش خبر

ياربي السيف يخوف ويقولون اسعاره تزيد فجاه وعلى كيفهم

يعني تدشين الولاده وحاطه فبالج مبلغ معين تنصدمين ان زايدين شي وشويات على اسباب سخيفه !

الله يكتب اللي فيه الخير

 

[رفيعة الشآآن]

الوردة الناعمة

بتروحين لسيف ولا بتغيرين دكتورتج ؟!

 

[الورده الناعمه]

بروح السيف تعودت عليها
معنه غرف السيف احلى بس اصدقون خايفه من ستاف السسترات المواساه جنه احسن منهم

 

[مــتــنــحــة]

المواساه معروف خبره واحسن دكاترة الاطفال وستاف السسترات هناك

بستخير واشوف