تجمع أولياء امور kuwait english shcool

[sara999]

:lkmnkl:


upupupupupupupupup


وينكم امهات مو معقوله مافي ولا احد

بس الله كريم انشالله نلاقي وفعلا يكون في تجمع نبي نستفيد بليييز:denya:

 

[طيبة الكويتية]

رد : تجمع أولياء امور kuwait english shcool

الظاهر ماكو الا انتيو انا بالتجمع هذا هههههههههههههه
خلينا نجابل بعض و نتشارك, قولي لي اشلون تدرسين اللي عندج بالمدرسه, و باي مراحل عيالج الله يحفظهم؟

الله يعينه عليهم و على تربيتهم

 

[sara999]

هاااااهااااااااي اي والله وانتي الصاجه بس انا وانتي
ولا بعد ما انسى عين السيح مرو بتجمع العالميه الأمريكيه كل فتره تطلطل علينا وترفع الموضوع الله يسلمها ما تقصر


وبقولج انا الي عندي سليمان بس واحد ادعيلي ربي يرزقني باخت حقه ياربي

وتوه كي جي بس انا ليش انه اول واحد مشتطه عاد

الي قاعد يصير معاه الحين .. قصص اقراهم له واسغله عنهم واعطيه صور يقولي شنو يتخيل الموقف يعني ويقولي

وبس يعني اهم شي عندهم المهاره اللغويه انه يتكلم انجلش كثر ما يقدر والالوان والاشكال ومكس الالوان
يعني رد +بلو = بربل وجذي

بس انا والله شاريتلي كتب حليوين فيها اللترز بالنقط ويكررهم ويلون الاشياء الي تبدي بالحرف مثلا كتب a يلون آنت او يحط ستيكرز بدل ما يلون

وجذي يعني الارقام على حسب الموقف يعني سياره ماما فيها نبر 1 وسيارة بابا مافيها وسيارت ماما فيها 5 وبابا 7 وماما مافيها عشان يثبت شكل الرقم ويميزه بس

 

[طيبة الكويتية]

رد : تجمع أولياء امور kuwait english shcool

الله يخليه لج يارب و يرزقج باخت له ان شاءالله
و شرط تسمينها مريم ههههههههههههههههههههه

وينها مرو من زمان مو ماره علينا حياج حبوبه ويانا

عيالي الله يعيني عليهم هالاسبوع امتحانات و لوعه و كل يوم تقريبا امتحانين. واحد عربي و الثاني انجليزي. صج تعبت معاهم. صرت كل يوم قبل ما انام اجهز لهم امتحانات حق اليوم اللي بعده علشان من يرجعون من المدرسه غدا و بعدها نحل الامتحانات ويا بعض و اشوف مستواهم. جد هالمدارس تعب.
احنا اشلون كنا معتمدين على روحنا و متفوقين بعد فهموني؟؟؟؟؟؟؟؟؟؟
اليوم ولدي العود اللي بثانيه معطيته امتحان Vocabulary
يبيني اقرا شنو الأسئله. ابيه يعتمد على نفسه اشويه, قلت له اقرا بروحك و جاوب انت تعرف و خلني ويا اخوك الصغير ليما الحين ما يعرف يقرا عدل اشوفه شنو يسوي.
جذي اشوي اشوي لين اخليه يعتمد على نفسه موليه لكل شي وا نا بس اراجع وراه.

زين تسوين بالكتب الخارجيه وايد تثبت المعلومات براس الياهل خصوصا انها تكون بطريقة اللعب و الرسم. فيه مجموعة كتب بعد اسمها Brain Quest
اعتقد جذي نكتبها وايد ممتازه هالكتب بس عيبها اشوي غاليه شوفيها بالمكتبه اللي بالمثنى في السرداب ما حصلتيهم طلبيهم يمكن يقدرون يوفرونهم لج, لأني بصراحه شاريتهم من دبي.
هالكتب وايد حلوه و مفيده و اللي يميزها انها تمشي وياج بالمراحل التعليميه من البري كي جي لين خامس اعتقد. و فيه منها العاب بعدو مفيده
http://www.brainquest.com/buy
هذا موقعهم علشان تشوفين الكتب و الألعاب على الطبيعه.

 

[Milk^Shake]

رد : تجمع أولياء امور kuwait english shcool

هااااي اشلونكم والله كل مادش مالقى احد
سكتوووووو انا يوم اليمعه بسافر وقاعده احاتي بنتي وذاتا اهي اول سنه بحطها عند امي بس عاد خبرج لازم يقرون معاها القصه ويراجعون النوت بوك مالها والاوراق لا وفي الهيلث فيتنس دي المفروض اروح معاها بس ماراح اكون موجوده عاد ساره هاالله هالله ببنتي

 

[Milk^Shake]

رد : تجمع أولياء امور kuwait english shcool

هااااي اشلونكم والله كل مادش مالقى احد
سكتوووووو انا يوم اليمعه بسافر وقاعده احاتي بنتي وذاتا اهي اول سنه بحطها عند امي بس عاد خبرج لازم يقرون معاها القصه ويراجعون النوت بوك مالها والاوراق لا وفي الهيلث فيتنس دي المفروض اروح معاها بس ماراح اكون موجوده عاد ساره هاالله هالله ببنتي

 

[نواري]

السلام عليكم حبايبي احب انضم لكم انا ولدي ب الصف الثاني الابتدائي بس هالسنه اول سنه له بالمدرسه .....

 

[طيبة الكويتية]

رد : تجمع أولياء امور kuwait english shcool

يلا زين قاموا يزيدون الحمدلله
هلا فيج نواري
انتي عز الطلب هههههههههههه
عطيني كل سوالفهم مالت ثانيه. شنو المناهج و شنو الكتب و شنو طريقتهم و كل شي كل شي ابي ممكن؟

 

[sara999]

حبيبتي طيبة الكويت تسلمين ياربي ويخليلج عيالج وترجعين لنا سالمه


الله يسلمج ليلحين الكتب اوكي ماشين فيهم والحمدالله تمام بس بعد القيمز الي يحطونهم حق الرسبشن على السايت مال المدرسه انا اورايه شلون ويحاول يلعب بس شوي شوي انشالله يصير اوكي


ميلك شيك حياتي بنيتج بعويناتي بس والله انا المرديه صارلي اسبوع مادري عنها الا الفولدر والقصه والايميل .. وهذا لاني توني توضفت و وظيفتي كلها شفت بس بجايه على ما انزل افرع

فلا تخافين حتى ولدي بيكون بريحاته بس بشوف اذا ابوه يروح مع اني ادري موصوب هالسوالف


نواري هلا فيج بينا ومنوره التجمع

 

[mr000]

السلام اشلونكم ياامهات المدرسه الفاتنات..سوووووري من زمان موداشه عندكم..لهيت شوي..شخباركم واشلون عيالكم مع المدرسه..سارا حبيبتي اشلونج واشلون وليدج عسى ماشي تمام مع المدرسه..الله يوفقه يارب..تصدقين ولدي العود ميت على مدرستكم حق بنته بس آنا اللي مو مشجعته..مع ان ادري أنها قويه وتأسيسها قوي وايد بس اخاف تصير صعبه عليها تالي بالمتوسط والثانوي..قلنا الامريكيه ..شويه فيها مرونه بالدرجات..وإلا والله آنا جربتها بولدي مو أسهل..طيبه اشلونج واشلون عيالج..الله يعينج عالتدريس..سارا والله آنا لي آخر واحد بعيالي كله مشتطه واجابل وأدرس واللي قلبهم بارد ترى حتى بأول ياهل مايهتمون..نواري وميلك شيك..الله يوفق عيالكم ولايضيع تعبكم جميعا

 

[الفنانه79]

رد : تجمع أولياء امور kuwait english shcool

مسااااااااااااكم الله بالخير

اشلونكم وشخباركم مع الكويت الانجليزيه

اتهببببببببببببببببببل الله يذكرهم بالخير كللللللللللللللللهم والله وعلى طوول يدقون علي المدرسات يسألون عن اعيالي افقدوووهم ههههههههههههههههه

والحمدلله تأسيسهم فووق الممتاز بصراحه مااحاتي اعيالي باللغه كلللللللللش لاتحدث ولا كتابه ولا قراءة احرف او كلمات اللهم لك الحمد

بس لحد الحين انا مستمره بالكويت الانجليزيه مايستغنون عنها اعيالي وعن ربعههههم ومدرساتهم وعلشان اخليهم قريبين يمهم واقوي اللغه عندهم والمحادثه واخليهم اقراب يم ربعهم

سجلتهم في (أكاديمية كرة القدم و سجلتهم بالسباحه ) طبعا مع ربعههههم اللي كانوا معاهم من سنتين وحددددهم مستانسين بالكره في سلوى بارك والسباحه وطبعا بأذن الله راح اكون مستمره اسجل اعيالي بكل نشاااط يخص المدرسه واهما مايقصرون اي نشاط يقولولي عليه على طوول علشان يبوني اسجل اعيالي مع المجموعه
الله يوفقكم يارب

واسمحووولي كل بين فتره والثانيه ادخل اطل واسلم عليكم واعرف احوالكم ​

 

[sara999]

هلا امهاتنا شخباركم ؟؟؟؟


اول شي مروو حبيبتي منوره التجمع وحيالله من زارنا

بس عندي سؤال ... مرت ولدج مالها راي على مدرسه بنتها انا خالتي ما سمحتلها تتدخل بولا شي انا بدرس وبجابل مو اهيا اشوف مو من حقه ان ريلي يموت على مدرسه يدخل ولده فيها واهيا مو راضيه .. راي فقط


بس بليز امهات منو سجلت عيالها الي بالكي جي بكلاس السباحه ودي اسجله

 

[mr000]

هلا امهاتنا شخباركم ؟؟؟؟


اول شي مروو حبيبتي منوره التجمع وحيالله من زارنا

بس عندي سؤال ... مرت ولدج مالها راي على مدرسه بنتها انا خالتي ما سمحتلها تتدخل بولا شي انا بدرس وبجابل مو اهيا اشوف مو من حقه ان ريلي يموت على مدرسه يدخل ولده فيها واهيا مو راضيه .. راي فقط


بس بليز امهات منو سجلت عيالها الي بالكي جي بكلاس السباحه ودي اسجله

هلا والله سارا ..على موضوع المدرسه..أكيد ولدي ومرته قاعد يتشاورون على موضوع المدرسه..بس هي ماكانت عارفه الفرق بين النظامين بالاختبارات والدرجات...وان في مدارس قويه ومدارس مستواها موذاك الزود..لأن محد من أهلها مدخل مدارس خاصه....بعدين فهمها ولدي الفرق بين النظامين..وان المدارس مستويات..لازم تختارلها مدرسه زينه...وهي اقتنعت بالنظام الأمريكي ..بس بعد ماقرروا..أما من ناحية التدريس فأكيد هم راح يتساعدون بالتدريس لأن هي شويه موقويه بالانجليزي ...

 

[الفنانه79]

رد : تجمع أولياء امور kuwait english shcool

اشدعوااااا سلمت وسولفت محد رد علي

 

[طيبة الكويتية]

رد : تجمع أولياء امور kuwait english shcool

اهلين ساره
لا تحاتينه بيصير زين, ممكن اول جم شهر ماراح تلاحظين ذاك الفرق لكن على نهاية السنه صج بيبن عليه ان شاءالله. الله يوفقه يارب و يسهل اموره وين ماكان.

مرو حبيبتي
و يعين الجميع و يسهل امور عيالنا ان شاءالله.
و يخلي لكم الحفيده الصغيره و تستقرون لها على خوش مدرسه يارب.

الفنانه الله يسلمج من كل شر
لا تزعلين عاد
بس حبيت اعرف ليش طلعتي عيالج من المدرسه ووين وديتهم؟؟
تصدقين زين تسوين مشركتهم بالأنشطه مالة المدرسه و اهم شي انها مع ربعهم يعني اليهال رابطين المدرسه بالوناسه بعد مو بس دراسه و لوعه و هذا شي حلو. الله يوفقج يارب للي فيه الخير لعيالج ان شاءالله

 

[mr000]

رد: رد : تجمع أولياء امور kuwait english shcool

اهلين ساره
لا تحاتينه بيصير زين, ممكن اول جم شهر ماراح تلاحظين ذاك الفرق لكن على نهاية السنه صج بيبن عليه ان شاءالله. الله يوفقه يارب و يسهل اموره وين ماكان.

مرو حبيبتي
و يعين الجميع و يسهل امور عيالنا ان شاءالله.
و يخلي لكم الحفيده الصغيره و تستقرون لها على خوش مدرسه يارب.

الفنانه الله يسلمج من كل شر
لا تزعلين عاد
بس حبيت اعرف ليش طلعتي عيالج من المدرسه ووين وديتهم؟؟
تصدقين زين تسوين مشركتهم بالأنشطه مالة المدرسه و اهم شي انها مع ربعهم يعني اليهال رابطين المدرسه بالوناسه بعد مو بس دراسه و لوعه و هذا شي حلو. الله يوفقج يارب للي فيه الخير لعيالج ان شاءالله

هلا والله طيبه حبيبتي الله يوفقج عيالج بمدارسهم وين ماكانوا ويردكم الكويت سالمين.:tek:.ولاتحاتين ان شاءالله ماراح يفرق عليهم وايد ويحبون المدرسه ومشكوره حبيبتي على هالدعوه الحلوه..الله يسمع منج ان شاءالله.:33_1185028183:.اي والله كلنا نبي الأحسن حق هالنتفه..بعد ماأعز من الولد إلا ولد الولد.:klhfl:.حتى أبوها يقول قمت أغار منها..تحبينها أكثر مني:dddds: وامها بنتنا موغريبه..ولاحاسبينها جنه..:eh_s(8):

 

[mr000]

رد: رد : تجمع أولياء امور kuwait english shcool

اشدعوااااا سلمت وسولفت محد رد علي

هلا والله الفنانه حبيبتي اشلونج.:eh_s(8):.بس حبيت أعرف يعني يصير تدخلين عيالج الأكتيفيتي اللي عقب الدوام حتى لو هم مايدرسون بالمدرسه؟ وإلا قصدج تشركينهم بالسمر كامب مال الصيف؟؟:33_1185028183:

 

[Milk^Shake]

رد : تجمع أولياء امور kuwait english shcool

هااااي ساره اقولج في سباحه حق الكي جي ؟؟؟؟؟ جنه يبلشون من الريسبشن ؟؟؟
الله يعينج عالشفتات انا ريلي طلعني من دوامي لان شفتات ودوامين علشان بنتي هذي وسالفه مدرستها يقول الريال والمره بقطاع خاص ماينفع

 

[Milk^Shake]

رد : تجمع أولياء امور kuwait english shcool

هااااي ساره اقولج في سباحه حق الكي جي ؟؟؟؟؟ جنه يبلشون من الريسبشن ؟؟؟
الله يعينج عالشفتات انا ريلي طلعني من دوامي لان شفتات ودوامين علشان بنتي هذي وسالفه مدرستها يقول الريال والمره بقطاع خاص ماينفع

 

[حلم الطفولة]

السلام عليكم // شلونكم
بصفتي مشرفة القسم أتابع كل التجمعات دايما بس بصمت _ الحين ماقدرت أصمت:
**(( ماشالله عليج مرووو جان زين كل الخالات مثلج يراكظون لعيالهم واحفادهم ويدورون مصلحتهم ))**
والله انج أم وخاله كفو حبيبتي