تجمع الأمهات الذين ليهم اطفال داون(المنغوليين)

[gakgak]

انا ام جديدة لطفل داون ولا اعرف كيفية التعامل معها
الرجااااااااااااااااااااااااااااااااااء مساعدتي ​

 

[مشاعل الشمري]

هلا فيج يقلبي بينا وانشاء الله البنات يفيدونج

 

[بصيص الامل]

هلالالا والله اختي

اي مساعده انا حاضر , وقصدج التعامل معاها من اي ناحيه ؟
من ناحيه التطور العقلي ؟
ولا تقصدين الاجتماعي ؟

لا ترددي في اي سؤال ؟

وتأكدي انهم نعمه من رب العالمين وستحبين ابنتك حب خيالي لانهم يدخلون القلب وهم رحمه من رب العالمين


وان شا ءالله سهالات لانه الطب تطور الان والامهات الان اصبحو واعين بان كل ما تعطين الطفل الداون من تعليم واهتمام ورعايه سترين النتيجه باذن الله



انا بانتظار استفساراتج

 

[gakgak]

اهي لما الحين ما طلعت من المستشفى لأنه معاها تعب بالقلب ونقص بلأكسجين وما ترضع عدل ,,, الله اعينها واعيني
بس اول ما تطلع واهي ما كملت شهر شلون التعامل معاها اخاف اهم يبجون وايد او ما ترضع نا وااااااااااااايد خايفه
وهل اطلب لها نيرس معينه تشوفها والا تو الناس
اسفه اذيتكم بس انا وايييييييييييييييييييييييييييد خيفه ونفسيتي تعبانه

 

[الصابرة المحتسبة]

تفضلي أختي هالرابط : فئة متلازمه الداون (http://www.q8yat.net/showthread.php?t=241357)

 

[الصابرة المحتسبة]

اهي لما الحين ما طلعت من المستشفى لأنه معاها تعب بالقلب ونقص بلأكسجين وما ترضع عدل ,,, الله اعينها واعيني
بس اول ما تطلع واهي ما كملت شهر شلون التعامل معاها اخاف اهم يبجون وايد او ما ترضع نا وااااااااااااايد خايفه
وهل اطلب لها نيرس معينه تشوفها والا تو الناس
اسفه اذيتكم بس انا وايييييييييييييييييييييييييييد خيفه ونفسيتي تعبانه

أول شي الحمدلله على سلامتج ومبروك ماياج
وهدي بالج وذكري الله وبنيتج بيحفظها رب العالمين سبحانه والنيرس تو الناس عليها إنتي راجعي الطبيب وسوي التحاليل اللازمة كلها.

 

[مرمر]

هلا فيج حبيبتي

الف الحمدالله علي السلامه

الرضاعة ضعيفه لان الفك ضعيف عندهم في بسنتر بوينت محلمات جدا نفعتني برضاعة بنتي مرمر امس كملت 3سنوات

وفيها 5 فتحات بالقلب

البجي تري نفس اي طفل ثاني لا تخافين وتحاتين

 

[HearT ChocolaTe]

أسأل الله العظيم رب العرش الكريم أن يشفيها ... هدي بالج وإن شاء الله أمهات الداون بيساعدونج
عندنا أختنا مرمر ما تقصر وأي شي تبينه الخوات الباقي ما يقصرون

لا تروعين حبيبتي كل شي بيد رب العباد وبيدج أنتي المسؤوله الأولى والنيرس بتعاونج إذا محتاجتها
والمنتدى ان شاء الله بيفيدج .. والنت صار فيه كل شي تحتاجه الوحده منهعسى الله يطمن قليبج عليها .. وبشرينا لطلعت بالسلامه

 

[بصيص الامل]

هلا فيج اختي لاتحاتين البجي طبيعي مثل الاطفال

ان شاء الله يسهل امررج

 

[gakgak]

الحمد لله والشكر
الصراحة انا من قريت بالمنتدى حسيت اني مو بروحي
وان شاء الله اتغلم مع المدة
ابي رقم التدخل المبكر الي بالسرة

 

[مرمر]

عموما حبيبتي تفتحين ملف بالمجلس الاعلي للمعاقين وماتقدرين تسوين او تروحين التدخل المبكر الا وانتي مسجله

عقب ما تفتحين الملف تراجعين مركز الوراثة بالصباح خلف مستشفي الولاده

رقم التدخل المبكربالسرة
25320165

مرمر سويت لها عملية قلب بامريكا 2007
الحمدالله مشت عمرها سنه و7شهور
محصولها اللغوي الحمدالله زين
ياويلنا اذا ناديناها وهي مشغوله تحط ايدها علي راسها وتقول اوووووووووووووووووووووووووه
من يدق التلفون شالته الوووو
ساليها شنو نشتري من الجمعية
تعدد بيدها واوا -بطاط - عج
الترجمة حلاوة - بطاط - علج

تغني حبيبي اااااااااااااااااه حبيبي طبعا لازم تمسك شي تطبل فيه لدرجة شكيت مبدلينها بالمستشفي
تنادي اخوانها كلهم سون - زوز - كيكو - طب طب - تاهه - بباب
الترجمة حسون - عزوز- كيكو دلع بنتي شيخة - طب طب دلع بنتي طيبة - تاهه شاهه - بباب عبدالوهاب
تقول اذا شافت شي عجبها بييييييب يعني عجيب
تقول هلا هلا
مم الاكل
وتعرف ماكدونالدز من تشوف علامته من بعيد
من ندخل منطقة امي تقول ماما بيبة - ماما طيبة
وينه
سنو يعني شنو
مابي
هاته
ابيه
نو
كلوز - لاني تخصص انجليزي واكلمها انجليزي
تعد ون - تو - تري -ايف يعني فايف

ستوب
ديد يعني سيارة
تبدل وتطلع جوتي وتلبسه وتحط جنطة بيدها وتقول باي نسالها وين تقول ديد
اي دودو وتتدلع اذا تبي الابو يبوسها قالت اي دودو تسوي نفسها تبجي علشان يبوسها
تعرف الحار وتهف ايدها وتقول حار والبارد اح
واذا بتنام تقول نام لولو اش
كلوز باب اذا ابوها بينام
العاب
بيبي
يعني الحمدالله محصولها وايد زين بس اهم شي خليكم انتو معاهم مو عند الخادمة لان محصولها تاخذه منج ومن اخوانها
التركيز - التركيز - التركيز
اساس كل شي

اا بتسالون عن شي انا حاضرة ومن عيوني

 

[الصابرة المحتسبة]

واللي يعافيكم أي أخت تقرى تذكر الله على مرمر وتسمي عليها يعل ربي يخليها لعين ترجيها.

 

[gakgak]

مرمر مشكووووووووووووووووووووووووووووووووووووووووووورة ما قصرتي
والله كلامج اريح الله اخليلج عيالج

 

[HearT ChocolaTe]

اللهم آمين ... يخليلها لمرمر سند وعون طول العمر
مرمر زماني يا مرمر

لا إله إلا الله ... وألف من ذكره يا الصابرة
صاجه والله عسى ربي يحفظ بنيتنــا

 

[مشاعل الشمري]

اسم الله عليها الرحمن الرحيم
الله يخليها العين ترجيها
يا قلييييبي

 

[ام ناييف]

معاج حق يا ام مرمر التركيز
انا بنتي قعدت فترة بالخدج ما تتنفس صار معاها اختناق وقت الولاده
ولما تنفست طبيعي طلعت اسمعي ملاحظات الطبيب بخصوص طريقة الرضاعه تخلينه على زاوية 45 درجه
طولي بالج بالرضاعه تاخذ وقت بس انت ماوراج شي اهم منها
وتصرفي طبيعي كانها طفل طبيعي

بغيت اسالكم
1- طفل الداون كم ترتيبه بين عيالكم
2- كم عمرك لما ولدتيه
3- هل اخذت علاج للحمل كلوميد مثلا للحمل
4- هل انجبتي اطفال بعده طبيعيين
مع الشكر

 

[مرمر]

واللي يعافيكم أي أخت تقرى تذكر الله على مرمر وتسمي عليها يعل ربي يخليها لعين ترجيها.

حبيبتي والله يا ست الناظرة

فديتج

 

[مرمر]

مرمر مشكووووووووووووووووووووووووووووووووووووووووووورة ما قصرتي
والله كلامج اريح الله اخليلج عيالج

حياج الله وعذروني علي التاخير مرمر كانت تعبانه

 

[الصابرة المحتسبة]

باسم الله عليها وألف لاباس عليها

 

[gakgak]

حياج الله وعذروني علي التاخير مرمر كانت تعبانه

ما تشووووووووووووووووف شر ان شاء الله صارت احسن