\\ تجمع الاراده والالتزام و الانضباط " قاهـرات الشحـوم" الثانــي \\

[teenaa]

هاااااي بنوتات
شلونكم


انا نازل وزني
نااااااازل

باجر اقيس الكلي واقوولكم


حده وناسه


امس بس على غدااااي شريحتين رقي

وما تعشييت

لان البايوجي يغث حددددده

انا بروح الافنيوز اشوفكم المغرب


وما كليت شي لين الحين

ودي اك رقي قبل ما اطلع

سي يووووووووووووووووووووووو

 

[سأكون يوما ما أريد]

هلا حبيباتى شلونكم اسفه انقطعت عندكم بسبب ظروف من جد اشغلتنى

وخلتنى اترك الرجيم امس والى قبله بس والله والله اضصريت بس كان نزولى حلوو

من 59 الى 57 و600 غرام بس يومين خربطه لان كانت عندنا ظرف قويه مثل ما قلتلكم


راجعه بقوه انشاء الله من بابجر وهذا انا حاطه وزنى لانى يمكن باجر ما راح ادخل


موفقين يارب

 

[CuTe*^.^*BaBya]

\\تينا\\ هلا وغلااا عليج بالعافيه حبيبتي وااايد استانست لان وزنج قاعد ينزل وناااسه

يالله ناطرين باجر النتيجه.. صج وين كرسبيه فاقدينهاا ؟؟


\\ ساكون بوما ما اريد \\ حبيبتي والله فقدنج .. ماعليه حبوبه بس رجعي للرجيم مره ثانيه
دام نزووولج ماشاءالله حلووو الف مبروووووووووووك عالوزن اليديد و الله شجعتيني ..

 

[سأكون يوما ما أريد]

اى يا قلبى كيوت عليج بالمردقوش والزجبيل مفعوله سحري كنت اخذه السناك

يعنى بين الوجبات موفقه وانشالله تكونين انتى والبنات نازلين كثير

 

[سأكون يوما ما أريد]

الريوق 3 تمرات وحليب



الغداء سلطه منوعه من خس وجرجير وبقدونس وخيار وطماط ونعناع وليمون
و2 بيض مسلوق ودايت


العشاء انشالله راح يكون انشالله علبه روب وبرتقاله



والسناك مثل ما قلتلكم مردقوش وزنجبيل


والرياضه ما قاعد اسوي بس اشتغل بالبيت كثير

 

[CuTe*^.^*BaBya]

ماشاءالله روووعه خلطه المرقدوش ان شاء الله بجربها هالاسبوع .

وعليج بالعافيه حبيبتي رجيمج حلووو .

 

[سأكون يوما ما أريد]

يله بنات شدواا الهمه انا ما باجي شى واصل 55 وبعدهاا ابيه يوصل53 انشاللله انزلهم قبل رمضان

 

[سأكون يوما ما أريد]

اى والله يا كيوت ونتايجها حيل حلوه الحين
جريبيهاا

 

[CuTe*^.^*BaBya]

هدااوي انا وااااااايد مستانستلج لأن مابقالج شي عالوزن المثااالي ماشاءالله عليج
انتي قدهاااااااااا والله وااايد تشجعت منج ان شاءالله توصلين حق هدفج بإذن الله :ggdw::ggdw:

 

[سأكون يوما ما أريد]

انشالله الله يسمع منج انشالله واصل للوزن المثال
بس كل من شافنى قالى صايره تخرعين ويهج يخرع

بس كلش كلش كلش ما ارد عليهم وانشاالله اوصل للى ابيه

هذي من الحره الى تارستهم يشوفونى رشيقه

 

[CuTe*^.^*BaBya]

ان شاءالله راح توصلين .
اي ماعليج منهم طنشيهم انا قلتلج هذول محترين من زمان منج :dddds: ..
الجسم اذا كان حلوو ورشيق اهوا اللي يحلي الويه ومع الشعر وشويه ميك اب يطلع شكلج روعه
استمررررررررررري ولاتتحبطين وطنشيهم يالرشيقه:ggdw::ggdw:

 

[نشميه]

مبرووووووووووووووووووووك تينا على النزول


بنات صارلي يومين مو داخله اشتقتلكم بنات مو قاعده اخربط شسوي ياربي والله نفسيتي تعبت

 

[CuTe*^.^*BaBya]

اهلين نشميه صج فقدناج ليش ماتدشين على طول ؟؟
شخبارج شمسويه ؟؟ وشنو النظام اللي ماشيه عليه ؟؟

 

[CuTe*^.^*BaBya]

بناااااااات لاتنسوون الميزان باجر الله يخليكم التزموو ..

وعشان يسهل علينا نعرف منو الفايزه هالاسبوع تحط وزنها بهالطريقه ..

الوزن قبل اسبوع :
الوزن هالاسبوع :

 

[نشميه]

انا ليلحين ماشيه على طالب بس ذابحني التخربط

صاير يومي كله لويه اقعد الصبح اطلع وارجع بليل هلكانه ما اقدر افتح عيوني


توني ماكله اول وجبه حقي وهي شريحتين توست اسمر المدور وحطيت جبنتين معاهم تيركي وخذيت معاهم سفن دايت مع اني ما شبعت بس ماراح اكل الحين بعد شوي بشربلي كابتشينو

 

[CuTe*^.^*BaBya]

عليج بالعافيه نشميه .. يالله شدي حيلج نبي نطلع من الستينات ..
وكملي الرجيم حاولي تصبرين نفسج بالكبتشينو اذا يعتي ليمن موعد الوجبه الثانيه .

 

[babya]

بالعافيه بنات:ggdw:

 

[نشميه]

هذا اللي بسويه

 

[شموخ في زمن الآنكسار]

انا سلطه واندوووومي بسسسس

الله يستر من باجر

 

[CuTe*^.^*BaBya]

بيبيه

الله يعافييييج شلوونج شخبارج مع الرجيم ؟؟


شموخ

عليج بالعافيه حبيبتي .