تجمع الامهات المسافرات (اشلون على الطباااخ)

[فنيسيااا]

السلام عليكم ورحمة الله وبركاته
بنات اشلون على اليهال بالسفر خصوصا اللي بياخذون تور اوروبي
انا اول اسافر مكان واحد واخذ ماجلتي
هالمره بنتنقل وايد واغلب الوقت فنادق ومعاي اطفال 4 و 7 سنوات
اشلون على القدر الكهربائي؟؟
اي توصيات؟
اللي جربو قدر الضغط بالريف والجبال اشلون استخدمه؟؟
:eh_s(7)::eh_s(7)::eh_s(7)::eh_s(7):

 

[عيش و ملاس]

Up علشان نستفيد

 

[سحر الشرق@]

نفسج بالضبط
ان شالله يفيدونا البنات
خاصه ان النهار بيكون طوييييل

 

[فنيسيااا]

بنات بشكل عام اليهال خل يشربون سؤائل وروب عشان رطوبة الجسم
المشكله اذا كان بيبي عسر
احنا سفرتنا تقلصت الى 15 يوم شطينا اسبوع كامل
اهون من 21 يوم وكنا بنتنقل على اربع دول
بس الحمدلله خيره

 

[دانه الخليج]

انا عن نفسي هذه اول مره باخذ معي عيش وماش وعدس وتونه عشان نطبخ لان هذه ثاني اروح اوروبا اول مره كانت فرنسا وبلجيكا وماطبخنا بس تعبنا ماكنت اكل من اي مطعم واوسوس واخاف بس الحين بجرب الطباخ وخاصة لاني هالمره حجزنا شقق وان شاءالله سهالات

 

[سحر الشرق@]

بنات عندي اقتراحات
شوربة الماجي او الكنور سهله وما تحتاج عده
السباغيتي والمعكونه هم سهلة
والاندومي مع ان ماحب اعطيه للجهال بس هالفترة عادي فتر قصيره
وكروسان وحليب فراوله وكب كيك بخليه بجناطهم الي بظهرهم
لان حنا ممكن نطلع من الصبح ومانرد الل بالليل
والتونه ولدي يحبها
وعيش اتوقع لازم مع روب
وعيالي يحبون البيتزا حيل وهناك بنحاول يكون اغلب اليام بيتزا اضمن
شرايكم بالمقترحات ؟
والي عندها افكار تقول بنات

 

[فنيسيااا]

بنات عندي اقتراحات
شوربة الماجي او الكنور سهله وما تحتاج عده
السباغيتي والمعكونه هم سهلة
والاندومي مع ان ماحب اعطيه للجهال بس هالفترة عادي فتر قصيره
وكروسان وحليب فراوله وكب كيك بخليه بجناطهم الي بظهرهم
لان حنا ممكن نطلع من الصبح ومانرد الل بالليل
والتونه ولدي يحبها
وعيش اتوقع لازم مع روب
وعيالي يحبون البيتزا حيل وهناك بنحاول يكون اغلب اليام بيتزا اضمن
شرايكم بالمقترحات ؟
والي عندها افكار تقول بنات

حلوه اقراحاتج الاندومي ميزته اذا كنتي بالفندق تسوينه بالغلايه لوووووول
همن البيض ترا ينفاح بالغلايه لووووول
احنا اول اسبوع فنادق وثاني اسبوع باذن الله بنستقر بالريف ونطبخ طباخ بيت
بيني وبينكم الطبخ ياخذ الوقت ويتعب خصوصا ان اوروبا من الساعه 5 كل شي يصكر
انا مره رحت لي شلالات بعيده تبعد 7 ساعات بس كان معاي ولدي بروحه طولالطريج اسوي له سمون على جبن ونقانق وقفنا بالمكدونلد واكلنا واهو ما يحب الصاير كنت اعطيه ماي وبطاط ككاو ولما وصلنا الشلالات قعدنا 3 ايام كسرخاطري دورنا مطعم يسوي اعيوش ولقينا مطعم هندي
الحين ولدي الثاني حييل عسر شكلي بفوح له عيش واحطه بحافظة طعام اذا بغينا نطلع واحط له روب
انا مفكره اشتري قدر كهربائي
واهم شي حافظات طعام
احنا بنطير على الكويتيه باذن الله واكلهم فلفل اغلبه انا حافظته واعيالي ما ياكلونه
قمت اسوي عيش وبلاليط واحطه بحافظه واوكلهم بالطياره

 

[_زينه_]

الجدر الكهربائي جربته بالفنادق حلووو طبخنا عيش وتونه

اخذو فول وحمص واندومي وشوربه وعيش وتونه بس

اما اللي تقول كب كيب وحليب فراوله حرام راح يتفقص من الاغراض واخرتها بالزباله تكرمون

انا بس باخذ اللي ذكرته وشاي وقهوه وطبعا امي اللي راح تطبخ لنا اذا كان عيش

 

[فنيسيااا]

بنات الحين اذا بسوي عيش بقدر الضغط ما انقع العيش بس اغسله صح او لا؟؟؟

 

[ام مهاوش]

بنات ديروبالكم ترا جدر الضغط موزين وكلش مو امان
اخذو جدر الكهربا احسن بوايد
ترا صمون اوروبا حلو يهبل يحبونه اليهال فيه طعم حلاة ومع جبن فيلاديلفيا موطبيعي جان زين عندنا نفس صمونهم انصحكم فيه
سويلهم عيش مشخول وروب ويوم عيش وعدس واخذي معكرونيه وهالله هالله بالبيض مفيد وماياخذ وقت ومايكلف روحي مركز سلطان تلقين عندهم شغلات اتهبل واكل جاهز يهبل حق السفر

 

[Abraaj]

ماكو بريك من الطباخ!

راحـــــــــــــــــة واستجمـــــــــــــــام!

قزروها أي شي! هذا رايي

 

[اسرار70]

الصراحه ما يسوى كلها اسبوعين
ليش طباخ واذيه
والمطاعم موجوده ونقت وبطاط وبيتزا
وسبغتي كلها موجوده
هذا رايي

 

[فنيسيااا]

خواتي انا معاكم لان بالسفر انا انقلب خدامه غسيل وطباخ واوتي وتنظيف بيت
انا اذا معاي اعيالي انقل لهم البيت بكبره لوووول
انا الصغير الله يسلمه ويصلحه ويخليه اشوي عسر يعني اكله محدد ونفسيه عشان جذي احاتي
اما اذا مسافره بروحي
اشق اشقوقن ما تخيط
لووووووووووووووووول
اخربها مطاعم وكافيهات وفراره وتسوق

 

[سحر الشرق@]

ليش الفندق الي فيه مطبخ
مافيه جدر؟؟
حنا الفندق فيه مطبخ
معقوله بس منظر
اني اخذ جدر مستحيل صعبه

 

[فنيسيااا]

ليش الفندق الي فيه مطبخ
مافيه جدر؟؟
حنا الفندق فيه مطبخ
معقوله بس منظر
اني اخذ جدر مستحيل صعبه

الفنادق مافيه مطابخ واذا ماخذه سويت يكون مطبخ تحظيري بس
يمكن قصدج شقق فندقيه وهاذي يحطون جوله بس ما ادري اذا معاها امواعين اولا

 

[ام مهاوش]

حبيباتي اللي يقولون قزروها بمطاعم اشلون اتقزر بمطاعم ومعانا يهال صعبه احنا انتحمل بس اليهال لا

 

[فنيسيااا]

صاجه ام مهاوش اليهال غثا بالسفر بس شنسوي ما نقدر نخليهم

 

[اسرار70]

الله يخليهم لكم
مثل ما قالو البنات عيش وروب وشوربه عدس سهله
معكرونيه مع روب يحبونها اليهال
وسفره سعيده ان شالله

 

[فنيسيااا]

مشكوووره

 

[مريم ص]

احلى شي بالسفر الطبخ



بصراحة انا جربت طباخ العيش الكهربائي بسفراتي اذا كنت بفنادق حلو و عملي كنت اشتري ربيان مبرد او صدور دجاج و احمسهم و اصب عليهم الماي الحار من الغلايه بعدين اكت العيش

بس اخر سفراتي اخذ شقه بالمناطق الريفية و اييب معاي من الكويت بس العيش و البهارات و اشتري كل شي من اهناك لان جمعياتهم تفتح النفس و كل شي فيها

نظامي في الطبخ
الصبح اسوي ريوق سنع ( البيض - تونه - بزاليا - اجبان - شاي و حليب )
و بعدين نلبس و اجهز الشاي و القهوه و اشتري فاكهة ( فراولة او خوخ ) اغسلها و اخذها
و نروح رحله بنص الرحله نقعد بقهوه و نطلب سناك لليهال بيتزا او بورجر
و نرجع الساعه 7 او ثمان طبعا اكون امطلعة ايدامي من الصبح على الطاولة
اركب الايدام و علبال ما انبدل و انصلي و انريح اسوي انا العشا ( عيش و دجاج او ربيان / او معكرونة )
ياخذله الطبخ ساعه تقريبا ايخلص على الساعه 9 تقريبا اصكر عليه عشان يتسكر و نقعد انسولف ليما تغيب الشمس عقب نصلي المغرب و العشا و احط العشا على الساعة 10 عقبها اذا خلصنا احط المواعين بغسالة المواعين و اجهز اغراض طلعت باجر و على الساعه 11 احنا نايمين