تجمع الحوامل لنصبح رشيقات ...

[my dream2]

تجمع الحوامل لنصبح رشيقات

مثل ماهو واضح ابغي انظمه مجربه للحامل ولو يصلح رياضه خفيفه
واللي سبق وجرب نظام للحامل يساعدنا
انا حامل ووزني زايد
وابغي انقذ نفسي من الان
كثير حوامل ماشاء الله تحافظ على اوزانهم
مو شرط تتبع نظام قاسي لو نظام صحي يحافظ لها على صحتها وصحة الجنين

شاركوني وحمسوني

لان وزني زاد ومتضايقه كثير منه
ومأثر حتى على نفسيتي بشكل كبير جدا

خلونا نتساعد حتى نولد ووزنا مافيه كثير زياده ونقدر ننقصها بسهوله
​

 

[شقيقة النعمان]

انا كنت امشي نص ساعه يوميا اذا ماعندك مشاكل بالحمل
ااكل الصحي
يعني بيضه مسلوقه على الفطور مع 2 توست بر وكوب حليب قليل الدسم

الغداء
بروتين اي نوع لحم او دياي اوسمك مشوي مع خضار وسلطه

سناكين
السناك الاول العصر 3 حبات تمر
والثاني يكون حبه فاكهه

والعشاء
شابورة او توست مع تونه او جبن

نوعي
تقدرين تنزلين وزنك على خفيف والبيبي مايتعرض للخطر

 

[بـ سـ كـ وتـ ة]

الله يتمم لج على خير ان شالله

كتبي في يوتيوب trimester exercises عشان يطلع لج تمارين كل مراحل الحمل

طبعا أول 3 أشهر first

ثاني 3 أشهر second

وثالث 3 أشهر third

هذا بالنسبة للتمارين

أما بالنسبة للأكل ابتعدي عن المقليات

كثري سلطة وخضار وهم حاولي ما تنسين الفواكه بس لا تكثرين حبة أو حبتين في اليوم

بدلي العيش العادي بالعيش الأسمر والخبز هم حاولي تاكلين خبز أسمر

تجنبي كثرة العصاير وحاولي كثر ما تقدرين تستبدلينها بالماي

وامشي وخلج نشيطة وترى السباحة بعد زينة بس طبعا ما تكون عنيفة

وان شالله الله يتمم لج على خير وتكونون انتي والبيبي بصحة وعافية يا رب