تجمع السعوديات العايشن في الكويت

[جولينار]

بدور هههههههههههههههه الله يخليكم لبعض

انتي ليه بالكويت ؟؟

 

[بـــــــــدور]

جولينار انا سعودية بالاصل ولدت وترعرعت بالشمال في المملكه وتزوجت ولد عمتي بالكويت وكل اجازة انزل الشمال وتوني جاية من الارض الخضراء فديت ترابها انتي وين بالمملكه

 

[أوراد التميمي]

ليتهم نامو ياجعلك الستر

وسعي الصدر حبيبتي ما يحتاج كل هالحلف مصدقة حبيبتي

طوفي يالغلا

 

[أوراد التميمي]

السعوديات المغتربات << تبي تقهركم مثل جولينار

من وين تشريتوا للعيد من الكويت ولا من السعودية << تبي تغير الموضوع هههههههههه

 

[جولينار]

بدور انا بجده ههههه شرايك فيها

وعشت في الرياض بعد بس اهلنا اغلبهم بجده


على فكره خلو هالخبله تكلم نفسها تكووون لاتردون عليها

هذي ينطبق عليها المثل ,,, مايهذر المهذري الا من زود السخوونه هههههههههههههههههههه

عسى فهمتو المثل

 

[بـــــــــدور]

جولينار صدقتي بالمثل وترى السخونه مرات تتطور وتصير انفجار فهمتي قصدي صح


اوراد انا جهزت للعيد لاولادي من الشرقية من الضهران مول والمارينا بس باقي انا شريت لية تنورة قصيرة وبنطلون بس وعدت الشقراء مالبسهم شهرين يعني تورطت لازم البس جلابية كمها طويل خخخخخخخخخخخخ

 

[كويتية شقراء]

هههههههههههههههههههه ضحكتيني واااااااااااااااااااااايد انتي تتمنين لو تاخذين الحرية بس مو حاصل وانا خويتج

 

[أوراد التميمي]

حتى أنا من الظهران مول والمارينا

تبين جلابيات عندج الفينيسا تجنن جلابياته

اخذي الفراشة وايد استر هههههههههههههههه

 

[أوراد التميمي]

تصبحون على خير يالغلا

 

[بـــــــــدور]

تلقين خير يالغاليه

 

[خالديه سعوديه]

اهلين بنات ...
اخباركم
طحت على موضوعكم بالصدفه ولقيت وحده توزع حسناتها عليكم خخخخخخ
عاد اشوا اني سعوديه ع الأقل يجيني من هالحسنات شوي _03BA:
بس حبيت اذكركم ببيت الشعر اللي يقول
واذا اتتك مذمتي من جاهل فهي الشهادة بأني كامل
وبعض الناس مساكين على بالهم هم اللي عايشين وغيرهم غارقين ياحرام بأوحال الجهل والتخلف الحمدلله والشكر
ولا تدري ان في ملك على يسارها سجل كل ماكتبته بحق اخواتها المسلمات
الا على فكره ... في كويتيه وشقراء !! :dddds:

 

[فنانة الكويت]

السلام عليكم بنات
اهلا وسهلا فيكم بديرتكم الثانيه الكويت
وانه كويتيه متزوجه سعودي
زوجي امه كويتيه وعايش طول عمره بالكويت
بس طبعا لازم كل صيف وكل عيد في السعوديه
واحب اقول لكم شي
واذا خاطبهم الجاهلون قالوا سلاما
رمضان كريم
وكل عام وانتم بخير

 

[{الجارحه}]

السعوديات المغتربات << تبي تقهركم مثل جولينار

من وين تشريتوا للعيد من الكويت ولا من السعودية << تبي تغير الموضوع هههههههههه

هلا فيج حبيبتي
انا شريت بدله من الرياض من العليا مول
يلا اللي بعدي من وين شريتي للعيد

 

[امرأة خ ــرافيه]

يا بعدي يا بنات ديرتي ..

انا امي اصولها كويتيه وابوي سعودي << يعني مو مغتربه الحمدلله

اما من وين شريت بدلة العيد .. الله يسلمكم شريتها من فينيسيا

الوانها سكري وعليها قليتر اسود مرررة اعجبتني

صبــــــاحكم رود طايفي << شي من ريحة السعوديه

 

[جولينار]

اعشق الورد الطايفي ,,,,,, انا شريت طقم العيد من الجديعي اللي بعزيز مول

صراحه شفتها ع العارضه اعبتني لما لبستها مااعبتني مدري شسوي ؟؟ ارجعها والا اتم عليها

 

[امرأة خ ــرافيه]

عاد انا نادر ما ارجع شي حتى لو ماطلع مقاسي ما ارجعه اقول بتجي مناسبة والبسه ..

بعدين صح شلون قلبك يطاوعك تشترين شي وما تجربينه اول ما ترجعين ؟؟ << محاكيتك عندها هالهوايه خخخخ

 

[امرأة خ ــرافيه]

شااااااادن من جد ضحكتيني بهالصباح ..

يا شيخه الله يسامحها الناس رمضان وهي ما قصرت ..

*=== (( ما يلفظ من قول إلا لديه رقيب عتيد )) ===*

 

[الشادن2007]

يالخرافيه.......من جد ماأبي أتطنز عليها ..بس هذا الواقع !!
هي صح لبخت شوي بس شكلها أموره وبريئه .

 

[العشق المستحيل]

أنا كويتيه متجنسه سعوديه وعايشه بالسعوديه

 

[سمبتيكا ~]

بـ غض النظر عن كل الخرابيط إللي خربطتيها
آهم شي آنج آعتذرتي و عرفتي غلطتج ..
: )
فديتج ترى مو حلوه بحقج هالسوايا
مهما كان ترى كلنا لـ التراب
و هالاشياء ماراح تفيدنا كثر ماراح تضرنا ..

الله يهديج و يكملج بـ عقلج ^_*
و لايهمج هالبنات رايقات مازعلوا منج يوم طبيتي فيهم
بيسامحونج و كأن كائن لم يكن ..