رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"
مؤمنه
عسى الله يوفقج وتبشرينا عنج
وهدفج سهل المنال ان شاء الله
مو صعبين ال3 كيلو
بس حبيبتي بسالج شنو هذي حبوب جيلانين ؟
انا الترا بروتين مع الحليب هو اللي نفخني واشربه بعد وجبه قويه مثل عشاء او غدا
خلصت منه 3 علب تغيرت جد
عسل العويد يبي استمرار
وهم المكسرات حلوه
ولازم تاكلين يوميا زبده
الحليب مفيييييييييييييد حيل للي تبي تمتن صدقيني
اللهم امين
يزاج الله خير ياقلبي
اي والله شويه بس يبيله مواظبه انا من النوع اللي وزني
مستحيل يزيد بروحه لازم اكل وايد واشد ع نفسي
اخيييه والله ودي اوصل للي اابيه 60 احس صج لمن احد يسالني احس
بثقة
يلا هانت ماباقي شي
بس اهم خطوة هالمرة بسويها اني مااعلم احد
لاني صج تعبت نفسيا ناشبوني لمن قلت بمتن شوي
الكل درى والكل يفتي وحرموا علي الاكل كل مااكل يصير اعوذبالله نشبه
والله حتي الحبوب ظلت وبعضهم خساير وقطيتهم
الجيلاتين هذي تاخذينه مع الحلبه يتفخ الخدود صج روعه قبل لمن
اخذه حتي خواتي حسدوني على خدودي هههههه واذكر مرة عمي تقول
بس خدود خلص وقفي وقفي خدودج وايد ههههه
والله الخدود اهيا اللي تحلي البنت احلا شي الخدود روعه وانوثة
وتعطيج شكل جمالي
واحس ان الحلبه تصفي البشرة
الحليب حيل يتفخ بس بحاول اغصب نفسج واشربه مع ان يذبح
وادري اهوا احسن شي للمتن
