تجمع العلاج في لندن حياكم

[أم ملاك الكون]

حنا انشاء الله بدايه شهر 10 مسافرين لعلاج ابنتي مع زوجي في مستشفى بورتلاند

 

[جوجوا]

ماتشوف شر ابنيتج انشالله تشوفينها عروس وصراحة خوش مستشفى وايد حلو والاهم انه نظيف حتى متوفر في مترجمين

 

[ام ساره72]

تروحين وتردين بالسلامه انشالله وهم خالتى كانت هناك قبل فتره للعلاج وتعاملت مع بنت طالبه كويتيه عشان الترجمه ووايد ارتاحت لها فكانت ادق عليها قبل موعدها بيوم والبنت تروحلها حق الترجمه وتتفق معاها على سعر معين اذا بغيتو رقم البنت قولولى عشان اسال خالتى عن رقمها

 

[دلع الكون]

انا بروح زوجي 11/9 عنده مراجعه في مستشفى مورفيلدز للعيون لأن العام مسوي زراعة قرنيه .

وسلامـــــــــــــــات للجميـــــــــــــــــــــــع

 

[أم ملاك الكون]

رد : تجمع العلاج في لندن حياكم

الله يعطيكم العافيه وماتشوفون مكروه لا مايحتاج مترجمه لان زوجي يعرف انجليزي

 

[أم ملاك الكون]

رد : تجمع العلاج في لندن حياكم

Up up up up up

 

[روح عاشقها]

رد : تجمع العلاج في لندن حياكم

ماتشوفون شر ام ملاك عسى ماشر اشفيها بنتج؟

 

[أم ملاك الكون]

رد : تجمع العلاج في لندن حياكم

هلا اختي روح عاشقها ابنتي عندها ضمور في العضلات ماتمشي عمرها 6 سنوات وعندها الله يكرمكم البول بالقسطره

 

[كويتيه فدعاا]

رد : تجمع العلاج في لندن حياكم

الله يشافي مرضاكم اجمعين
انا مسافره ان شاء الله اخر شهر 9
مرافق ويا زوجي


ياليت المراقبات يدمجون الموضوع مع موضوع التجمع الثاني
للعلاج بالندن عشان الكل يستفيد ان شاء الله

 

[روح عاشقها]

رد: رد : تجمع العلاج في لندن حياكم

الله يشافي مرضاكم اجمعين ويهون عليكم غربتكم
ام ملاك هذي اول مرة تراجعين بهالمستشفى ولا رايحة من قبل
وسامعة عن دكتور روبرت هيل اللي يشتغل فيها؟

 

[أم ملاك الكون]

رد : رد: رد : تجمع العلاج في لندن حياكم

اول مره نروح له

 

[ام عفاف الكويت]

رد: رد : رد: رد : تجمع العلاج في لندن حياكم

بنات جم يوم اخذ من دزوا الوزاره الفاكس الى الدكتور عشان يحدد اول موعد ؟
يعني هما دازين له الفاكس ينطرون رده ؟ جم الى ان عطوكم الرد ؟

 

[كويتيه فدعاا]

رد : رد: رد : رد: رد : تجمع العلاج في لندن حياكم

بنات جم يوم اخذ من دزوا الوزاره الفاكس الى الدكتور عشان يحدد اول موعد ؟
يعني هما دازين له الفاكس ينطرون رده ؟ جم الى ان عطوكم الرد ؟

حنا دزينا الفاكس وقالو لنا بعد اسبوع الرد وبعد اسبوع رحنا انراجعهم قالو ماوصل شي
دزينا فاكس ثاني ونطرنا اسبوع بعد ليما وصلنا الرد

والله يسهل اموركم ان شاء الله.

 

[أم السنافر]

الله يشافي كل مريض الله لايطول غربتج ويشفي بنتج ام ملاك الكون اسئلي عن مستشفى جريت ارموند تراه مستشفي راقي جدا وفيه جميع التخصصات والدكاتره شاطرين فيه انا العام الماضي كنت هناك وشفت اطفال نفس حالت بنتج يتعالجون وهو متخصص اطفال فقط وتروحين وتردين بسلامه

 

[ام عفاف الكويت]

انا زوجي يقول ماله داعي قالوا لي بيدقون
مليت احن

انا الدفاع مو الصحه ؟

 

[أحلاهم]

رد : رد: تجمع العلاج في لندن حياكم

بنات ما عليكم امر منو سمع عن مستشفى ويلينكتون حق العظام والركب امي ركبتها قالولها هني بالكويت خشونه ونشف الزيت فيها المادة الصمغيه-وقاعدين نسوي اوراقها للعلاج بس وين تنصحوني فيه لندن بهالمستشفى هذا ولا غيره -او اي بلد ثاني المانيا ولا التشيك بعد

 

[& ام سلمى &]

السلام عليكم

ماتشوفين شر وان شاءالله ربي يشفى بنتج ومرضى المسلمين

المستشفى بورتلاند واااايد زين حق الاطفال حتى في اخصائيه نفسيه حق الاطفال تعرف تتكلم عربي واسمه ايما

وهذا موقع المستشفى


http://www.theportlandhospital.com/

وان شاءالله اكون فدتج

 

[أم ملاك الكون]

رد : رد: تجمع العلاج في لندن حياكم

يعطيكم العافيه يا غاليات

ام سلمى شنو احسن واقرب قندق 5 نجوم للمستشفى

 

[om.aboodi]

تكفون اللي راحوا انا الحين ولدي بعيد الشر عنكم عالدفاع بوديه لندن بورتلاند دكتور روبرت هيل منو تعامل معاه واشرايكم