## تجمع الغير تربويات في مجال التدريس ##

[jen2n]

السلام عليكم :eh_s(7):

فتحت هالتجمع عشان يكون ملتقى لنا ونتيمع فيه

ونسولف مع بعض عن الاشياء اللي تصير لنا في مجال التدريس

بما ان احنا من كليات ثانيه غير التربيه جامعه الكويت والتربيه الاساسيه

بعطيكم نبذه عن نفسي

تخرجت من كليات الاداب سنه 2010/2011 كورس اول تخصصي فلسفه ومساندي تاريخ

حابه ادخل مجال التدريس عشان لي بغيت اكمل دراسات عليا المعلومات اللي درستها ما تختفي

وبنفس الوقت حابه التدريس وحاسه ان عندي وايد افكار ودي اوصلها للطالبات اللي راح ادرسهم ان شاء الله

وبصراحه اذا الله سهل وتوظفت بالتربيه وصرت مدرسه ودي ادرس المرحله الثانويه


اممممم اليمعه اللي طافت قدمت على الديوان ويوم الاحد رحت الوزاره وقلت لهم سجلت بالديوان

يصير اباشر الشغل الحين وترشحوني قالو لي لأ نطري تنزل الاسامي بالجريده

عقبها البنات قالو سألي المنطقه وابوي ما قصر راح المنطقه التعليميه وقالو نفس اللي قالته الوزاره

اليوم رحت الديوان وقالو لي نطري بعد 3 اسابيع لان احتمال 1/4 تنزل الاسامي حق اللي بيتوظفون

قلت دام السالفه مطوله خل ادش دورة icdl والحمدالله دخلت وخلصت اول برنامج ونجحت فيه وباقي 6 برامج ترا هالشهاده مهمه حق الوظيفه

عندي اسئله وايد لووول

1- هل يحق لي ان اطلب في المقابله المرحله اللي ابي ادرس فيها

2-وهل يحق لي اطلب المدرسه اللي ابي ادرس فيها

3- شنو راحت تكون طبيعه الاسئله اللي راح تنسأل في المقابله

4-هل بعد ما تطلع الاسامي على شهر 4 ونخلص الاجراءات على اول 5 تقريبا يوظفون على اخر السنه

وبسسسس هذا اللي ودي اعرفه الحين

مثل ما سمعت بما احنا مو تربويات فراح ننطر اسامينا تنزل الجرايد

وعقبها نروح الوزاره ونسوي الفحوصات والمقابله وعقبها يعطونا دوره مدتها اسبوعين

وعقبها نباشر الشغل


وحياكم الله :eh_s(7):

 

[أم*سلمان]

مبرووك عليكم التجمع


وعسى الله يوفقكم يارب

 

[jen2n]

مشكوره ام سلمان

وين البنات؟؟؟؟

 

[jen2n]

يعني معناه اني بروحي مو تربويه

 

[فجر Q8]

سمعت ان راح نتوظف السنه اليايه

لان احنا مو تربويات فما ينفع نتوظف والسنه بتخلص

 

[حجيه هيونه]

والله ماعندي فكره عن هالاجراءات بس يتراوالي صعبه يعرضون عليج مكان وترفضينه راح يخلونج تنطرين

 

[$$لامار$$]

لا لا راح نتوظف هالشهر اخر اربعه احنا بوظايفنا


انا تخصصي جغرفيا بس مو تربيه ابي ادرس ثانوي مثلج بالضبط

 

[منال القلب]

انا مو تربوية

تخرجت سنة 2010 شهر 1 وتوظفت شهر 4 بنفس السنة يعني قعدت بطالية 3 شهور وكسور

تخصصي عربي آداب

وترا ماله دخل ان كنتي تربوية او لأ يأخرون توظفيج كله حجي فاضي..

جنون بذبحج نص الأسئلة مجاوبة عليهم بس ميخالف بعذرج لأن متحمسة للدوام لووووول


4- انا الي اعرفه ان الوزارة لها وقت محدد تسكر باب التوظيف وخاصة مجال التدريس. يعني لو قلنا فرضا طلع اسمج اول 4 وخلصتي كل شغلج على نص 4 خلاص تتوظفين عادي حتى على أول 5. يعني الوزارة عارفة شنو تسوي ولا جان ماطلعت اسمج.


3- دامج تخصص فلسفة ف أنا أفضل تذاكرين الأسئلة العامة.. يعني نبذة عن كل فيلسوف وتعريف الفلسفة والمنطق ومن هالكلام ولا تدخلين بالتفاصيل وايد.


2- المدرسة.. لأ صعبة شوي الا اذا عندج واسطة فهاذا شي ثاني وتقدرين تختارين المدرسة الي تبينها اذا عندج قدرة اقناع عجيبة يعني مثلا طلع اسمج على مدرسة معينة انتي بنفس الوقت دخلي على مراقب الثنوي وقوليله عن ظروفج وهو راح يغير ان شالله اما اذا ماعندج قدرة اقناع فيفضل لا تدخلين عليه لول


1 المرحلة الدراسية، انا اخترتها يعني عقب المقابلة، اللجنة على طول يحطونج المرحلة سواء متوسط أو ثنوي. ودامج فلسفة راح يحطونج ثنوي دايركت لان لا ابتدائي ولا متوسط فيهم فلسفة.. يعني حطي في بطنج بطيختين صيفي

 

[فجر Q8]

مع اني سمعت ان طولو فتره التسجيل عشان جذي مأخرينا والله اعلم

 

[$$لامار$$]

يعني متي تطلع اسامينا ...............؟؟؟؟؟؟

عندي احساس هاليومين والله اعلم

بنات كم نسخه اطلع لشهادتي لان يطول اخاف يطلبون وايد انا عندي بس وحده

 

[فجر Q8]

شكلهم بيقعدونا لين السنه اليايه والعام كانت حالات استثنائيه

 

[$$لامار$$]

مافي حالات استثنائيه

كل سنه يتوظفون علي شهر اربعه

السنه هذي اهي الاستثنائيه وظفوا التربيه قبلنا

 

[فجر Q8]

يعني شنو معناها ؟

 

[$$لامار$$]

بس مليت متي تطلع اسامينا

 

[jen2n]

ابشركم حطو ارقام الترشيح بس مو حاطين بأي وزاره!!!!!

 

[Maryam]

1- هل يحق لي ان اطلب في المقابله المرحله اللي ابي ادرس فيها
يحق لج بالمفابلة
2-وهل يحق لي اطلب المدرسه اللي ابي ادرس فيها
مو شرط يعتمد على المنطقة التعليمية اللي يحطونها لج و توافر تخصصج
3- شنو راحت تكون طبيعه الاسئله اللي راح تنسأل في المقابله
من كتاب المرحلة اللي تدرسينها بالنسبة حق التحريري - الشفوي سوالف تربوية اهم شي ثقتج بنفسج بالرد و يسألونج ليش اخترتي التدريس ؟؟؟ و من هالنوعية من هالاسئلة

 

[$$لامار$$]

رقمي 6 / 10 ومرفوضين 2


بس مافهمت يعني شنو

 

[jen2n]

يقولون لما يتوظفون الـــ2 المرفوضين يحطون اسامينا!

 

[$$لامار$$]

يااااااااااااااسلام


شنو سالفة المقابله اول مره اسمع ان في مقابله لنا

 

[jen2n]

في مقابله وفي امتحان تحريري ونجاح وسقوط وحوسه