تجمع الكويتيات المغتربات باستراليا

[* بنت المطر *]

حبيباتي وبنات ديرتي ...

حبيت أسوي هالصفحه الخاصه لكم وتكفووووون أبي تفاعلكم

كل يوم وحده تطرح موضوع معين ... قصه .. نكته .. موقف صارلها ( حلوو او مو حلووو ) .. تسأل .. تناقش .

تستفسر .. كيــــــــــــفكم

اليوم انا ببدي.. وبقولكم قصتي اول ماوصلت استراليا ولاية كوينزلاند تحديدا بمنطقه كارينا هايتس (مرتفعات كارينا )

طبعا كلكم تعرفون السفر لاستراليا يومين بالطياره وغصب طيب تنامين بالطياره انا يمكن نمت ربع ساعه

وصلنا تقريبا الساعه 8 الصبح طبعا هالكلام قبل 6 شهور .. ومانمت ساعتها طلعنا على طول مجمع كبير قدامنا يذكرني

بالافنيوز .. فيه كل المحلات القويه باستراليا مثل : تارجت _ بيج دبليو _ ماير _ ديفيد جونز ...... الخ

وقمت اطالع مبحلقه عيووني اللي الحمر ( من قلة النوم) مادري اشوف الناااس والا اشووف المحلات والا ادور

كويتيين والا اشتري ... الاكيد اذكر اني لحظتها كنت ميته جووووووووع صعدنا فوق

والا صالة مطاعم كبيـــــــــــــره وريحة الاكل عجيـــــــــــــــــــــبه ( مادري عجيبه والا تهيألي من الجوع )

والله عبالي تكدس المطاعم بس عندنا ( طلعوا الجماعه عليفين درجه اولى هههه)

قالي زوجي : شنو بخاطرج تاكلين وقعدت افتر بعيوني واقول : مادري مادري !!

زوجي قعد يضحك وقالي : اشفيج منبلهه يبا قعدي انا اضبطج

وجابلي طبق من مطعم صيني عجــــــــــيب ( دجاج بالكاري مع رز اممممممممممممم)

المهم ماطول عليكم ....

كلينا وردينا البيت الظهر تقريبا معانا شوية اغراض من الجمعيه

ومانمت ... قعدت افرغ الجناط وارتب المطبخ والبيت ومتحمسه وودي اروح افر هالمجمع وادخل محل محل عااد انا

(مجنونة شوبينغ ) ومانمت الا الساعه 8 باليل بعد ماخااااارت قواي

يتبــــــــــــــــــــــــع

بكملكم القصه بعدين بس ابي تفاعلكم اماااااااااااااااااانه

 

[Om_il3ubed]

ههههههههه كويتيه والله اعرف احساسج لما تكونين توج واصله من السفر و مكان يديد تحسين الدنيا ملونه حوالينج بس ماتشوفين شي


الله يعينج.. شكثر بتقعدين هني؟ ان شاءالله ماتطوليين وايد وعاد شكثرهم الكويتيين... دقي عالسفاره يعطونج الارقام وشوفيهم و طلعي معاهم


اذا بغيتي شي انا حاظره

 

[جنين القمح]

ترديين بالسلاااااااااااااااامه ان شاء الله
يلا كملي قصتج اذا ما علييييييييييج امر لانهااا شكلهااا رووعه

 

[~*الزين الاصيل*~]

تردين بالسلامه ونااطرين القصه على احرر من الجمرر

 

[Australia girl]

حابه انظم لهالتجمع ..انا صارلي باستراليا قريب ال9 شهور انا مع زوجي مرافق ..ساكنه بنيوساوث ويلز ..

 

[Om_il3ubed]

حياج الله بينا... استراليا حلوه .. بس الكويت مالها مثيييل

 

[* بنت المطر *]

شلونكم يابنات ديرتي الاستراليات لوووووووووووووووووووووووووووووول

احنا كلنا باستراليا بس شكلكم بعيد عني حيل ماينفع يعني نسووي بيكنك << حدي فاااضيه

انا ببريزبن بنات ولاية كوينز لاند ... يابنات انا صراحه مايبت معاي شيره وتوهقت بالواكس مالهم

حتى بالصالونات يسوونه غاااالي شسووووي؟؟؟؟؟؟؟؟؟؟؟؟؟؟؟

 

[Om_il3ubed]

برزبن حلوه عيشي حياتج عيل لو تيين عندنا تطقين على راسج لووول يومين ماتقعدين

تعرفيلج عالكويتيات والخليجيات وسوي بكنك على راحتج

امممم والله انا تعلمت على الواكس مالهم بعد شسوي .. بس اذا كلش موقادره جربي عند اغراض الهنود وجذي يمكن عندهم شيره اول خل يدزولج من الكويت بال dhl

 

[* بنت المطر *]

Om_il3ubed انتي وين موجوده اي ولايه واي منطقه؟ .. انتي طالبه والا مع زوجج >> حدي ملقوووفه

وشنو الواكس اللي استعملتيه واعجبج ؟

 

[Om_il3ubed]

استعملت مال nair الي يكون مثل بياله وفيها الواكس... تحررينه بالمايكروويف وبس تستخدمينه حتى يدون فماش او شي.. مثل الشيره بس سايحه جذي وايد حلو وسريع ومايعور

انا Adelaide/ South Australia
وانا طالبه وزوجي اهو الي معاي لوووول

 

[Australia girl]

مرحبا بنات ديرتي الاستراليات لووووووووووووول...اذا تبون شيره روحوا المحلات العربيه انا اشتري من هناك شيره (ميم)..عجيبه طبعا بالكويت هم موجوده منها ..انا منطقتي تبعد 3 ساعات عن سيدني نروح كل شهر نسوي شوبينق هناك حق الاشياء العربيه ..امس شريت منهم زيت شعر بالجرير ..لوووووووووووول

 

[Om_il3ubed]

مرحبا بنات ديرتي الاستراليات لووووووووووووول...اذا تبون شيره روحوا المحلات العربيه انا اشتري من هناك شيره (ميم)..عجيبه طبعا بالكويت هم موجوده منها ..انا منطقتي تبعد 3 ساعات عن سيدني نروح كل شهر نسوي شوبينق هناك حق الاشياء العربيه ..امس شريت منهم زيت شعر بالجرير ..لوووووووووووول

احنا باديليد ماعندنا وايد محلات عربيه ... والي عندنا نصااااابين كل شي يبته معاي من الكويت والحين قاعده اوزعهم لووول بس بعد ماتسوى اشحنهم معاي... الحمدلله مرتاحه كولز كل شي فيه ماعدا الفيمتوووووووووو ما استغني عنه لول

 

[Australia girl]

وي الله يعينج ..هو صحيح كولز في كل شي بس مرات الواحد يبي البهارات العربيه والقهوه العربيه ماتلقينها اا هناك ..ومشكله ما اقدر اييب كل شي من الكويت الوزن يذبحني يادوب ملابسي ..

 

[Om_il3ubed]

انا والله مااييب ملابس معاي كلش.. خليت هدومي هني لان ستايل الكويت غير نهائيا عن هني لووول وبس والحين كله بعطيهم حق تبرعات او مسلمين

 

[* بنت المطر *]

اي والله زين تسوين انا بعد ملابسي وملابس عيالي عقب الكراف بقطهم الصدقات هذا اذا فيه صدقات هنيه لوووووووووووووووول

برد خفيفه اللي معاي كله جديد x جديد ...انا المجمع اللي قبال بيتي يينن كل المحلات فيه والوول وورث مومقصر كل شي فيه وكل يوم

اطلع انا وعيالي هناك يلعبون بغرفة البيرنتس لوووووووووووول

واشرب كوفي بس والله انا احب اقرق واسولف ومرات اسولف وياهم بالغصب

اخت ام العبد ترا مافيه كويتيين وايد ببريزبن كله سعوديين وانا تعرفت ع وحده سعوديه تدرس دكتوراه بس صراحه كبيره عني بالعمر وايد

ام العبد ماقلتيلي منو دكتور احمد ؟؟

 

[Om_il3ubed]

اي والله زين تسوين انا بعد ملابسي وملابس عيالي عقب الكراف بقطهم الصدقات هذا اذا فيه صدقات هنيه لوووووووووووووووول

برد خفيفه اللي معاي كله جديد x جديد ...انا المجمع اللي قبال بيتي يينن كل المحلات فيه والوول وورث مومقصر كل شي فيه وكل يوم

اطلع انا وعيالي هناك يلعبون بغرفة البيرنتس لوووووووووووول

واشرب كوفي بس والله انا احب اقرق واسولف ومرات اسولف وياهم بالغصب

اخت ام العبد ترا مافيه كويتيين وايد ببريزبن كله سعوديين وانا تعرفت ع وحده سعوديه تدرس دكتوراه بس صراحه كبيره عني بالعمر وايد

ام العبد ماقلتيلي منو دكتور احمد ؟؟

بلى حبيبتي برزبن فيها اكبر عددد طلبه كويتيين باستراليا الدكتور احمد اهو رئيس المكتب الثقافي وعنده ارقام الطلبه كلهم باستراليا وبياناتهم

احنا عالتعليم العالي... وفي الي عالديوان وفي التطبيقي وفي عن طريق الجامعه مبعوثين وفي على حسابهم الخاص

الكل لما يوصل استراليا سواء على حسابه او مبتعث يفضل انه يدق عالسفاره ويعلمهم بوجوده عشان لا سمح الله اذا احتجتوا شي ما ينصدمون بوجودكم... والستااااف روعه ابتداء من السفير دكتور جمال وانتهاء بالسكرتاريه كلهم روعه

واذا بغيتي رقم اي احد اعطيج ودقوا كلموهم ومايقصرون معاكم

 

[* بنت المطر *]

شدعوه ادق ع السفاره ليش ؟؟ مضيعه جوااازي لوووووووووووووووووووووووووووول

يكفي تشرفي بمعرفتكم بالمنتدى ... اكيد زوجي داق ع السفاره وكذا مره راح ويراسلونه ع الايميل

بس شكو ندق ومايقصرون معانا احنا مافينا الا العافيه وموناقصنا شي لوول

المهم قوليلي متى ولادتج ؟ بتولدين هنيه والا بتسافرين؟

 

[Om_il3ubed]

شدعوه ادق ع السفاره ليش ؟؟ مضيعه جوااازي لوووووووووووووووووووووووووووول

يكفي تشرفي بمعرفتكم بالمنتدى ... اكيد زوجي داق ع السفاره وكذا مره راح ويراسلونه ع الايميل

بس شكو ندق ومايقصرون معانا احنا مافينا الا العافيه وموناقصنا شي لوول

المهم قوليلي متى ولادتج ؟ بتولدين هنيه والا بتسافرين؟

حبيبتي السفاره مو بس تروحينلهم اذا ضاع جوازج يقدرون يساعدون بوايد اشياء
مثلا يعطونج ارقام الكويتين القراب من منكم عشان تتواصلين معاهم واذا هالشي مايهمج على راحتج


وبالنسبه حق ولادتي.. السنه اليايه شهر 5 ان شاءالله واشووووووه راح اكون بالكويت :dddds: لاني خلاص بعد شهرين ان شاءالله اقووول باي باي استراليا للاببببببببببببببد _03BA::ggdw::ggdw:

 

[* بنت المطر *]

هاااااااااااااااااي حبيباتي شلونكم اليووم

اخ منج ياام العوبد شكلج زعلتي من كلامي !! عاد خلق الحااامل ضيق !!! لووووووووووووول حاسه فيج

يعني بعد شهرين بتخلينا وتسافرين هيء هيء هيء تردين بالسلامه سلميلي ع الديره وحبيلي راسها وقوليلها مالنا غنى عنج يااحلى ديره

عيل انتي خبره باستراليا بسالج من وين تاخذين المرتديلا احنا كنا نحبه بالتوست مع الجبن الشرايح ومالقيته هنيه كله مال خنازير الله يكرم

النعمه فيديني فديتج

 

[Om_il3ubed]

لا حبيبتي ماكو زعل شدعوه

المرتديلا لازم تاخذينها من المحلات الي يبيعون لحم حلال.. تحصلينهم عادة بالسنترال ماركت او سالوا وين يبيعون halal meat و اهم يدلونكم على محل.. وهناك تحصلين كلشي.. دياي هامبرغر لحم بانواعه اي شي يخطر على بالج