تجمع اللي راح يولدون بمستشفى الصباح ...

[ام اغلى الناس]

الله يعين
ان شاء الله بس تخلص البطاقه اروح افتح الملف

لوكي
انا مادري بس قالولي ماتختارين
يمكن قصدهم بالولاده

 

[yoyo"s mam]

مشكوره ام اغلى الناس
وانا سمعت انو مايطولون بفتح الملف على طول يعني
زانت تختارين الدكتوره بكره انشالله بفتح ملف واخبرك شيصير معاي

 

[ام اغلى الناس]

الله يعينج ويسهلج بالمراجعات ومايكون زحمه
عاد انا ماعرف اي دكاتره هناك
اللي تعرف دكاتره زينين تقولنا

 

[Loloki]

حتى بالولاده نفس دكتورتي ههههه الي ولدتني. يقولون محمود مقصيد زين مادري ماجربته بصراحه

 

[منـــوه]

الصباح زيينين والله انا عندهم ثلاث ولادات

وكل ماله ويتحسن من ناحية جناح الولادة

اول مرة ولدت قبل ٧ سنوات ماكان فيه شي اسمه ابرة ظهر وانا بجر وابجي من عوار الطلق اقولهم ابي مسكن شي تقولي السستر شنو تو الناس انتي بجر وتتدلعين شلون لو تولدين شنو بتسوين فينا !؟؟

تخيلوا بس السستر المسكينة انهبلت لما شافتني فاتحة ٨ سم وتشتط الله يسامحها وتنادي معاها ٣ سسترات يساعدونها لأن الاخت مو مجهزة ولا شي حق طلعت البيبي

والحمدلله انا بعد ساعدتهم وكانت ولادتي بدووون اي مخدر وحسييت بكل شي حتى المقص لما قصتني بس مع ذلك كانت سهالة وما طولت الحمدلله ،،

وعقب سمعت السستر تكلم رفيجتها تقولها ودوها عالخصوصي فورا كفاية ان تعبناها بالولادة وكلمي فلان خليه يضبط الموضوع ..

وصج صعدت خصوصي على طول مع ان ما عندي اي واسطة.

اما ولادتي الثانية فكانت سهالات بعد والحمدلله وبس سستر وحدة ولدتني وخيطوني بغرفة ثانية وبعدين ودوني عمومي لووووووووعة وريحة والزوارالهنود والجنسيات وازعاجهم بس همن ما طولت طلعت ثاني يوم ..

ولادتي الاخيرة كانت نوعا ما احسن ولادة لأن فيها خذت ابرة الظهر وما حسيت بأي شي بتاتا الحمد لله وكنت بغرفة الولادة بروحي وحمامي داخل الغرفة والسسترات يهبلون عسل

هالكلام قبل ٣ سنوات لكن المأساة الصجية لما صعدت الجناح عقب الولادة نفسية السسترات زفت ماغير بس يهاوشون والبيبي خلوه عندي طول الوقت ما ياخذونه

وانا تعبانه بنام أرتاح تقولي شنو بيبي انا ولا بيبي إنتي ؟؟!!

وصيت ريلي يشتري مصاصة عشان اقدر انام بالليل وينامون الحريم اللي معاي بالغرفة والبيبي ماغير تبجي وتييني السستر تزف تقولي شنو مشكلتج انتي وبنتج ازعاج !

انزسن شسوي انتي مو راضية تاخذينها ترضعينها ولا تعطيني لها حليب وصدري حسر فيني بالقطارة ..

يعني حسر والله ، لما شريت المصاصة قمت اعطيها بنتي بالليل وصارت تمصها وتنام اشوه ونص الليل ما أوعى الا والسستر البايخة ياية تقعدني من عز نومتي تقولي عن المصاصة شنو هذا وصاخة !

وتشلعها بدفاشة من البنت وتحطها بعيد عني !

وربي اللي خلقني ما بالغت بولا كلمة قلتها ، وانا بطلت حلجي وتنرفزت شهالنحاسة !

وطبعا بنتي غثيثة شةي اشتغلت صياح ومناحة وازعاااج وكان فيها بوصفار والدكتورة تقولي لازم تقعد عندنا بس والله ما تحملت طلعت على مسؤوليتي وبنتي الحمد لله مع الشمس والماي شكر تحسنت وطابت ..

وربي اني من ذاك اليوم اقول توووبة لو شنو ما ارجع اولد فيه

انا اعترفت صح جناح الولادة يهبلون ، لكن الجناح اللي فوق ذاك العمومي مأساة وحالة بئيييسة وانا ماعندي واسطة ، وربي لو أضمن اني اخذ غرفة خاصة جان ولدت فيه بدووون حجي زايد ،

لكن جذي بالعمومي ووصاخة الحمامات لا وألف لاااااا

واللي عندها واسطة حق الغرف خل تروح وهي مغمضة والله يهنيها ويسهل ولادتها ي رب ..

لكن اللي مثلي تروح الخاص وتشتري راحتها وكرامتها

الله يسهل علينا وعليكم

 

[Loloki]

اي ضح انا كلعولي واسطه وسسترات روعه يهبلون هذا بحمالي الاول

بحمالي الثاني امس رحت صباح كان ماي بيبي ناقص بمعدل طبيعي ف قالولي يووم وترك تعالي نشوف ماي ان شاءالله مو ناقص يارب

ويوم اربعا ان شاءالله دخولي. معنه تدرون بنات. امش اول مره اراجع عند صباح لان انا شسوي بتاسع خاص اروح صباح ومضبطين دكتور

رحت امس بليل عند دكتور خالد النجار قمة روعه ونفسيه شحلاتهاا ويراكض باوراقي يقولي سوي سونار وتعاليلي. معنه هذا انا ولا مره راجعة عندهم

وكلمنا امس واحد انعرفه واهو قالنا روحو عند هالدكتور ورحنا والحمدالله بس يارب يزيد ماي بيبي مابي ينقص /(.

يارب تخلي ماي ماينقص ابي يزيد يارب

 

[ام اغلى الناس]

منوره
كلامج يريح بس ليش السسترات ينفسون
الوحده تعبانه ويمكن مافيها حليب
شلون اسكتها من غير مصاصه
الله يستر

لوكي
يعني احسن دكتور اختاره هو خالد النجار

 

[Loloki]

ايي وعندي موعد اربعا عنده بالعياده الخارجيه

 

[*ريمي*]

شلونكم بنات ابي اسئل انا اراجع بلصباح بس ماراح اولد هناك .. السونار ريلي يدش معاي ولالا ؟ واراجع عند دكتوره اسيا تعرفونها ؟

 

[بنت الدوام]

بنات انا حامل وتوني داشه السابع

وعندي ابرة اجسام مضاده وللأسف هالابره مو متوفره بالخاص

فقالولي ماكو الا بالحكومه

وانا ماعمري رحت حكومه ومادري شنو اجراءاتهم

شنو الاجراءات اللي لازم اسويها

اقدر اروح الصباح على طول وله لازم تحويل من المستوصف لي التخصصي ومن التخصصي لي المستشفى؟

انا تابعه الصباح

 

[Laymo0ona]

بنت الدوام اللي اعرفه لازم تحويل الا اذا حالتج طارئه و رحتي الطوارئ مايحتاج
روحي المستوصف وشوفي شيقولونلج

وان شاءالله البنات يفيدونج اكثر

 

[yoyo"s mam]

اب اب

 

[yoyo"s mam]

بنات انا حولت بطاقتي للعاصمه منطقه نبيدالقار
تكفون اللي تعرف المستوصف حق هذي المنطقه ياااليت تفيدني عنوانه مواعيده وكل شي عنه
وربي يجراها الف خير ومشكوره سلف

 

[شوارفسكيه حمره]

انا ولدت بالصباح بنات وايد زينه ودي اروح اولد مره ثانيه بس اهلي يقولون لا تولدين بالحكومه مع اني ارتحت مناك بالولاده واختي بالشفاا تعبت مادري شسوي

ان شاءالله راح استخير واقرر

 

[ام اغلى الناس]

شوارفسكيه
دام جربتي وارتحتي خلاص خليج عليه

سولفي لنا عن ولادتج
متى كانت
وشرايج بالسسترات والدكاتره والاجنحه
كمام ولا ابرة ظهر

الله يهون عليج ويقومج بالسلامه

 

[yoyo"s mam]

اب اب

 

[ام اغلى الناس]

يالله بنات
وين تجاربكم
نبي تجارب جديده

 

[yoyo"s mam]

ررفع ررفع
تجاارب جديده

 

[*kim*]

اب اب نبي تجارب

 

[yoyo"s mam]

اب اب