تجمع اللي مصابين ( فقر الدم )

[غـيوم]

السلام عليكم
شخباركم ؟
حبيت اسوي هذا التجمع خصوصا ان نسبه كبيره يعانون منه وبعد ماشفت فيه تجمع للمصابين بفقر الدم

نبي بهالتجمع نساعد بعض ونتعاون على العلاج ونعرف الاكلات المفيده والاكلات غير المفيده واللي تسبب فقر الدم

انا قبل شهرين دريت انه فيني فقر الدم وانا من زمان وانا اعاني من نقص فيتامين دال يعني زاد الطين بله اصابتي بفقر الدم وصار الالم مضاعف مع ان وزني زايد عن المعدل الطبيعي ولاحظت ان اكلي كله مو مفيد وهو اللي مسبب هالامراض الشينه

بالنسبه لكم ابيكم تقولون لي عن جدولكم اليومي لتعويض فقر الدم من ناحيه الاكل والحبوب اللي تستخدمونها ونبدأ العلاج ويا بعض

أي استفسار انا حاضره لكم حبايبي :eh_s(7):

 

[ميمي بنت محمد]

انا ولله الحمد ماكنت اعاني من فقر الدم الا لما حملت

وصار دمي نسبته 10 وصرفت لي الدكتوره حبوب (فروز اف )

والحمد لله ناسبتني وقالت لي هي افضل حبوب لنقص الحديد لان فروز اف معه فوليك
اما فروز لحاله بس حديد
وقالت انها تسبب امساك فلازم اشرب معها عصير برتقال لانه يساعد على امتصاص الحديد للجسم
ولايسبب الامساك

وشي ثاني نبهتني عليه
انو لو اكل شي من الاجبان او حليب او لبن يعني اي شي فيه كالسيوم مااكل معه شي يفيدني للدم لان الجسم ماراح يستفيد من الحديد الكالسيوم يخرب عليه ههههههه

ونصحتني باكل الزبيب اليمني
يرفع الدم بسرعه

وبس

 

[غـيوم]

ميمي بنت محمد

ماتشوفين شر حبيبتي
وانا بعد تقول دكتورتي ان نوع فقر الدم مالي نقص بالحديد
سمعت عن الزبيب بس شكلي بجربه لان اللهم ياكافي فقر الدم وايد يتعب دوخه وعدم اتزان وشحوب بالويه
بالنسبه لحبوبي اسمها فيرومن اللي لونها احمر دايريه بس طعمها حيل حديد
وكانت معطتني حبوب حامض الفوليك معها اكلها مرتين بالاسبوع بس تقريبا 10 حبات وخلصت واحين صرت اكل الفيرومن بلحاله

مشكوره على مرورج

 

[وحيدة امى]

ماسويت تحليل احس بدوخه ووتعب دايم
ا​

 

[غـيوم]

وحيدة امي

مو زين جذي روحي سوي تحليل وطمنينا

ترى بدايته حسيت بدوخه ودايم ويهي شاحب

 

[وحيدة امى]

غيوم رحت الطبيب بس وقت العصر مالي خلق اسوي
تحليل عطوني ابر المقويه اللي لونها احمر
10 ابر يوم وترك بكملها وعقب بسوي تحليل
بس والله دايم احس بدوخه وتجيني رجفه

ماتشوفون شر كلكم الله يشافي كل مسلم​

 

[غـيوم]

حق شنو الابر على اي اساس واهم مايدرون شنو فيج

يمكن نقص فيتامين او فقر دم ويعظونج بدون مايدرون مو زين

بس سوي تحليل ولا تتهاونين بهالشي هذا لانه اذا تطور الله يكافينا الشر يصير مرض جايد

امين

الله يشفي الجميع

 

[انا هيفا انا]

انا فيني فقر دم بس مااعالج للاسف
بروح اسوي تحليل واشوف
وبحاول اهتم اكثر

 

[TWENTY CeNTURY]

انا نفسج نصحوني اكل جبدة الحمدلله على كل حال وفي حبوب حديد بالصيديليات زينة

 

[توته 17]

انا امي فيها فقر دم حاد حتى الضغط هبط عندها حاليا اصرفوا لها علاج و امبولات حديد اظن بس

الله يشفي امي و جميع المرضي



وشكرا

 

[رجفة وهم]

حياتي اشتري من العطار الزبيب الاسود واطحنيه واشربيه مع الحليب حليب مراعي او للسعودية

يمكن مايعجبك الطعم كولي كم حبة يعني حوالي خمس حبات من دون حليب براحتك

راح تتشافين باذن الله

 

[غـيوم]

مشكورين على ردودكم

وبالنسبه للزبيب حده زين ويمدحونه لفقر الدم

ياليت نسوي جدول منها نحسن اكلنا ومنها نتعالج منه هالمرض اللي يعيق حياتنا

وربي يشافي الجميع

 

[nour_f]

السلام عليكم

انا صراحه فيني فقر دم ( انيميا حاده ) و نسبه دمي كانت 4٪ وايد نازله و رحت اعالج بمستشفى الصباح و ترا كان عمري14 سنه كنت صغيره و كل هاذه بسبت الدوره الشهريه كانت تستمر عندي يادوب توقف يومين و ترد مره ثانيه

للحيني فيني فقر دم و احس الاعراض رجعتلي مره ثانيه

فاخذوا حبوب حديد و اكلوا خضروات و ابتعدي عن فاست فود و اكلي اكثر شي فلفل اخضر بارد و الي رفع نسبه دمي اهوه الدبس التمر وايد زين يرفع نسبه الدم بشي خيالي اهوه الي نجتني من المستشفى و تعبها

ربي يشافيكم و يشافي كل مريض يارب

 

[غـيوم]

نور

صج دبس التمر يرفع الدم

وكلامج كله صحيح

عسى ربي يشفيج ويشفي مرضى المسلمين