تجمع اللي يبون عيالهم ينامون نومه كامله بالليل

[GaLbI t7aWaL]

السلام عليكم بنات


كلنا نعاني من هالمشكله

آبي بنتي تنام نومه كامله

ماشاء الله رفيجتي بنتها عمرها 6 آشهر بس والله تنام 9 بالليل تقوم9الصبح

وبدون لا تسوي شي

آنا جربت السيريلاك مع الحليب صح انه يفيد بس يطول النومه لين الرضعه اليايه

ابيها تنام معاي وتقوم معاي !! كيفي !! صح ؟؟ هههههههههههه:eh_s(9):


تفاعلكم حبيبات قلبي

 

[GaLbI t7aWaL]

وللعلم بنتي عمرها سنه وشهرين

 

[%F&R%]

اكيد كلنا نبي عيالنا ينامون بس شلوووووون

 

[Lulu_Perla]

ياليت في طريقة عشان اخليها تعدل نومتها
بنتي بتكمل 6 اشهر و هي تنام 12 و عقب 3 او 4 ساعات تقوم للرضعه و ترجع تنام و هذي حالتي اقوم للدوام 6 راسي ثقيل و فيني النوم

 

[om 7amoodi]

حلم بعيد المنال :eh_s(11):

انا فقدت الامل واقتنعت انه ولدي حنه ماكو فايده لازم يسويلي اكشن بالليل

 

[سلاسل ذهبيه]

من عمر سنه يبدا الطفل يطول نومه بالليل واذا كان نايم وهو متعشي اكل يعني مو حليب ونايم متأخر يعني عالعشرونص 11ماراح يصحي الا عالفجر وتسويله رضعه ويرد ينام طبعا هذا اذا كان متعافي والجو حوله هدو اما اذا كان البيت ازعاج وناس صاحيه وليتات شابه وهو نايم مو شبعان اكيد نومه بيصير متقطع
والاطفال يختلفون مثل الكبار بعضهم نومه خفيف وبعضهم عادي

 

[نوسآ]

اذا لقيتي طريقة علميني 

 

[~*~الملكة~*~]

اااااه انا اعااااني ياليت في حل نسويه عشان ينامون ونام

 

[hooryah q8]

انا بنتي اسم الله عليها اتنام نومه كامله ولي الصبح عمرها سنه و نص
بس لما تبيييي اتنام اتعاااااند بالغصب اتنام

مشكلتي اول النومه

 

[c a t w o m a n]

من بؤك لباب السما


أنا شخصيا تعودت أقوم وأرد أنام أحيانا أواصل

عادي جدا الحياة سعيدة

 

[fofo90]

عالجرررح والله هالموضوع ويعطيج العااافية
انا ولدي عمره 3 اشهر اسما الله عليه نومته للحين متقطعه
يقوم تقريبا مرتين او ثلاث للرضعه وعادي تعودت اصلا احس صار روتيني
اقوم من عزز نومتي
بس تصدقوون اليوم بالذاات مااقام كلش يبي رضعه انا فزيت الفير مخترعه لان ماقعد
وعطيته حليب واهوا ناايم ورد كمل نومته انشاءالله يصير على طول جذي ..........

 

[طيبة83]

ينامون طول الليل طل

خاصه اللي يرضعون طبيعي

 

[ملوكـه]

انتووو من قلب تكلموون

توه ماكمل سنه وتبينه ينام نومه طويله !!!

اكيد يقوم يبي حليب ويرد يكمل نومته
يجوع الطفل حيل مو مثل الكبار
عشان جذي يسمونهم اطفال رضع
عيشتهم على الحليب بالفتره هذه

 

[beauty rose]

حمدلله انا عيالي 5 شهور و ينامون بالليل بس يقعدون وقت الرضعه و يردون ينامون ما شاء الله تبارك الرحمن
اول شي تسوينه انج تلهينهم بالنهار ما تخلينهم ينامون وايد يعني بس قيلولة صغيره
ثاني شغله لمة تبين تعودين الياهل ينام بالليل ابدي بوقت متأخر مثلا 3 اذا كان يسهر
اليوم اللي وراه حاولي تنومينه 2 و قعدي على هالطريقة اسبوع
بعدين تنومينه 1 و نفس الشي اسبوع
لييييما توصلين للوقت اللي يريحج
انا انوم عيالي 12 بالليل و مرات 1

بس لازم الياهل يستعسر مرات عليج اييله يوم ما يقدر ينام او فيه نشاط زايد
شي طبيعي
و الله يعيننا هههههه