تجمع اللي يراجعون برويال حياة

[♠اوتار♠]

السلام شلونكم فديتكم موضوعي واضح تجمع اللي يراجعون عند الفريق البلجيكي عند دكتور ديفروي وقولو لنا تجاربكم عنه وشلون اسعارهم انا حاطه عنده موعد وموعدي اليوم بس للحين مادخلت عنده شدعوه ساعتين قاعده انطر الدكتور واي طول طبعن اقولكم شصار معاي اول ماوصلت خذتني حق غرفه قاست وزني وطولي وبعدين دخلتنا بغرفه انا وزوجي وقامت تسأل شنو حالاتنا وبعدين اسئلت عن الام الدوره عندي خفيف ولا قويه واي عمر بلغت فيه وطبعن احنا قلنالها كل شي عننا وبس واللحين قاعد انطر الدكتور طبعن اللي سئلتنا بغرفه عشان يكون كل شي واضح عند الدكتور واهيا المترجمه اللي تدخل معانا

 

[♠اوتار♠]

وبس ادخل عنده راح اقولكم شصار ادعولي بنات اني احمل وافتك من اللم الدوره وتعبها ويطيب ظهري لانه دايم يعورني

 

[عسل حدي]

ناطرينج حبوبه وموفقه

 

[حوااااء]

الله يفرج علييييج يااارب ويرزقج من أوسع أبوابه

 

[♠اوتار♠]

بنات دخلت عند الدكتور طبعن بنات قبل هالمره انا كان فيني ورم على المبيض اسمه درمويد وسويت عمليتي بالعرف استئصلو مبيض وضل مبيض بنات تدرون شنو الصدمه لما سوالي سونار والثاني بعد طلع عليه كيس حجمه ٤ كبير شوي وخايفه بس طمني وقالي لاتخافين ياكيس دم او ماي وراح اطلعه من غير عمليه ومنضار مافهمت قصده بنات مبين عليه ماشاء الله شاطر تخيلو رحت حق دكاتره شكثر حشاكم حمير اشتكي من جمبي والدوره تذبحني بطني ولا عرفو شي واهوا ماشاء الله شاف الكيس الحمدالله عشان ادارك هالمبيض اللي باقيلي المهم انصحكم فيه وقالي مالازم نطول انتي عندج مبيض واحد ومافي وكت لازم نسويلج انابيب ماينفع غير الانابيب وقال بس تجي دوره تجين نشوف الكيس واذا ماراح نشفطه مافهمت قصده وبس طبعن دفعت دخلتي انا وزوجي وسونار بس ٢٤دينار بس فعلا الطب عندهم متطور ماشاء الله يارب اللهيشفيني ويشفي جميع المرضى واي استفسار انا حاظر وكل مراجعه بحطلكم شسويت وجم كلف احبكم الله يرزكم ويرزقني الذريه اللي تفرح قلبنا وعيونا

 

[♠اوتار♠]

طبعن انا قاعد اتكلم عن الدكتور البلجيكي اللي برويال حياة اهوا اللي قالي جذي اللحين بنام تعبانه اشوي واكلمكم لابعد لو اسولف لكم شنو قاللو اللي قبل هالدكتور تنصدمون دكاترة العرف وشلته وغيره من مستشفيات بس اقعد اكمل لكم فديتكم احبكم تكفون ادعولي لاتخلوني

 

[حوااااء]

الله يرزقج يا أوتار ويفرح قلبك في القريب العاجل

 

[عسل حدي]

شكليبعد رمضان وبعد سفرتي بروحله وبكمل مشواري وياه ويارب يارب ربي يرزقني

 

[مناوووي]

الله يرزقج


ويرزق كل من يتمني

 

[♠اوتار♠]

اي روحوله ترا هذا نفسه الدكتور اللي بلجيكا كان يدزون يروحون له من الكويت علاج بالخارج اللحين خلاص مافي علاج بالخارج ياابوه هني وقعو معاه عقد وصار بمستشفى رويال حياة

 

[ووطن النهار]

الله يرزقج يااارب

 

[ضحكتي ماركة ]

الله يشافيج ويرزقنا الحمال

 

[ياااااارب]

السلام عليكم اختي برويال اسم الدكتور البلجيكي هيومن فاطمي وحفصه والله يشفيني يارب

 

[ياااااارب]

ويشفيج يارب

 

[عسل حدي]

مبارك عليكم الشهر بنات

 

[♠اوتار♠]

علينا وعليج

 

[عسل حدي]

انا عقب رمضان وسفرتي راح اروحله ومفكره بالحقن المجهري او الانابيب ابي توائم يارب لاني اخاف اكبر وماحمل

 

[♠اوتار♠]

يارب يرزقج ياكريم ويرزقنا جميع ان شاء الله تحملين بتوم سليمين يارب الله يححق ماتتمنين

 

[عسل حدي]

اب اب اب

 

[♠اوتار♠]

بنات سمعت عن ناهد منو وصج زين