تجمع المسافرات الى لندن شهر 7 وشهر 8 ؟

[mr000]

بس قولي حق التكسي كوفنت غاردن موبعيده ويروحون لها بالأندرقراوند بس آنا رحت بتكسي! أمبيه خلاص روحي نامي سهرتج سوووري

 

[النظره الخجولة]

صبااااحكم ورد صبايا كيفكم

الحلووووووين الي بلندن تعرفون متى تخلص تنزيلات هارودز ابي خبر اكييد بليز

 

[zoba]

واااااي متى اسافر متى
شوقتوووووني
بيي اليوم قبل باجر
بس شلون صار الجو الحين؟

 

[mr000]

تنزيلات هارودز تخلص 19/7

 

[MissChoco]

هلووو انا يديده ويااكم ,,


لانه كنا برووح لبنان وكنسلنا وبسرعه حجزلنا حق لندن

 

[MissChoco]

بنات اذا بحج من النت قوليلي مواقع مضمونه

 

[mr000]

في موقع ثقه للحجزwww.booking.com آنا عادة أحجز من السفريات بس أعرف ناس دايما يحجزون منه

 

[q8tia27]

صراحه الي تحب الجناط والعطور خل اتروح السلفريدجز ترا طريقتهم احسن من هارودز كل يومين الجناط تنزل موديلات جديده خاصه قوتشي هناك تهبل ولايطوفكم نازله وحده بالكولكشن الجديد لونها ميتاليك ازرق عجيبه ووحده رماديه هم موديل جديد بس مو تخلصونهم علينا وبليز شوفولي جم سعر الزرقه لان مو نازل الا موديل واحد ولون واحد حسب السايت مالهم والمكياج صراحه هناك شي عجيب عندكم بنفيت عنده سوالف وايربان ديكاي وانجلوت وماك وبلاوي ولاتقولون موجودين بالكويت ترا اشيائهم غير شوي الكويت دايما اقل واكو ماركات رخيصه بس تشوق تلقونها بصيدليه سوبر درق

 

[mr000]

أي صاجه أختي كويتيه سيلفريدجز عجيب وماركة بينيفيت أكو منها في فافافوم مو كلشي يايبين آنا أخذت من سيلفريدج كريم أساس من بينيفت لما سألت عنه هني بقيت لون ثاني طلع ماعندهم منه حتى الشدو مال الحواجب ماشريته هناك وتحسفت ولما بقيته من فافافوم طلعتلي لون فاتح ماعندها غيره بلندن كان عندهم 3 ألوان! بعد في محل مكياج في برايتون أسمه (فيرجن) شريت منه قلم كحل عجيب عجيب غامج وناعم لما تستخدمينه بس ماأدري أذا أكو من هالمحل بلندن ياريت الخوات اللي هناك يقولون لي علشان بوصي أحد من أهلي اللي بيروحون اييبونلي منه! والله حتى أدويتهم زينه فيه دوا للحراره حق اليهال على شكل أكياس مثل أكياس الكتشب وايد زين جربته حق عيالي عند بووتس بس موموجود بالكويت!

 

[MissChoco]

مشكوورين

 

[mr000]

البنات اللي بلندن ألحين ترى بسيلفريدجز اليوم الساعه 1 الظهر فيه عرض مكياج من ديور وخبير مكياج من ماركة ديور راح يعرض مكياج ويعطي نصايح! هذا حسب السايت مالهم!

 

[mr000]

بنات اللي بلندن توه وصلني أيميل من سيلفريدجز أنه نزل عندهم عطر يديد من برادا أسمه فيوجن دي فلور قرشته مستطيله والغطا لونه برتقالي والعلبه الكرتون لونها أخضر مثل أوراق شجر وبرتقالي! شوفوه وقولولنا أشرايكم أذا يسوى نوصي أهلنا اللي رايحين أييبونه

 

[معلمة روضه]

هلا مروه


هلا والله

اي اعرفه توم فورد مادري ليش ما يعجبني ههههه احسه قوي

انا احب العطور المميزززززززه الي تكون مثل بودره او ناعمه وبنفس الوقت ثاابته يعني من أمر عند احد احب يميزني من ريحتي <<شدعوه عليييج :dddds:

بس صج ودي عطر يميزني

وبعدين بالنسبه حق عطر ترش سألتهم عنه قالولي مانبيعه بهارودز فيه محل بره دلوني اياه
قالو برا هارودز فيه محلات ومن ضمنهم محل يبيع عطر ترش,,

المشكله كلللللللله عطوراااااااااااات وخصومااااااااااات امبي صج تدودهت :0bee2e8d89:

ماشريت ولا شي

بس شكلي بشتري عطر ليمتد ايديشن ماركه بروكوا مادريي شنو نسيته جربته علي بس ريحته ثابته

يمكن امر عليهم يوم ثاني انشالله

مشكوره ياقلبي :klhfl:

اييييييييييي نفسي بالضبط ما حبيت توم فورد

بس تريش حلوووو
trish

موجود بسلفريدجز فديت روحي
وترى العطورات الحصريه مكتوب بلافته عالطاوله انه حصري

يعني بس بسيلفريجدز

بس تريش في منه ارقام من 1 الي 10
احلى شي رقم 9 و رقم 9 سكسي شي خيااال

وهالعطور رجالي ونسائي
بس حلوه صراحه
انا خذيت رقم 9 وشكلي باخذ 9 سكسي

 

[فديت_روحي]

يعني مكياج السيلفرجز احسن من هارودز؟

لان هاردز يدووده الواحد لووووووووويه وكل طاوله عليها مليون وعطر
وانا مابي اخذ الي عندنا بالكويت

وادري شفت الطاوله مكتوب عليها exclusively

بس مادري هم ماعرفت
وااااااايد عطور ضعت امبي


والمكياج موعارفه الماركه الزينه,,

بس شكلي بروح ويستفيلد اليوم انشالله وبشوف اتمشى ماني مستعيله

وبشوف كولكشن ماك اليديد
من حمر وجذي

وبشوف ترش 9 الي تقولين عنها


كويتيه27 بشوف الجنطه وبرد لج خبر

ومروه,,
بشوف اذا فيرجن موجود ولا واقولكم

بس المشكله من ماركه بنفت مثلا مادري شنو الي موجود عندنا وشنو لا ,موحافظه كل اغراض محل الكويت عشان اقارن
:\

لان اغراضهم اغلى من الكويت ما ابي اخذ من اهني واتحسف

قولولي شنو ماركات المكياج الي اركز عليها اهني
ماك وانجلوت وغيرهم؟

واذا تعرفون كولشكنات او اضاءات او شدوهات قلوسات ثابته
اي معلومات عن الميك اب لاتبخلون عليييييييييييييي

 

[ليان الكويت]

بنات شفتو الجو اليوم عجيب البردي والمطر اذبحونا

 

[MissChoco]

صج بنات عندكم بردي ومطر؟؟؟ زيييييين والله
انا قالولي عندكم موجة حر :\\\
انا بييكم 20-7 ان شاء الله




وبنات اشلون عالسفاره يعني انروح اهناك بس نبصم؟؟؟

 

[فديت_روحي]

امي وخدامتا مرضو فيهم حراااااره واجسامهم تعورهم وبلاعيمهم

وولد خالتي بعد مرض وكلنا بشقه وحده :\

الله يستر
الحين بنشوف نروح الطبيب
بس ولد خالتي مع ربعه بعد مرضى فيهم انفلونزا كلهم و راح عيادة الكليه الي يدرس فيها لانه يدرس بلندن وعالجوه خلوه بغرفه بروحه وكل شوي يعطونه دوا واهوا وربعه ال بالكليه مرضو
وقالو حق الطلبه الكويتيين الي فيهم مرض يا اما نوديكم لندن نعالجكم (لان كليته بره لندن)
أو
نرجعكم الكويت يعالجونكم !!
امبي صج قالو وباء
بس له علاج انشالله

والله كريم ادعولنا انا حدي خايفه :\ اليوم ماطلعت مكان خايفه حدي

 

[ام فويزان]

قوه بنات انه سفرتي السبت انشالله عفيه فيدوني شنو اخذ لبس اقولون وايد حر صج يعني شاخذ حقي و حق ولدي

 

[فديت_روحي]

كان حر خلال الاسبوع الي طاف
بس من امس صار برررررررررررررد موت امس واليوم


وبيستمر البرد على طول بس كانت موجه حر بالاسبوع الي طاف

بس بررررررررررررد اخذو جاكيتات

 

[نونيا]

ويي خرعتينا احنا سفرتنا الجمعه امبيييه شالدبره