تجمع المسافرات الى لندن شهر 7 وشهر 8 ؟

[mr000]

أختي أم سعود آنا من رايي أنج تاخذين لهم جاكيت بس حق أول ماتطلعون من المطار وحق أول يوم وبلوزتين كم طويل تالي السوق جدامج متروس ماشاءالله من ثاني يوم دشي أي محل واشتريلهم شتوي لبسيهم وتالي خشيه حق الشتا شوفي آنا أقولج لج جذي لأني مريت بتجارب من سفراتي كنت أضطر أقط الملابس اللي يايبتهم معاى من الكويت لأنه كل مارحت منطقه وشفت سوق أرد أشتري لما تيمع عندي وزن وايد!شوفي آنا بسفرتي الأخيره هالسنه حتى الملابس الداخليه ماشريت من الكويت ولاأخذت معاي وايد بس 3أطقم حق أول يومين تالي عندج بريمارك متروس آنا شريت حق ولدي اشكثر لبس منهم هناك وخشيتهم حق الكويت وحقنا تلاقين في لاسنزا وbhsوh@m! وحتى الدلاقات الله يسلم بريمارك كل 5 مع بعض ب2أو 3 باوند والله اشزينهم أخذي حق عيالج يلبسونهم هناك وحق المدارس ينفعونهم!

 

[Um Saud]

مشكوره mr000
شكلي باخذ بكلامج ومشكوره مره ثانيه
المشكله اني السنه الي فاتت توهقت بالملابس الوصخه واضطريبت اشتري ملابس جديده لان الجو بارد ماتنشف الملابس اذا غسلتهم

 

[روابي الحب]

هلا ام بدره اول شي المره مو بودر لا المره اصلا يابسه اتنقعينها بماي صحه واذا تبين اسرع خل يكون الماي مفيوح عشان بسرعه تنقع وبالنسبه حق بيكربونات الصودا اهي تلقينها مع اغراض الكيك مع الطحين والبيكن باودر احنا نستخدمها عشان يتفخ الكيك

 

[انا ودنيتي]

مارديتوا علي, شدعوه

هلا خيتو انتى سالتي عن شنط لويس فويتون
انا تو شريت شنطه 755 باوند وقالي صاحب المحل حنا ما نسوي تخفيضات وذا سمعتى ترى هو تقليد

 

[mr000]

أختي أم سعود أذا بقيتي مكان فيه غسالات ونشافات حق الملابس أكو مكان قريب من ستاربكس اللي بأجور رود يعني باللفه اللي قبل ستاربكس صاحبه عراقي وكله اللي يودون له خليجيين وعرب تحطين الملابس وتروحين تتمشين وترجعين لهم بعد ساعه! وشوفي حق اليهال أخذي كله بنطلونات جينز لأنه الجينز ماتحتاجين تغسلينه بعد كل لبسه و أذا ماتبين تغسلين وايدأخذي لهم بلوزات ماتبينها يعني يلبسونها بالسفر ولي توصخوا هديهم لاتغسلينهم لأنه أنتي أول وتالي بتشترين يدد حق الكويت حتى الملابس الداخليه سوي نفس الشي أخذي الملبوسين من هني وقطيهم تالي واشتري غيرهم يدد حق الكويت لأنه كلامج صح آنا لما شريت حق ولدي كله ملابس يديده من هناك اضطريت أغسل أو أييبهم وصخين وطلع علي وزن وايد!

 

[الدلال]

هلا خيتو انتى سالتي عن شنط لويس فويتون
انا تو شريت شنطه 755 باوند وقالي صاحب المحل حنا ما نسوي تخفيضات وذا سمعتى ترى هو تقليد

اهاااا

دام السعر واحد عيل بروح اشتري لي الجنطه اللي ابيهااا قبل لا اسافر

ومشكووره يالغاليه وماقصرتي

 

[MissChoco]

ديما صح تلقين جوسي كوتور بالسلفردجز

مس شوكو صراحه شانيل هناك حدها واو تعاملهم راقي وكافي علبهم اتحسفين اتقطينهم انا استفدت من الشرايط مالت التغليف ربطت فيهم كل جناطنا صار شكلهم مميز لما طلعوا من الطيار ههههه ماكو شغل
بس ماتحسفين اتحسين انها مميزه الشانيل وترا تبين الاصليه من التقليد لات تدرين الكويت هابين بالشانيل عبالي بطيح بجبدي مالتي اشوا ان تبين اصليه اخذتها ب 760 بس جديده وبالكويت القديمه والصغيره ب 700 ليش اشدعوا

هلا حياتي ,, اي انا من زمان بخاطري بشانيل وقلت باخذها حق تجهيزي احسن وفي موديلات مو يايه الكويت
وانا كان بخاطري الكلاسيك العوده, بس الحين نازله وحده الي اتكون بالسلسله مثل يلده حيل عجيبه
وعليج بالعافيه حبيبتي,, بس انتي شريتيها 700 دينار ولا باوند؟

 

[MissChoco]

كويتيه قصدج عن اي جنطه شانيل؟؟

انا ودي بجنطه شانيل بس ماني عارفه اي شكل اخذ؟

:\

ابي جنطه ماركه حلوه.. رحت قوتشي موو وايد حبتهم مافيهم نعومه وايد غالين وجنهم تقليد,

وبس عاجبتني جنطة ميو ميو لونها وردي فاتح تينن فيه منها الوان ب 350 دينار تعتبر,

شرايكم؟؟

ابي شنو الموضه بنااات؟؟بكشخ بالجامعه بستايل يديد

شراايكم؟؟؟؟

انا ماشفت بربري ولا فرساتشي لان موموجودين بسلفرجز؟

ووين الماركات غير سلفرجز؟؟


بنات بكستر فيليج متى اطلع لها ؟ ومتى يسكرون المحلات فيها بالويك اند؟؟؟؟؟؟؟؟؟

ردو علي بسرعه لان يمكن باجر اروح لها..

وشلون اروح لها من سلفرجز من الساعه جم؟؟؟

هلا حياتي ,, شوفي انا اول شي كنت ابي شانيل المضربه بمخمل جنه لون الجنطه اسود والتضرب وردي على اوف وايت اينن حده بس قلت حرام جنها شتويه وموديلها يروح
فقلت ابي الكلاسيك العوده وايد رزه وذربه,, بس الحين شفت الكولكشن اليديد في وحده يدتها سلسله واتكون فيها باليده يلده حيل ذربه وكبيره عرفتي
فبعرف بجم لانه باخذ وياي من الكويت ومراح اخذ بطاقتي الي فيها فلوسي بخليها بالكويت, لانه اعرف نفسي مينووووووووونة سوق عادي اخلص 2000 دينار بيومين :\\


واذا عالجنط, شوفي فرساتجي انا عاجبتني وحده اتينن حيل لونها ذهبي ومانزلة بالكويت ومن زمان نازله بكولكشن فرساتجي بس ماوصلتلنا ولا يابوها :\

وعندج بربريز صايره مديل ورووعه انا احبها,, في وحده لونها عنابي مافيها ضرب, وياها صندل كاروهات الخطوط العريضه لون عنابي وكحلي واوف وايت حده يشوق
وهالصندل شفته بالكويت بس استغليته على 179 على قولة امي حرام ادوسين شي ابـ179 لووووول وبامريكا يبيعونه ارخص بوايد بنت خالتي اتقول اذا الشي بالكويت ابـ300 اهناك على 100
وقلت دام خالتي بتروح امريكا خنوصيها عالصندل بس نسيت :\\\

 

[MissChoco]

حبيبتي مس جوكو انا انشالله السبت رايحه

تروحين وتردين بالسلامه حبيبتي ,,

عاد قوليلنا عن الاخبااار _03ba:

 

[MissChoco]

بنات انا كنت ميته على هذي من شانيل بس قلت حرام شكلها شتويه وبس البسها يعني بالشتا!!!

http://www.chanel.com/fashion/7-bag...-with-silicone-bands-painted-by-hand-1,1,7,17



وهذي اتينن حدهاا بس صراحه اذا غاليه حرام اخذها خخخ

http://www.chanel.com/fashion/7-bag...ith-original-shaded-****lized-effect-1,1,7,18

 

[قهوووه]

اللى فهمته من كلامكم انه برد ماينفع نص جم لليهااااال؟؟ لانى ماخذه لهم كله نص جم شرااايكم بنات ؟؟

 

[فديت_روحي]

هلا كويتيه27

شلونج؟

اي رحت اليوم بكستر فيليج بالعكس فيه شغلات حصلتها منه وشريت منه جم شغله ماتبين قديمه
مثل حزام دي اند جي بنص السعر
ونفنوف كارين ملين وساعه فولي فولي الكولكشن الاخير تصدقون منززلينه بالاوت لت !! بس مو معروض على الفترينه حاطينه بالدرج باليراره!!

انا كنت شاريه ساعتهم البيضه مربعه سيررها جلد ومينتها مربعه قبل شهرين بالضبط كانت اخر كوليكشن شريتها من الامارات ,والحين شرين منهم الثانيه لونها عنابي موديل ثاني تخيلو ب 40 دينار,, يابلاش ,,

وشريت منهم مكياااااج ماااك كله بنص السعر تخيلو,,

امبي لايطفوفكم محل المكياج والعطور الي بكستر فيليج صج انه شغلات شويه بس تلقطين,

الفرش بكل انواعهم نص السعر ,وافضل الفرش,

وتوني قبل شهر شاريه شدوااات مااك والحين نص السعر ,شريت منهم بس شوي مو وايد لان ما ابي اخلص فلوسي على مكياج كفايه صرفت تقريبا 150 ,,خلاص وقفت مشتروات مكياج الحين ,بقالي عطور بشتري عطر مميز واحد ,

حلو عطر البرادا ترا عجبني شوي ,,
وترى اكسكلوسيف حق سيلفرجز,,

بس ليلحين ابي عطر زين واحد مميز ,

وابي جنطه ماركه حلوه مثل ميو ميو ,جنها داشه خاطري

المشكله لابتوبي غثيث مايدخل مواقع يعلق دش فيه فايروس ,ما اقدر ادش الموقع وانزل لكم الصوره

واهي الجنطه نفس الموديل بس فيه منها الوان ,فيه عنابي وبيبي بينك ,وازرق جنه ,وماركزت عدل اهي وسط مو كبيره وايد ولا صغيره وايد

عرضها شبرين تتعلق على الجتف طويله ,واقدر اشيلها بالايد ,,

ورفيجتي تقولي جناط شانيل مالوت عيايز مو حق عمري ,شرايكم؟؟
والشغلات الفاقعه شريت اكسسوارات فاقعه بس هدوم شريت نفنوف واحد اصفر عاد مومتعوده البس هالالوان ومتردده فيه

وانشالله بشوف باجر هارودز وهارفي نيكولاس وسلون ستريت ,


تصدقون جواتي الفسفوريه عند بريمارك كل الالوان اصفر ووردي وازرق فاقع وطق مطاقق عليهم يهبلون ,


وين موجودين جواتي الفاقعه.
بسيلفرجز مالقيت هالالوان ,كله سيل

يوم ييت ابي مقاسي ماكوووووو عاد يهبلون ,وقلت حتى لو مو مريح احط فيه ارضيه طبيه محد بيدري عني ههههههه


ومروه

بعد قلبي انشالله باجر بروح هارودز اشوف التنزيلات الي تقولين عنها وبمر اذا مداني وهارفي نيكولاس بشوف شنو عندهم

يسلموووووو

 

[..ليالي..]

بنات الله يعافيكم

مارديتوا علي

بالنسبه للنت بلندن
لان انا بسكن بالكمبرلاند

شلون تعرفون شنو طريقتهم بالنت

 

[q8tia27]

هلا فديت روحي
حمدالله عالسلامه ها استانستي ابيستر فيلج جنج شريتي جم شغله زين
توني ادري ان فولي فولي بالقريه ماشفتها اتصدقين اي صوب اتصير؟
ماشفتي بربري وديور بواكه وجناط كلاسيك
انا صراحه شانيل اشوف انج صغيره عليها انا اكبر منج شوي اخذيلج شي ماركه ويصلح حق جنزات ينفعج شوفي كوتش وفندي ينزلون سوالف بناتيه حق جامعه دوري دكني بعد وهارفي نيكلولاس لاتفرينه بسرعه شوي شوي تلقطين منه غالبا اتشوفين ان بضايعهم تختلف وكل واحد يخشله جم موديل غير عن الثاني ماشفتي فيرلا مو منزل اشيا حلوه ابيستر فيلج؟
شلون الوالده صارت احسن الحين؟

 

[q8tia27]

ليالي سوري ماعرف حق كمبرلاند بس اتوقع فيه لازم الفندق بس مادري فري والا فلوس

 

[MissChoco]

اللى فهمته من كلامكم انه برد ماينفع نص جم لليهااااال؟؟ لانى ماخذه لهم كله نص جم شرااايكم بنات ؟؟

حياتي نصيحه اوروبا كلها لا تاخذين نص جم ,, انا رحت كذا دوله باوروبا بااارده ومايبيلها نص جم
عالاقل جم طويل ربيعيه يعني مو شتويه اتكون خفيفه بس جم طويل ,, ويبي من الكويت فنيلتين نص جم يلبسونهم على جاكيت واذا العبو مثلا واحترو ولا الجو اذا صار شمس ومو بارد يقطون الجاكيت

 

[pink Flamingo]

وشريت منهم مكياااااج ماااك كله بنص السعر تخيلو,,

امبي لايطفوفكم محل المكياج والعطور الي بكستر فيليج صج انه شغلات شويه بس تلقطين,

الفرش بكل انواعهم نص السعر ,وافضل الفرش,

وتوني قبل شهر شاريه شدوااات مااك والحين نص السعر


اختي حبيت اسال ماك الي شريتي من بالوت لت اصلي ؟؟
وهل يستاهل الواحد يروحله
في شيلات ديور و بربري و غيرها من ماركات

 

[MissChoco]

السلام عليكم
اشلونكم بنات



انا ماحب لندن شهر 7 والسبه التنزيلات بسرعه يخلصون الهدوم السنعه والمقاسات اطيير وكله بديات وهسالوالف

 

[MissChoco]

ومتى تخلص التنزيلات ماتدرووون؟

 

[أم ضارى]

ياحلو سوالفكم كان ودى انضملكم بس للاسف طارت سفرة هالسنه عندى ظروف

ان شاء الله اذا الله اراد السنه اليايه