تجمع المسافرات الى لندن شهر 7 وشهر 8 ؟

[ليان الكويت]

بنات انا اللحين بلندن الجو حلو بالليل بس حر الصبح والله اليوم تعبنا من الحر بس مو نفس حر الكويت وانا بعطيكم رقم واحد اسمه يوسف قولوله من طرف ام خليفه ياخذكم من المطار ويدبر لكم شقه بالمكان اللي تبينه واي سوق يوديكم ووايد طيب ورقمه 07916159655وترى لندن اللحين كلها خصومات والله اجور رود جنج بالكويت تمشين وتسلمين وعاشت الكويت

 

[فديت_روحي]

النظره الخجوله

هلا حبيبتي انا بعطيج رقم المره اللبنانيه الي اجرنا من شققها شققها تهبل نظيفه ومنطقه كلها حركه حلوه وايد وآمااااان وايد

اسمها غاده انا بدزلج رقمها على الخاص اخاف مايصير احط ارقام هني!!


كويتيه 27

هلااا والله احنا تمام الحمدلله وناااااسه حده

اليوم الظهر وقت الشمس كان حر بس عقب ما اااغابت الشمس صار براد

وبليل صار برد هوا بارد يهبل الجو فظييييييييع

والله زحممممممه وايد نااااس
وااااااايد كويتيييييييييييين شكل مو طبيعي

وسالفه الانفلونزاااا جذابييييييييين ماكو انفلونزا ولا شي

حتى بالمطااار ماسوولنا شي!!

انا توقعت بيفحصون حرارتنا ! ترى صج بس شوشره اعلاميه وبسسس

لاتخافوووووون ووناااااااااااااسه ,,



وبالنسبه للجو اليوم طلعنا من الساعه 9 عندهم

 

[كلي ملح]

بسألكم كونزوي هذا بالبيكدلي واهو الي فيه سكيتنق انا سمعت بعد في عروض سينما بالبكديلي حق اليهال

لا حبيبتي كونز وي غير عن بيكادلي تكون ورا هايد بارك و السينما موجوده في البكادلي في ليستر سكوير اكثر من 3 سينمات اهناك و اتمنى لج رحله سعيده

 

[كلي ملح]

واااااااااااااااااااااااااااااااااااااااااااااااااااااااي عليكم بالف عافيه حدكم شوقتوني انا انشالله 15-7 يايتلكم

 

[كلي ملح]

بنااااات لا يطوفكم ايس كريم راندفو في ليستر سكوير البكاديلي

هذا ايس كريم مالهم

 

[دهن العود]

هاااااااااااا بنات

انا امس وصلت لندن بالسلامه الحمدلله

سكنا امس بفندق على شارع اوكسفورد اسمه thisle حلو بس احنا وايد عددنا 7 مارتحنا وبنطول نقعد شهر

عاد رحنا مكاتب اجانب حق تأجير الشقق ,ولقينا شقه تهبببببببببل ونظيييييييفه يديده وسكنا فيها 3 غرف و3 حمامات وصاله ومطبخ ,الشهر 1800 جنيه

اهي بين اجور رود وبين اوكسفورد يعني مشي نروح حق الشارعين

مثل ماقلتلكم لاتروحون مكاتب عرب لان العرب جذابين يزيدون الاسعار ويجذبون عليكم ,,احنا رحنا مكتب اجانب,

وبعدين تختارون شقه من مكاتب لندن مثل ما سوينا احنا احسن من انكم تأجرون الشقه من الكويت,

لعدة اسبباب
اولا/ الكويت مكاتبهم يمكن يزيدون السعر لان بياخذون عموله وشغلات جذي
ثانيا/ انتو ماتكونون شايفين الشقه وماتدرون شلون صايره نظيفه ولا وصخه ,فيه شقق رحنا لها قبل حلوه بالصور بس يوم شفناها ولا كله فيران ووصخه ومو عاجبتنا, توهقنا فيها لان دافعين ,,

احسن شي تسوون مثلنا تحجزون أي فندق ليله من الكويت ,,وباجر تدورون على شقه في لندن راح يطلع ارخص وايد واحسن المكان الي تبونه وكل شي تشوفونه بعينكم


*بالنسبه للجو :

بصراحه امس كان حر اول ماوصلنا الظهر عندهم الساعه 3 العصر

بس بليل شو صار براد بس مووايد

يعني هدو صيفيه وايد عليها

بس صج انا يايبه جاكيت توقعت برد بس ماشفت برد

الجو عادي بس ابرك من جو الكويت مليون مره

جنه ربيع عندنا


وفيه محل اسمه premrk بشارع اوكسفوووود عجيييييييييييييييييب يهبل

رخيييييييص وبنفس الوقت هدومه كلها ستااااايل وتشووووووووق

اهوا كبير طابقين وكله زحمه ,,طاااااابوور شطوله حق القياس بس وطابو شطوله حق المحاسب هههههههه

كنت ماخذه اغراض بقيسهم جان اهون واقطهم قلت بروحله باجر الصبح مبجر ,


*وبالنسبه للنت :

احنا لما سكنا بالفندق كان فيه انترنت بس تدفعين لها الساعه ب 7 ونص باوند

والحين احنا بشقه ,,
قالو لنا مافيها نت بس انا سويت سيرج search على الوايرليس وشبكت باشتراك وايرليس مال ناس مادري منو مافيه باسوورد خخخخخخخ

عادي الكل عنده اشتراكات وايرليس تقدرين تسبكن بأي واحد فيهم ,,

انا واهلي الحين شابكين كل واحد بلابتوبه ههه

عزيزتي عليكم بالعافيه ... انا مسافرة انشاالله 16/7 وابي شقة بالمواصفات هذي لأن ماشالله احنا جماعه

مكن اسم المكتب ورقم تلفونه

تحياتي

 

[كلي ملح]

هذا خوش موقع في معلومات وايد عن لندن و عن الاماكن السياحه مثل الاسواق و المطاعم
www.visitlondon.com

 

[ريماا]

خبيرات لندن صج ماااقصرتو كفيتو ووفيتو عساكم عالقوة
بسألكم اذا بسافر مع عيالى .الدنيا امان هنااك ؟ماادرى فى وحدة خوفتنى تقول اذا بتسافرين مع عيالج ديرى بالج عليهم هناك خطف
صج اخترعت..
واذا بلبس عباية يعنى عادى عندهم مايخزنون او تنصحونى البس عباية ملونة؟
كنت مفكرة البس جينز وسيع وبلايز طويلة بس قلبى مو مطاوعنى افصخ عباتى
واى فندق تنصحونى اسكنة يكون قريب من كل اماكن الشوبنق بس لاااااازم يكون فايف ستار
وتسلموووون حباايبى

 

[شاليمار]

البنات اللى بلندن الحين اقوووولكم
ما قصرتوااا
وسؤاال اكووا تخفيضات سنعه والا لااا ؟؟
وشنو اييب لعيالى هدووم انا طلعت الشتوى ارده؟؟؟
واكووا مطررر؟؟ علشان اعمل حسابى بالكوتااات


وموفقيين

 

[شاليمار]

اى ونسيت سؤاااال مهم

الساعة جم يصكر السوق ووين تروحون ؟؟ بعد ما يصكر
عاادى تمشى بعد السعه 9 مساءا والا يخوف المكان

 

[كلي ملح]

اى ونسيت سؤاااال مهم

الساعة جم يصكر السوق ووين تروحون ؟؟ بعد ما يصكر
عاادى تمشى بعد السعه 9 مساءا والا يخوف المكان

حبيبتي السوق يصكر 7 او 8 في oxford street و عادي تتمشين لي 3 الفير بعد ماكو خوووف كل العوايل تسهر في البيكادلي و وايد في اماكن حلوع اهناك :ggdw:

 

[شاليمار]

مشكوره اختى (كلى ملح ) على سرعة الرد

واقدر احصل فئات يديده من البلاك بيرى وكفراته وسوالفه مو موجوده بالكويت
يننى ولدى شسوى:dddds:

 

[صمت ودموع]

بنات الله يعافيكم ممكن تكتبون اسامي الاماكن الحلوه اللي رحتو لها بالانجليزي ما عليكم امر

 

[النظره الخجولة]

النظره الخجوله

هلا حبيبتي انا بعطيج رقم المره اللبنانيه الي اجرنا من شققها شققها تهبل نظيفه ومنطقه كلها حركه حلوه وايد وآمااااان وايد

اسمها غاده انا بدزلج رقمها على الخاص اخاف مايصير احط ارقام هني!!


كويتيه 27

هلااا والله احنا تمام الحمدلله وناااااسه حده

اليوم الظهر وقت الشمس كان حر بس عقب ما اااغابت الشمس صار براد

وبليل صار برد هوا بارد يهبل الجو فظييييييييع

والله زحممممممه وايد نااااس
وااااااايد كويتيييييييييييين شكل مو طبيعي

وسالفه الانفلونزاااا جذابييييييييين ماكو انفلونزا ولا شي

حتى بالمطااار ماسوولنا شي!!

انا توقعت بيفحصون حرارتنا ! ترى صج بس شوشره اعلاميه وبسسس

لاتخافوووووون ووناااااااااااااسه ,,



وبالنسبه للجو اليوم طلعنا من الساعه 9 عندهم

تسلمين لي ياقلبي على الرد خلاص طرشيلي الرقم على الخاص ضروري يالغلا
وسوووري تعبتج معاااااااي
سنعينا بالمطاعم العربيه الحلوه هههههههههه همي بطني

 

[Um Saud]

حسافه تقولون الجو حار............... السنه الي فاتت رحنا ببشهر 8 كان بررررررد يعني الصبح ولا ليل كله جاكيتات
وبليل كان برد نفس الشتاء عندنا
يالله ان شاءالله على مانوصل لندن بالسلامه يكون خف الحر

 

[mr000]

أختي ريما أذا تبين فندق بوسط السوق خمس نجوم عندج كمبرلاند وآنا بشهر 4 اللي طاف سكنت بثيستل ماربل أرج بس هذا 4 نجوم بس ممتاز وأهم شي أنه بوسط السوق يعني متى مابقيت أرجع أصلي أو أقط الأكياس وأريح شوي وأرجع أطلع ولاأحتاج تكسي كل شوي وعندج تشرشل وتقدرين تشوفين بالأنترنت الفنادق اللي بوسط لندن وأنتي تختارين حسب بعدهم عن السوق يعني 5 دقايق أو ربع ساعه ويبين من الخريطه اللي يحطونها لج وين الفندق عن السوق وبالنسبه حق اللبس آنا هم مثلج متعوده عالعبايه بس علشان بشهر 4 كان برد يعني نلبس بلوزه كم طويل تحت اللبس فخيطت لي نفس العبايه بس خامات شوي ثقيله وألوان ساده بني وزيتي وكحلي وخيطت معاهم بنطلونات من نفس الخام أنتي تقدرين تسوين نفس الشي بس خامات ربيعيه أو صيفيه!

 

[mr000]

والله آنا أنصح الخوات اللي رايحين لندن أي يوم تشوفون الجو حار روحوا بالقطار أي منطقه قريبه يعني 45 دقيقه أو ساعه أو حتى ساعه ونص بالقطار سبحان الله الجو يفرق غير كلش يعني عندج برايتون حتى لو شفتي الظهر حر بسرعه يتغير الجو على الساعه 3 ويصير غيم ويبرد وعندكم مارجيت هم بارده وبورتسموث أو بورموث والله نسيت الأسم بالضبط بس هم كانت حلوه وفيها سوق أرخص بعد من لندن وفي منطقة كنتربيري بارده وفيها سوق وهذول كلهم رحت لهم الصبح يعني بال10 أو 11 ورجعت المغرب! وفي منطقه أسمها ريدينج كلش مو بعيده يمكن نص ساعه بالقطار!

 

[ريماا]

أختي ريما أذا تبين فندق بوسط السوق خمس نجوم عندج كمبرلاند وآنا بشهر 4 اللي طاف سكنت بثيستل ماربل أرج بس هذا 4 نجوم بس ممتاز وأهم شي أنه بوسط السوق يعني متى مابقيت أرجع أصلي أو أقط الأكياس وأريح شوي وأرجع أطلع ولاأحتاج تكسي كل شوي وعندج تشرشل وتقدرين تشوفين بالأنترنت الفنادق اللي بوسط لندن وأنتي تختارين حسب بعدهم عن السوق يعني 5 دقايق أو ربع ساعه ويبين من الخريطه اللي يحطونها لج وين الفندق عن السوق وبالنسبه حق اللبس آنا هم مثلج متعوده عالعبايه بس علشان بشهر 4 كان برد يعني نلبس بلوزه كم طويل تحت اللبس فخيطت لي نفس العبايه بس خامات شوي ثقيله وألوان ساده بني وزيتي وكحلي وخيطت معاهم بنطلونات من نفس الخام أنتي تقدرين تسوين نفس الشي بس خامات ربيعيه أو صيفيه!

مشكووورة حيااتى عالرد بس ماقلتيلى الديرة اماان للاطفال؟
وجاارى البحث عن عباية منااسبة

 

[فديت_روحي]

بنات الي يبون رقم الاخت الي اجرنا عندها

اسمها غاده

هذا رقمها 007775558886

قولولها من طرف سعاد

وترى سوري الشقه اجارها بالاسبوع 1700 جنيه مادري اذا تخربطت بالرد السابق وقلت انه بالشهر 1700 جنيه

بس احنا 3 غرف و3 حمامات وصاله ومطبخ وامااااااان فيها سيكيورتي ونظام حلو

احنا لين الحين ماطلعنا من لندن امس استقريبا بالشقه ورحنا وتمشينا باكسفود واجور رود بس بليل ويييييييع ارف تخرررررررع كله سوووود الافارقه الي من لندن واي مسوين تجمعاااات ويخزووووون اذا خزيتيهم يعني امشي ومالج شغل باحد
,,بس عموما امان يعني مالج شغل فيهم كله شرطه بكل مكان

وبالنسبه للعبايات ترى عادي فيه واااااايد عرب وايد لابسين عبايات بس احنا واهلي لابسين بنطرونات وبلوزات طوال ,

وفيه مطعم عجييييييب ايراني اسمه Colbeh يبيع كباب اييييييييينن تاكلين اصابعج وراه
اهوا ورا البنك الاسلامي ,

من كثر ما اهوا حلو عليه زحمه عليييييييييه وتنطرين ساعه علما ايي دورج واحسن اذا تكونون حاجزين

احنا امس ماندري وقعدنا نطرنا ساعه اواحنا 6 اشخاص

 

[ناديه21]

حبايبي شلونكم

بغيت اسئلكم شنو الاوت لت الحلو غير بيستر فيلج ؟؟؟؟
وشلون اروح له اللي عندها خبره ؟؟؟

وامي تسئل تبي سوق احد حلو وفيه بضاعه حلوه منو يعرف يساعدني ؟؟؟؟