تجمع المسافرات الى لندن شهر 7 وشهر 8 ؟

[zoba]

هاااااااااااااااااي
ياحلات هالتجمع
انا ان شاءالله 10/7 يايه بريطانيا
بس ماراح اقعد بلندن غير 3 ايام وباقي السفره اب ويلز

بس عندي سؤال للدليلات والخبيرات بالمحلات اللي بلندن
وين احصل محل oopsy daisy baby??
انا ادري انه بلندن ودشيت موقعهم بس مالقيت العنوان
عفيه وييييين مكانه!

 

[mr000]

أختي زوبا بالنسبه حق محل ملابس الأطفال اللي سألتي عنه آنا حسافه ماكنت سامعه عنه من قبل جان رحتله بسفرتي الأخيره عاد آنا أدور المحلات اللي ماكو منها بالكويت بس عموما آنا دشيت موقعه طبعا أول مره كانوا حاطين بس عنوانه بأمريكا بس كتبي أسم المحل وكتبي لوكيشن أن لندن راح تشوفين يطلع لج عنوانه بلندن آنا توني جربت وطلعلي! بعد أذا تعرفين محل بليز مام هومن زمان موجود آنا كنت أشتري حق عيالي لما كانوا صغار قبل الغزو هالسنه رحتله هو عنده أكثر من محل آنا رحت اللي بنايتس بريدج الشارع اللي فيه هارودز هو بضاعته غاليه لأنه ماركات بس فيه شغلات عليها سيل تكون أسعارها زينه يعني 30 و40 دينارالبدله وهم ماركات مثل روبيرتو كافالي وموسكينو تلاقينهم هني بالأفنيوز عند أرستوكيد والمحل اللي يمه بأسعار أغلى

 

[ريماا]

حبيبتي ريما والله هو أمان عادي بس مادري شنو قصدج يعني خلي عينج على العيال دايما بس علشان لايضيعون والله آنا كان معاي ولدي عمره 13 سنه بس آنا معاه مسافرين بالأيستر بس بصراحه أول الأيام كان كله معاي بكل خطوه تالي بدى يمل فكنت أخليه يتمشى بنفس المحل بس بطوابق ثانيه عند الألعاب أو الألكترونيات ومعانا تلفونات نقاله يدق علي كل شوي أو يرجع الفندق أذا تعب وهناك يسكر الغرفه على نفسه ويقعد يشبك أنترنت وهم كنت أتصل أتطمن عليه! والله عادي ماكان فيه شي يخوف بس كنت أستغرب لما أشوف خدم يايين مع اليهال بروحهم الهايد بارك بدون الأم والأبو يعني سبحان الله لو يضيع الياهل أو يطيح يتعور مشكله بدون الأهل!!

مشكوووورة تدرين انا عيالى 3 يعتبرون كبار الكبير عمرة 6 ونص والوسطى عمرة 5 والصغير 3سنوات
بشتريلهم العربانة مالت التوأم عشان اقعد اثنين فيها .وانا اقصد انة مافيها امان يعنى كلها بوق وعصابات يعنى يبوقون التلفون بيدج يبوفون طفل يالزحمة صج صج سدت نفسى للى كانت تسولفلى عن لندن وانا اول مرة اسافر اوربا مع عيالى فماادرى؟
ان شالله نحجز اليوووم احنا كل سنة نفيز وتطلعلنا سااالفة ونقعد شسوى زوجى بزنزماان مايخلص شغلة الله يخلى ويحفظة
يمكن اليوم نطلع التذكر على حسب وعدة لى
مشكووورة مرة ثانية عالرد كلج ذووق:tek:

 

[ogany]

واناســــــــــــــــــــــــــــــــــــــــه الباوند نازل

من أي سايت تعرفين الأسعار بالضبط ؟؟؟ انا أشوف www.xe.com خــوارة بلييز قزليلي من أي سايت عرفتي الباوند نازل

 

[فديت_روحي]

هلا قلبي معلمه روضه

والله الحين احنا بنلبس ونطلع مادري وين وجهتنا ماقررنا اليوم

اقولج لما ارجع انشالله


وقوليلي عن هارودز شلونه

 

[ogany]

روحو عند أحلى كب كيك كافيه يم هارودز وقريب في ساوث كنغستون يعني خطوات من هارودز
واحلى شيء عندة كب كيك رد فلفت روعة

وهذا موقعه على النت
The Hummingbird Bakery

 

[فديت_روحي]

الله يشوووووق الايس كريم

بس الحين بناخذ تذاكر باص حق اسبوع

تنصحونا نروح بيكاديلي ولا هارودز؟؟

 

[روابي الحب]

كونزوي في مجمع اسمه وايتليز في شغلات حلوه و في يما محلات السوق تروحنلا الصبح لكن السكيتنغ بليل و هم داخل في بولينغ و العاب الكترونيه يعني حلو حق اليهال و هم الكبا:ggdw:ر

ما قصرتي والله وتسلمين

 

[معلمة روضه]

وناااسه زين بنات اللى بلندن الحين شلون تشبكون؟؟

مليت وانا اطرح هالسؤال؟؟:dddds:

ناطرتكم

حبيبتي احنا شقتنا فيها راوتر

نشبك منه لأن اجهزتنا فيها وايرلس

وبكل لندن تلاقين العالم شابكين بالقهاوي

وفدييييييييت روحي شابكه بالراوتر مالنا ههههههه:dddds:
لأ ما ادري عن طريق منو شابكه بس الاكيد مال واحد من جيرانهم _03BA:

 

[معلمة روضه]

الله يشوووووق الايس كريم

بس الحين بناخذ تذاكر باص حق اسبوع

تنصحونا نروح بيكاديلي ولا هارودز؟؟

فديت روحي اخذو اويستر مالت الباصات قيمتها ب 16 باوند لأسبوع
انا ما خذيتها مالت الباصات والاندر جراوند لأن ينقمت صدري بالاندر جراوند ما اشوف شي الباص اونس
البيكاديلي يونس بالليل هيصه وفي مطاعم اشكثر حلال مال تقعدون بقهوى وتتمطشون عليهم
وهارودز سوووق ويمه هارفي نيكليز بس أول الشارع وفي القهاوي جبال هارودز يونسوووون لاتطوفكم

بس ترى كلهم هارودز والبيكاديلي مال تروحين لهم والدنيا توها ما ظلمت وتقعدين لحد ما تظلم لأن لما يفتحون الاضاءه تونس



نطرينا بروووح هارودز بس بكوي قميصي بالاول:dddds:

 

[كلي ملح]

من أي سايت تعرفين الأسعار بالضبط ؟؟؟ انا أشوف www.xe.com خــوارة بلييز قزليلي من أي سايت عرفتي الباوند نازل

حبيبتي مو من السايت من اخوي يحب سوالف العملات و رايح سائل شافه وايد نال:ggdw:

 

[النظره الخجولة]

منو قال ان الباوند نازل انا امس صرفت الباوند 6،90 يعني حول 7 ريال عندنا تخيلوو بس مادري عنكم شلون

 

[mr000]

حبيبتي ريما لاعيالج ترى مو كبار ولندن بالصيف زحمه المحلات والشوارع يعني أسم الله عليهم ماكو خطف بس علشان لايضيعون منج خوش فكره أخذي عربانه حق 2 منهم والكبير عوديه دايما يمسك العربانه ويمشي يمج مايروح بعيد عنج! من ناحية بوق الأغراض آنا الحمدلله رايحه لندن وايد ماقط باقوا مني شي بس لاتحطين النقال عالطاوله بمطعم أو كافيه وتغفلين عنه خليه بجنطتج أحسن والجنطه لاتعلقينها بظهر الكرسي يعني هذي احتياطات لازم الواحد يسويها بأي مكان يسافرله موبس لندن! غير هذا ماكو شي الحمدلله وناسه هناك ودي عيالج لندن زوو بريجينت بارك ومحل هامليز مال الألعاب والتريكاديرو في البيكاديللي والسي لايف اللي هو الأكواريوم مكانه يم لندن آي ومتحف الشمع وأن شاءالله راح يستانسون وايد! وودوهم يوم برايتون وناااااسه عالبحر وفيها سوق راح يعجبج بس سألي وين الشوبينج سنتر!!والله وياكم

 

[zoba]

أختي زوبا بالنسبه حق محل ملابس الأطفال اللي سألتي عنه آنا حسافه ماكنت سامعه عنه من قبل جان رحتله بسفرتي الأخيره عاد آنا أدور المحلات اللي ماكو منها بالكويت بس عموما آنا دشيت موقعه طبعا أول مره كانوا حاطين بس عنوانه بأمريكا بس كتبي أسم المحل وكتبي لوكيشن أن لندن راح تشوفين يطلع لج عنوانه بلندن آنا توني جربت وطلعلي! بعد أذا تعرفين محل بليز مام هومن زمان موجود آنا كنت أشتري حق عيالي لما كانوا صغار قبل الغزو هالسنه رحتله هو عنده أكثر من محل آنا رحت اللي بنايتس بريدج الشارع اللي فيه هارودز هو بضاعته غاليه لأنه ماركات بس فيه شغلات عليها سيل تكون أسعارها زينه يعني 30 و40 دينارالبدله وهم ماركات مثل روبيرتو كافالي وموسكينو تلاقينهم هني بالأفنيوز عند أرستوكيد والمحل اللي يمه بأسعار أغلى


مشكووووره ياقلبي ماقصرتي
بس ماطلع لي او انا ماعرفت اطلع العنوان
ممكن تقولينلي ياه

 

[mr000]

حبيبتي زوبا دخلي السايت هذا وشوفيه وأذا ماطلعلج قوليلي آنا ترى موشاطره وايد بسوالف الانترنت بس ولدي مغششني خخخخخ

http://www.oopsydaisybaby.com/wholesalers.html

 

[zoba]

ل ووووووووووووووو ل
الله يخليه لج ان شاءالله
انا شايفه هالعنوان من زمان ودخلته بموقع قوقل ايرث (خوش موقع يطلع لج العنوان بالضبط بالصوره يعني تحطين عنوان شارع اوكسفورد مثلا يحطلج صورة الشارع)
ولما حطيت هالعنوان طلع لي صورة مكتب الشخص اللي محطوط اسمه بالموقع مو المحل
يعني هالعنوان اللي حاطينه مو عنوان المحل لء عنوان مندوب المحل اب لندن

وانا ميته ابي اعرف مكان هالمحل ويييييين لان مابقا شي على السفره!!

 

[mr000]

وي حبيبتي آسفه ماأنتبهت علبالي عنوان المحل بس آنا فتحت عالموقع ماشفت عنوان أنتي سامعه أنه في محل بلندن بهالأسم ؟ لأنه أعتقد هذي ماركة ملابس مثل موناليزا وسيف ذا كوين تلاقينها تنباع داخل المحلات مثل سيلفريدج وهارودز وبليز مام

 

[قلب راشد]

قووه عسوولاات

انا مساافره بعد اسبوعين ان شاء الله

بقعد بلندن بس 4 أيام وبعيدن برووح شيفلد

في أحد رايح لها من قبل ؟؟

 

[zoba]

ياعمري انا اللي اسفه تعبتج معاي انتي وولدج
يمكن صج مثل ماقلتي ماركه تنباع اب محلات ثانيه
ماقصرتي

ياريت اللي عندي فكره عن المحل ماتبخل بمشاركتها

 

[mr000]

لاحبيبتي عادي حياج الله آنا بعد أحب أعرف عن محلات وأماكن بلندن ماكنت أعرفها يعني هالسنه قالتلي صديقتي عن منطقة كنتربيري أنها حلوه والله أخذت القطار ورحتلها يوم صج بارده وهاديه وحلوه وبستر فيليج أول مره أروح لها هالسنه وأن شاءالله أرد أروح السنه اليايه بعطلة ولدي بالأيستر لأنه بصراحه عجبتي لندن وايد بشهر 4 أول مره أروح لها بهالوقت بس بحاول أروح أماكن ماشفتها من قبل مثل برمنجهام ومانشستر!