تجمع المسافرات الى لندن شهر 7 وشهر 8 ؟

[معلمة روضه]

امي وخدامتا مرضو فيهم حراااااره واجسامهم تعورهم وبلاعيمهم

وولد خالتي بعد مرض وكلنا بشقه وحده :\

الله يستر
الحين بنشوف نروح الطبيب
بس ولد خالتي مع ربعه بعد مرضى فيهم انفلونزا كلهم و راح عيادة الكليه الي يدرس فيها لانه يدرس بلندن وعالجوه خلوه بغرفه بروحه وكل شوي يعطونه دوا واهوا وربعه ال بالكليه مرضو
وقالو حق الطلبه الكويتيين الي فيهم مرض يا اما نوديكم لندن نعالجكم (لان كليته بره لندن)
أو
نرجعكم الكويت يعالجونكم !!
امبي صج قالو وباء
بس له علاج انشالله

والله كريم ادعولنا انا حدي خايفه :\ اليوم ماطلعت مكان خايفه حدي

:tek:

لا سلاماااات ما تشوفون شر ان شاء الله

حبيبي هذا موسم الانفلونزا لاتخترعين الجو تغير علينا عسى الله يشافيهم
والانلفونزا لها علاج لاتحاتين لن يصيبنا إلا ما كتب الله لنا

 

[فديت_روحي]

شر ما ييج ياقلبي

احنا الحين ناطرين الدكتور ايينا الشقه

انشالله خير

امبي لاااا انشالله مافينا شي حدي خايفه

الله كريم,

وين رحتي اليوم

احنا اليوم بس امي راحت سوق السبت شوي وردت
بس انا مالي خلق من الخوف هههههههه انا حدي خوافه ووسواسيه

 

[syda-ml38a]

فديت_روحي

سلامات ماتشوفون شر انشالله ..
ومثل ماقالت معلمة روضه تغير جوو وانشالله ماكو الا الخير ..




انزين بنات بسالكم بالويك اند بيي لندن يمدي يوم وااحد اروح متحف الشمع ولندن آي .. ولا زحمه الحين انطر بعد شهر ..؟

 

[فديت_روحي]

شر ماييج ياقلبي

اذا من الصبح يمدي ,,

شوفي ترى دوووور وزحمه

تعرفين تحجزين من نت؟ يكون اسرع لج

لان طااابووووور طوييييييل حق الدخله حق متحف الشمع
واذا ويك اند بعد ازحم وازحم,,
وبعد هم لندن آي زحمه ودووووووور شطوله بس لندن آي الدور يمشي اسرع لان فيه كباين وايد وكل كبينه تكفي 24 شخص,,

انصحج تروحين متحف الشمع الصبح مثلا ومن الظهر لي الساعه 6 تروحين مجمع مثل ويستفيلد او هارودز او سلفرجز

يعني تخلين الصبح متحف او لندن آي والوقت الباجي مجمع لين يسكر

بالويك اند المجمعات تسكر 6 بليل بس الايام العاديه تسكر 9 مادري 10

وهارودز يسكر 9 امس رحتله كله سيل يهبل

 

[mr000]

حبيبتي فديت روحي لاتخافين ماكو ألا العافيه أن شاءالله صدقيني هذا بس مال تغيير الجو لأنه طلعتوا وحاشكم مطر وبرد يعني فلونزا عاديه لاتوسوسين ماكو ألا كل خير وطمنينا عليكم وطلعي استانسي لاتخافين يعني مثل الهايد بارك والريجينت بارك هاذي أماكن مفتوحه وجوها نظيف! خل أدق على الوالد أتطمن عليه هو موجود بلندن صارله شهر!

 

[فديت_روحي]

سكتي انا واحد يصير لي يدرس ضباط ببريطانيا منطقه بره لندن

وربعه كلهم فيهم انفلوزا الخنازير واهوا زارنا بالويك اند وكان مافيه شي

ويوم رجع فيه حراره وراح عياده الكليه عالجوه وخلوهم بروحهم بغرفه حبسوهم عشان ما يعادون الباجي ,,

عاد اهوا كان ساكن عندنا جم يوم ,اكيد عادانا بسم الله ماسوت علينا

عاد الحين امي وخدامتنا حراره واجسامهم تعورهم راسهم وسخونه وبلاعيم وانا جسمي يعورني ومتكسر بس

والحين بييلنا دكتور دقينا عليه

 

[mr000]

توني دقيت عالوالد بلندن يقول الحمدلله ماكو شي واليوم طاح بردي عندهم ترس الشارع! واللي مرضوا أكيد مال البرد وتغيير الجو أن شاءالله ماكو ألا الخير لاتخافون واللي بيسافرون ماعليكم ألا العافيه لاتخافون سافروا واستانسوا الوالد صارله شهر هناك الله يحفظه وبيقعد لي رمضان يقولي فجأه صارت لندن زحمه من الناس اللي يوا عقب ماعطلت المدارس!

 

[mr000]

توني دقيت عالوالد بلندن يقول الحمدلله ماكو شي واليوم طاح بردي عندهم ترس الشارع! واللي مرضوا أكيد مال البرد وتغيير الجو أن شاءالله ماكو ألا الخير لاتخافون واللي بيسافرون ماعليكم ألا العافيه لاتخافون الوالد صارله شهر هناك الله يحفظه وبيقعد لي رمضان يقولي فجأه صارت لندن زحمه من الناس اللي يوا عقب ماعطلت المدارس!

 

[يا غالي الاثمان]

ما تشوفون شر يا فديت روحي طمنينا عنكم انا متابعتكم بصمت وسفرتي باجر

 

[فديت_روحي]

هلا مروه

الله يخليه لكم يارب

توه طلع الطبيب من بيتنا يقول احتمال كبير الوالده فيها انفلونزا الخنازير والحين راح اييب لنا الدوا

وقال يمكن ييبون الدوا باجر لان يقول زحمه عليهم وصج صاير وباء بديرتهم وزحمه والكل يبي الدوا

يقول كنا نعطي ادويه وقايه بس الحين يقول مانقدر نعطيكم لان الحكومه قطعت الوقايه,,

الله يستر

 

[فديت_روحي]

غالي الاثمان
مشكوره ياقلبي
انشالله تيون بالسلامه

 

[ريم الرشيقة]

الله يشافيكم إنتي وأهلج
أمبيه عاد آنا الجمعة بروح ومعاي عيالي
انشاالله ما نتعادى من أحد

 

[moone GRL]

ويييييه فديت روحي

ما تشوفون شر ان شالله يطلع الدكتور غلطان وتطلع انفلونزا عادية

والله انا صايره اوسوس الحين ماحب الزحمه بالاندر قراوند احسهم فيهم وباء تلوع جبدي استغفر الله حتى ما امسك شي بيدي .. الله يحفظنا



ايييه صج اليوم نزل بردي وناااسه خخخخخخخخخخخخخخخ

عاد حسافة نزل المطر وانا توني داشه اكسفورد ما تهنيت بس دخلت البري مارك .. كل يوم لازم ادخله وصج بنات لا يطوفكم ترا منزلين شتوي بجايمهم عجيييبه ومنزلين جاكيتات بعد بس اكره شي فيه الزحمه اوووف كلش ولا الفيتنق روم دووور شطوله ماافكر اقايس اخذ على النظر

 

[فديت_روحي]

ريم الرشيقه انشالله تروحون وتردون بالسلامه

وموني قيرل

لا لاتحاتين اهوا اذا واحد مريض مايخلونه يطلع من المستشفى عموما

بس احنا ولد خالتي اهوا خرب علينا :\ لان خذا المرض من طلبه وياه بالكليه وكان عندهم عطله ويا زارنا راح الطبيب قالوله حساسيه تخيلو!!
وعقب يومين صار فيه جذي يعني الغلط منهم من عياداتهم حدهم خوارا
خلو الطلبه المرضى يطلعون ويعادوننا,,

والحين امي عطوها دوا وحاطه كمام بخشمها

قال ابتعدو متر عنها على الاقل ,,

كاسره خاطري
ماتهنينا بسفرتنا طلعت من جبدنا

,,,,,,,,,,,,,,

صاجه البردي اليوم اينن ماشالله
والبري مارك ابي اروووح له كنت اليوم الصبح بس راحت علي نوومه

انشاالله باجر الصبح اذا قمت مبجر بروح له اول مايفتح

يفتح 8 ونص جنه ,,

وغيره زحمممممممممه موت وخصوصا القياس اول مره بحياتي اشوف زحمه على القياس جذي ههههههههه

 

[النظره الخجولة]

فديت رووحي ماتشوفون شر ان شاء الله طمنينا عليكم
والله من شفت كلامج وانا خايفه اقولهم خلاص مااابي اسااااااااااااااااافر عاد انا حدي وسواسيه

 

[q8tia27]

سلامات ماتشوفون شر انشالله فديت روحي وخطاكم السو لاتحاتين انشالله سهاله وانسي المرض عشان مايزيد عليج ترا التفكير يزيد الهم والمرض واستغلي الجو والوناسه وماكو الا العافيه ترا انفلونزا عاديه مافيها شي بس علاج وانشالله تروح ماتستاهلون والله
روحي السلفريدجز وطقيلج جنطه صدقيني بطيبين ههههه خوش علاج ها

 

[mr000]

حبيبتي فديت روحي سلامتها الوالده ماتشوف شر ولاتحاتين أن شاءالله ماتطول! اذا صارت أحسن روحوا مكان بره لندن ابتعدوا شوي عن الزحمه وترى كل مكان فيه سوق ونفس المحلات بس تتسوقون على راحتكم بدون زحمه يعني لا الكاشير ولاغرف القياس ماعليهم زحمه وتلاقين القياسات متوفره والله بآخر سفره حصلت شغلات حلوه بمنطقه أسمها كنتربيري رحت لها يوم واحد بالقطار ساعه ونص بره لندن هاديه ومافيها زحمه! روحوا برايتون يوم والله سوقها حلو تستانسون فيها!آنا لو أروح لندن بهالفتره والله أقعد بره لندن بدون تفكير!

 

[Um Saud]

الله الحافظ و ان شاءالله ماكو الا العافيه
انزين الدواء لازم ينصرف بوصفه ولا عادي من الصيدليه
وهل الدواء موجود بالكويت ؟؟

 

[معلمة روضه]

بعد قلبي فديت روحي

لا ان شاء الله مافيها إلا العافيه

ههههههههه مايسوى عليج نشرتي الخبر باجر نلقاه بالجرايد بالكويت (كويتيه تصاب بانفلونزا الخنازير في لندن),,,,حبيبتي انفلونزا الخنازير لازم يسوون لها تحليل وطبيبكم هذا شكله على الله يشير ويخرعكم !!!

وحتى لو فرضنا انها مصابه فالعلاج متوفر ولله الحمد

لكن تطمنووووو واي واحد يصير معاه انفلونزا من اي نوع اكيييييد بيقولون لكم وخرو عنه متر عشان لا يعاديكم


سلامااات للوالده ولاتعاد جدتج

ودعواتي لها بالشفاااء العاجل يارب

 

[بنت الكويت 84]

مرحبا خواتي انا انشالله رايحه لندن آخر الشهر اللي تحب تتواصل معاي اتدزلي عالخاص و اضيفها بايميلي و الله الوحده ودها تشوف ناس من ديرتها هناك