تجمع المسافرات الى لندن شهر 7 وشهر 8 ؟

[al_3needa]

بنات واللي يعافيكم ماركة فولي فولي للساعات

وين فيه بالضبط ؟؟؟؟؟ انا بسكن اجور رود

شنو اقرب لهم عندي؟؟؟

وممكن اشوف ساعاتهم احد ينزل صور

او السايت مالهم

 

[q8tia27]

http://www.follifollie.com

هذا سايتهم العنيده دشي شوفي الساعات واهم موجودين بوند ستريت تلقين العنوان اضبط بالموقع

 

[q8tia27]

ام ضاري انشالله السنه الجايه تروحين وتشوفين الاماكن كلها الي قلناها بالموضوع

 

[روابي الحب]

فولي فولي تري نزلت الكويت اعتقد يابها بيضون

 

[mr000]

سلام بنات ! فديت روحي حبيبتي أشوه أنج استانستي في بستر فيليج وحصلتي كم شغله! يعني طلع كلامي صح أنها تسوى الروحه! بعد حق اللي عندهم يهال في بستر فيليج محل بولو رالف لورين بس حق ملابس الأطفال ملابسه وايد أرخص من أكسفورد نفس ملابسه موجودين بسيلفريدجز أغلى بالسعر!بعد روحي برايتون يوم وراح تستانسين وهم بورنموث كلهم عادي تروحين لهم يوم واحد!بالنسبه حق جناط شانيل آنا أحس أنها حق الكبار شوي يعني لوبشتريها آخذها حقي بنتي بالجامعه ماتحبها بس في موديل من الكوليكشن اليديد نصها أسود ونصها أبيض هذي تصلح حق البنات و شكلها وايد راقي! تقدرين تشوفينها بسايتهم !

 

[mr000]

بنات عطر أمواج أعتقد موجود بسيلفريدجز يقولون عنه حلو وايد وبالكويت موجود عند بيضون الحجم الصغير ب37

 

[Um Saud]

مشكوره mr000
شخبار الجو هل لايزال البرد مستمر و الامطار تهطل لوووووووووول

 

[q8tia27]

اي الله يعافيكم بشرونا للحين براد سفرتنا قربت ناس تقول برد وناس تقول حر مادري نبي الجو حاليا شنوو؟

امواج حلو بس غالي اذكر العطر نفسه 55 اما التوله العود منه ب 70دك هذا سعر لندن العام

 

[mr000]

أم سعود حبيبتي والله هو براد لأني قاعده تحت السنترال!لا أتغشمر معاج حبيبتي آنا بالكويت مو مسافره لندن بس كنت هناك بشهر 4 اللي طاف وان شاءالله اذا الله كتب برد أروح هم بشهر4 الياي لأن وايد عجبتني بهالوقت ماكو زحمه بس ماكو وايد تنزيلات!

 

[انا ودنيتي]

هلا يسعد صياحكون
الجو اليوم حلو بس مشمش
يعنى مو غريبه بعد ساعه ينزل مطر بس اشوا مو حر

 

[Um Saud]

mr000 صاجه انا امي كله تروح شهر 3 و 4 تقول لندن عجيبه بهالوقت .... الله يكتبها لنا ان شاءالله شهر 4

 

[mr000]

أي والله أم سعود آنا أول مره أجرب لندن بشهر 4 مع أنه ولدي من صغره بمدرسه أجنبيه يعني كل سنه عنده عطلة الأيستر بس ولا مره فكرت أسافر فيها بس هالسنه صديقتي شجعتني كانت رايحه بشهر 3 وقالتلي الجو عجيب ومو زحمه قلت خل أجرب بس عيب السفره أنها قصيره يعني 10 أيام بس علشان المدارس!وبعدين التذاكر والفندق وايد أرخص من الصيف ثيستل ماربل أرش كان ب60 دينار الليله والتذكره على الكويتيه ب155!بنات ليش ماتروحون جون لويس ترى هم ملابسه راقيه وحتى هاوس أف فريزر!!

 

[mr000]

البنات اللي بلندن دشوا كل ليله وقولوا لنا وين رحتوا طول اليوم وخل نستفيد من معلوماتكم يمكن الله يكتب لي سفره ثانيه قبل رمضان!!

 

[_zahra]

السلام عليكم,, انا متابعة مناقشاتكم,, بس بصراحة اتدوده يمكن لأني بعدي بالكويت مو عارفة اغلب المحرت اللي تكلمون عنها ..انشالله سفرتنا لألمانيا الجمعة هذي وبعدها باسبوعه بنكون بلندن حق اسبوع.. عاد تكفي الواحد يشوف كل شي ويحضر مسارح وسينمات ويتسوق؟اهم شي الاقي جينز حلو يناسب متني و طولي , بالكويت كله اضطر اخيط ولا يضبط لا من تنورة جينز ولا بنطلون عشان جذي باخذ بنطلون واحد او اثنين وبشوف المانيا اذا فيها ومن لندن بعد باخذلي جينز وثاني شي مهم اشتريه بوت وجنطة تسوي وعلاجات لسواد العين اذا حصلت شي ومن البست سيلرز,, اخاف اخبص بالمشتروات فعشان جذي حاطة ببالي شنو أولويات اللستة عندي بالمشتروات.

 

[كتكوتة @]

اهلين بنات أنا بروح 28/7 الى 11-8
على الاتحاد ترانزيت يمدحونها وبنجربها
نبي الاماكن الجديده
غير البيغ بن ولندن آي ومتحف الشمع والبيكادلي وهارودز واكسفور ستريت
بحثت بالنت ولقيت منطقه اسمها منطقة البحيرات نطلع لها من وسط لندن فيها 16 بحيرة
*منطقة البحيرات
رغم ان الطبيعة الخلابة والجميلة جدا هي الجاذب الرئيسي للمنطقة،
خصوصا الوديان والجبال والسهول والمراعي والبحيرات، لأن المنطقة تضم عددا من النشاطات
التي يمكن القيام بها والامكنة التي يمكن زيارتها والتعرف إليها.
وعلى صعيد الأمكنة يمكن زيارة متحف «تولي» (Tullie House Museum and Art Gallery )
كما يمكن للزائر اكتشاف حدائق قلعة «منكاستر» (Muncaster Castle)
والتعرف على عالم الحدائق الانجليزية التقليدية والقديمة.
اما على صعيد النشاطات فيمكن القيام بالكثير من الفعاليات مثل: الإبحار والتزلج وركوب الدراجات الهوائية
والسير على الاقدام وتسلق الجبال والتسوق والمشاركة في الاحتفالات المحلية الموسمية.

منقول

 

[كتكوتة @]

بنات بيكستر فلج شلون نوصلها سمعت انها برا لندن وصج تسوى الروحة؟

 

[رميحيه]

مرخبا كويتيات حبيت اسالكم عن lego land من وبن احجز لها ومن وين نطلع اي محطة ؟اذا تعرفون اوقاتهم؟ كم اسعار التذاكر واللي اعرفه ان فيها العاب حق اليهال بس هل شاملة التذكرة ولا منفصلة ؟ فيها مطاعم ولا احذاهم جني مصختها بس يعطيكم العافية

 

[Um Saud]

Adult: £37

Child/Senior: £28
سعر التذكره ليقولاند LEGO LAND
الكبار 37 جنيه
الصغار 28 جنيه
هذا حق يوم واحد
وانصحج تروحين لها بصراحه وايد حلوه

 

[mr000]

كتكوته بستر فيليج تروحين لها من محطة مارليبون بالقطار ومع التذكره تحجزين تذكرة الباص اللي راح ياخذج هناك من المحطه يوديج سوق الآوت لت وأحسن وقت روحي لها من تفتح تقريبا بال10 وأعتقد تسكر بال6 البنات اللي هناك مايقصرون يفيدونج بالوقت بالضبط !!

 

[mr000]

وبالنسبه حق منطقة البحيرات أسمها ليك ديستريكت وااااااايد حلوه وجوها حلو وطبيعه! آنا رحت لها يوم واحد بس هي حلوه لو الواحد يقعد فيها كم يوم راحه واستجمام بس أعتقد تكون بعيده من وسط لندن أحنا رحنالها من بلاكبول بالباص!يعني من لندن يمكن بالقطار3 ساعات تأكدي أحسن من الأنترنت!!