البنات اللي سووا العملية
بليز ممكن تقولولنا عن الاحساس ؟
و اذا في مناطق مافيها احساس , هل الاحساس كامل مختفي ؟ كلش ما تحسون بالمنطقة لو تنقرص ما تحسون ؟
او احساس بس في تنميل ؟
بليز التفاصيل p; و شكرا
هالمسألة الله يسلمج يا لابيرلا تختلف من شخص لي شخص
في ناس يطول معاهم الخدار والتنميل لي 6 او 9 اشهر
وعادي طبيعي جداً لأن أعصاب الوي كلها تغيرت مكانها بعد العملية
والاحساس يرجع تدريجي ، يعني اول اسبوعين لي 3 اسابيع انسي ويهج وانسي تحسين فيه :eh_s(4): لو يطقونج طراقات
مو بس تقرص
المنطقة الي تفقد الاحساس من تحت العين الجفن الي تحت العين لي الذقن ويشمل الخشم والشفايف
انا لما بحط كحل ما احس بعيني بهالفترة
من رابع اسبوع يبدي يخف التنميل وتحسين بس الاحساس مو نفس قبل شوي شوي يرجع
ثاني شهر تقريباً تحسين بنص ويهج أو 3/4 ويهج وبالنهاية المسألة نسبية ما يتساون فيها الناس
أنا كملت 3 اشهر ساعات احس بتنميل يروح ويرد بس خفيف مو مثل اول الايام وورجع الاحساس بشفايفي ما عدا الزاوية الي على اليمين بشفايفي ما احس فيه ما رجع احساسها والدكتور قالي عااااااااااااادي تاخذ وقت
اخر منطقة بلشت أحس فيها الذقن بس لما الحين احس يبيله وقت ما رد طبيعي
أقولج شي :krkrkr:
أول الأيام بحط فازلين احط ايدي ادور شفايفي اقول لأمي هذا حلجي
من كثر ما اني ماحس فيهم ولا ادري وينهم
