Esra.a
حبيبتي شو الاخبار ماقلتي لنا ايش سويتي يوم الخميس حددو لك موعد العمليه ولا لا
لابيرلا
بالتوفيق ان شاء الله وحاولي معهم يقدمون الموعد
سوووري انشغلت شوووي
رحت يوم الخميس كلية الطب علشان دكتور التقويم ياخذ المقاسات النهائيه
عااااد وانا قاعده بالاستقبال ولا يدخل د.عادل ( الجراح ) التفت على اللي قاعدين بالاستقبال عطاهم نظره وحده بعدين فجأه التفت بقوووووووووووه .. أحسه يقول بقلبه الوجه هذا مو غريب علي
أنا أراجع عنده بمستشفى السيف وحتى دكتور التقويم أراجع عنده بعياده خاصه
بس دكتور التقويم قالي أسويها بكلية الطب علشان ما أضطر أسوي القياسات والأشعه مرتين
عاد ضحكت أنا وسويتله باي باي من بعيد :eh_s(8):
قاعده أقول زيييين ما شاء الله عرفني << صارلي 10 أشهر مو شايفته
المهم بدل ملابسه وجاني يسلم علي .. علباله عندي موعد علاج أسنان ما يدري إنه جايه علشان آخذ المقاسات النهائيه للعمليه
قالي شصار عليج مع دكتور راشد ( التقويم)
قلتله خلصت وعمليتي 1-12 بكل ثقه :dddds:>> طبعا التاريخ افتراضي انا مألفته .. هذي خطه مني علشان أبينله إني أسوي العمليه بسرعه .. مكر ودهاء
_03BA:
هو انصددددددددددددم
قالي منو يبي يسوبلج العمليه ؟؟ جاوبته بكل هدوء وبساطه >> انت
قالي شلووووون 1-12 بكييييييييييييييفج اهو :krkrkr:
حددتي موعد وخلصتي وجايه تقولين بعد عمليتي 1-12 هههههههههههههههههههههه
انتي تدرين أنا ما أسوي العمليه إلا يوم واحد بالاسبوع .. عندي زحمه شووي ولااااازم أتأكد من المواعيد
قالي شمعنه 1-12 ؟؟
قلتله بصرااااااااااحه لأني بتوظف وانتوا معطلني
مأجله كل شي بسبب هالعمليه اللي مواعديني فيها والمفروض أسويها من شهر 7 اللي فات !!!
ان شاااااااء الله حياتي ما توقف علشان عمليه !!!!!!!
حسيت إني كسرت خاطره شووي .. قالي ان شاء الله راح أحاول أسويها لج بأقرب موعد
وقالي اخذي رقمي دقي علي علشان أقولج متى عمليتج
بعدين رحت حق دكتور التقويم خذوا المقاسات وسويت أشعه أنواع وأشكال
فيه جهاز جديد أول مره أشوفه و أجربه 3D مو موجود لا بمستشفى السيف ولا بعيادة التقويم
له أربع أقسام
القسم الأول يبين الجمجمه كامله 3D بالحجم الطبيعي ويقدر الدكتور يلفها يمين أو يسار تحت أو فوق بالزاويه اللي يبيها كأنج قدامه .. دقيق و أحسن من الأشعه العاديه بواااااايد
الثلاث أقسام الباقي ما عرفت حق شنو بصراحه .. بس مبين عليه جهاز جديد ودكتور واحد اللي يعرف يستخدمه ,, وكان قاعد يعلم دكاتره ثانيين عليه
تخيلوا كنت هناك من الساعه 1:30 لي الساعه 4:30
وأساااااااااسا كنت طالعه من البيت من الساعه 9 الصبح كان عندي مشوار .. حددددي كنت تعبااااااانه :cxxxp:
طبعا أنا قاعده أقولكم اللي صار بالمختصر المفيييييييييييييييييد
و آخر شي من كثر ما كانت لاااااااااايعه جبدي وأبي أرجع البيت .. طلعت ولا خذيت رقم الدكتور
بس عموما قالي إذا صار أي شي راح ندق عليج << عندهم رقمي
