?
السلام عليكم جميعا كيفكم ان شا الله طيبين
بنات انا فكي رجع تقدم اكثر من اول صارت المسافه بين الاسنان الامامية العلوية والسفلية كبيرة رغم ان اسناني اللي فوق اصلا متقدمة ومع كذا الفك السفلي تقدم بشكل كبير لدرجة لساني لمن اتكلم صار يطلع من بين الاسنان ونطق الحروف صار سيئ جدا شكل وجهي تشوه عن اول كثير صار البروز واااضح
نفسيتي صاارت سيئة جدا بتقولًوا ارجعي للدكتور رحت قبل امس وتكلمت معاه قاللي لاتخافي لمن اشتغل عالاسنان والتلبيسات الجديدة راح يضبط واعطاني مسكنات عشان الالم
ماني عارفه اش علاقة الاسنان بتراجع الفك يعني العجايز الكبار اللي ماعندهم اسنان مثلا هذا سبب ان فكهم السفلي يبرز لقدام بهالطريقة السيئة
حاسه الدكتور تورط والعمليه مانجحت كل مرة يطلع لي بعذر مرة يقول اللسان هو اللي يدف الفك ويطلعه على برا ومرة يقوللي العضلات
والمصيبه حولني على اخصائي تركيبات وسوالي اشعة لكل سن وقعد ساعة يتفحص فيها بعدين كتب في الملف الاشياء اللي بيسويها ولمن رحت عشان اعرف الاسعار اتفاجأ بالموظفة تقوللي ٨١ الف مابين زراعة وتلبيسات ومدري ايش
انا انصدمت من المبلغ قلت لها خافو الله عملية جراحيه ماكلفتني ٣٠ الف تركيبات وسحب عصب ٨١ !!!!! قالت هذي اسعارنا
المشكله انه خلع لي ٣ اضراس من الاخير وبيزرع لي اربعة غيرهم والزراعة الواحدة بعشرة الااااف تخيلوا؟!!!!
المهم طلعت من عندهم وانا مقررة اني اروح اي مكان ثاني
اليوم رحت لدكتورالاسنان اللي دايما اعالج اسناني عنده واول مااشافني قاللي سلامات اشبه فكك احد ضربك او عملتي حادث قلت لا عملت عملية قال عملية شو انتي عندك بروز كيف بتسوي عملية تقديم!!؟ قلت مو تقديم انا سويت ترجيع طالع فيني وقال انتي بتكذبي عليه ولا ايش ؟!!! وماصدق لحد ماوريته الاشعات اللي جبتها معايه وشرحت له الموضوع قاللي مع احترامي لك هذا الدكتور بيضحك عليكي عمليته باين انها فشلت اي تركيبات واي زراعة اللي بيسويها لك مادام بيزرع ليش خلع لك الاضراس
بعد نقاش طويل قاللي انا ماراح اسوي لك شي لانه حرام عليه اشارك معاه في الغلط ساعتها ماراح اسلم لو دعيتي عليه روحي رجعي فكك لورا ومن عيوني بعملك اللي تبغيه وبلاش حتى
طلعت من عنده وانا مكتئبة ومو عارفه اش اسوي ؟ وين اروح؟
ارجع لاحمد يماني مرة ثانية؟؟ ولااروح دكتور ثاني واعيد نفس المعاناة
محتارة ومتضايقه مررررررة
انا تحملت التعب ودفعت فلوس عشان اضبط شكل وجهي مو عشان اشوهه زياده
شوروا عليه يابنات اش اسوي
احمد يماني معروف انه شاطر بس مدري اش صار؟!
الحمد لله على كل حال
الفك من بعد جراحة الفك وتثبيت العظم لااا يمكن يتحرك ! أي من بعد الشهر الثالث تقريبا
إلا في حالة إذا الدكتور مثبته من الأساس بوضعية غلط
وانتي ما حسيتي من البداية ببروز الفك بسبب التورمات والانتفاخات
من تروح الانتفاخات .. يبين شكل الفك >> علشان جذي نقول لا يمكن الحكم على النتيجة بالأشهر الأولى من العملية
أو فيه حاله ثانية >> أنه الدكتور قدملج فكج عن طريق المطاطات
طبعا المطاطات وظيفتها >> تطابق الفكين وتخلي العظة سليمة
بس أكييييييد يعتمد على شطارة الدكتور بوضعية المطاطات لأنه كل حالة مختلفة عن الثانية وكل وضعية للمطاطات تغير الفك بطريقة معينة .. ( ممكن يسوي طريقة الاكسات أو بس يسكر الجوانب أو يقفل الأسنان بشكل كامل .. إلخ) وهالشي ممكن يدني الفك جهة اليمين أكثر أو جهة اليسار اكثر أو يسحب الفك لقدام أو يرجعه وره .. وإذا كانت مشكلة عدم التطابق واضحة بعد العملية مباشرة ممكن بالمكان الواحد من الهوكسز يحط مطاطاين بدل مطاط واحد علشان يسحب بقوة >> والمطاطات تغير المسافات بشكل بسيط >> مو بالشكل اللي انتي وصفتيه
إذا المشكله والمسافة مو كبيره صح كلام دكتورج .. ممكن تنحل عن طريق التقويم أو التركيبات >> لكنه يعتبر حل ترقيعي
وليس حل أساس المشكله
حاليا اللي عليج تسويه
تروحين تستشيرين دكاترة متخصصين بجراحة الوجه والفكين .. لا تروحين لدكتور أسنان عادي روحي لدكتور متخصص وخبرة
وشوفي شنو يقولج .. ويفضل تروحين لأكثر من دكتور
