مرحبا بنات ازيكووووو
وحشتوني أوي أوي
شكرا اسراء وغلاه عالتقرير الممتع الله يعطيكم العافيه
الحمد لله على سلامة اللي خلصوا من العملية وعقبال مايفرحون بالنتايج اللي ترضيهم واكثر
والمحبطات من تاجيل العملية او عدم موافقة الاهل الله يسهل اموركم ويكتب اللي فيه الخير
ويرزق الجميع كل اللي تتمنونه يارب
طريق العملية فيها مطبات كثيره وصدمات واحباط واشياء تصير لم تكن بالحسبان
لا وبعض الاحيان احسها كورة كل ماوصلت لها شتها من غير ماادري وتبعد خخخخخخخ ولا احيانا اشوتها وترجع تصقعني بوجهي هههههههههه
اما الاحباط اللي صار لي والكورة صقعتني بوجهي هالمره
اني احتمال كبيييييير احتاج فكين وحالتي تعتبر معقده ويبيلها قياسات دقيقه جدا
تشمل قياسات الفك والملامح
كنت متوقعه فكين فمو منصدمه بس ماكان ودي بس ان شاء الله لو حصل واحتجت فكين يكون التغير يشبه اللي بخيالي
كاتبه تفاصيل لقائي مع الجراح بالمدونه وراح انقلها هنا ,, على فكره احب اكتب بالتفصيل الممل بالمدونه فعذرا عالاطاله
في البداية عمل لي الدكتور facial analysis وهو بأخذ أبعاد الوجه خطط بالقلم
واخذ القياسات بمسطرة وخيط
و برضو قاس ابعاد الفم بوضع الاسترخاء والابتسامة العريضه
تناقشنا بالابعاد اولا اللثه يطلع منها 10 ملم
اثناء الضحك كانت اقل من كذا قبل
البريسز يعني زادت 2 او 3 تقريبا عن قبل
زاوية الانف والفم تقريبا اقل من 90 درجة وهالشي يعطي ايحاء بالبروز
شفايفي العلويه قصيرة واحتمال احتاج استطاله ويمكن اعملها اثناء العملية
مدح شغل الدكتور عادل كثييير وقال وضعية اسنانك عالطبيعه مهيأه
وواضح انها افضل من المودلز
الشيء المحبط هو المسافه اللي حطها لي الدكتور عادل بين الاسنان العلوية والسفليه
يمكن يسمونها
overjet
احتمال كبير ماراح تكفي
هي لما قاسها على مااذكر قال لي 4 او 5 ملم والله يجزاه خير دكتور عادل
اشتغل عالفك السفلي كثير وحاول يرجعه باكبر قدر ممكن
عشان تصير العملية بس عالفك العلوي
بس وضعية فكي السفلي ماتحتمل اي تقديم لانه هو الريدي بوضع سليم
مافيه بروز او تراجع بس مع رفع الفك العلوي فيه شي
يسمى
mandibular autorotation
هو الدوران التلقائي للفك السفلي هذا الدوران يخليه يتقدم
اثناء الاطباق لما ينرفع الفك العلوي لفوق
وطبعا لاني محتاجه رفع للفك العلوي بمقدار كبير جدا حوالي 8 ملم فلازم مع الرفع
ترجيع لاكبر مسافه ممكنه او يحصل بروز بالفك العلوي وانا الريدي مو ناقصه
زاوية الانف اقل من 90
فشي وارد على وضعية فكي السفلي حاليا فتحريك الفك العلوي لورا غير ممكن
فاحتمال كبير احتاج ترجيع للفك السفلي برضو بمقدار بسيط
الدكتور يقول حالتي تعتبر معقده ومحتاجه قياسات دقيقه
قال لي راح يحاول بعد مايدرس حالتي يعرف الاوتو روتيشن الى اي مدى راح يسمح له
بانه يرفع ويرجع الفك العلوي
اذا قدر يرجعه بالمقدار المطلوب ماراح احتاج اي شي للفك السفلي ..
انا بالبدايه كنت رافضة اسوي شي للفك السفلي مره عاجبني شكله الحالي بس قال
لي لو احتجتي فكين وانتي رفضتي مااراح اسوي لك العملية
مع اني مقتنعه بكل الكلام اللي قاله لي من ناحية الاطباق وفاهمه ليش لازم يرجع الفك السفلي ..
جلست خلال اليومين اللي فاتت افكر واقتنعت اكثر لو فعلا القياسات اثبتت اني احتاج لفكين مالي الا ارضى
لاني جلست اتخيل انا حاليا بروز الذقن ووضعية الفك السفلي مناسب جدا بس لما
ينرفع الفك العلوي ويرجع لورا راح تكون الشفه العلوية والسطح اللي فوقها داخلين شوي
ويصير الفك السفلي بارز حبتين
this will make me look older
راح يعطيني شكل اكبر من عمري
فانا باتناقش مع الدكتور صالح بعد دراسة الحاله وباشوف امكانية لو بيرجع الفك
السفلي يشيل الكم ملم اللي بتزيد بعد الاوتو روتيشن ويرجع فكي السفلي لوضعه الحالي
وبكذا ان شاء الله ماراح يتغير شي كبير
طلب مني اعمل قياس معين اسمه
face bow transfer
وهو راح يبين العلاقه مابين الفك والجمجمه
الجهاز المستخدم لعمل هالقياس بمسستشفى التخصصي
وان شاء الله اروح هناك يوم السبت الصباح
ويمكن ياخذ مني قياسات ثانيه عشان يدرس الحاله ويتناقش مع الدكتور عادل اكثر بحالتي
انا حتى ودي يكون الدكتور عادل متواجد معنا حتى دكتور صالح مفضل هالشي
بيكون مريح اكثر بالنسبه لي اني اسمعهم سوا
كان معي نوت كاتبه فيه الاسئلة بس من شافه دكتور صالح
قال افضل تأجلين اسالتك حتى اسوي لك الدراسه عشان اعطيك اجوبه أدق
سالته بس عن الخشم قالي بحالتك مقدار الرفع راح يكون كبير وممكن تتوسع الفتحات
بس مو لدرجة تخافين منها بس شكله العام بيكون أفضل
وبالنسبه للتكلفه اذا بفك واحد بتكون بالثلاثينات والفكين بالستينات
طبعا لسا ماحددت متى موعد العملية بس قال لي الدكتور
ان مجمل القياسات والدراسه ممكن تاخذ اسبوعين الى 3
