تجمع امهات اللي عيالهم في مدرسه الرواد ثنائيه اللغه

[%قبلة العجمان%]

بنات جم رسوم المدرسه

ولدي هالسنة اولى روضة بس بحضانة مونتسوري ومفكره ادخله الرواد عشان يكمل فيها الابتدائي

تنصحوني والا لأ؟؟؟؟

 

[مملكتي بيتي]

اهلين امتحان الرياضيات راح يكون بالاعداد من1-30
والهومورك ماعرفتة وماحليناه لان كان طويل والاوراق واجد بس كتبنا الورقة الأولى الله يعين بس بغيت اسأل ألحين هم يعطونهم كتابة جمل وهم ما اتقنو الحروف عيالكم يعرفون يقرون الجمل أو يكتبون بس منغير فهم مجرد نسخ

 

[CUTE_LIZ]

السلام الي تسال عن الغوم ورك الانجليش الصفحة الثانية يبداء بكبتل ونقطة عند نهاية الجملة - انا ولدي 1ب

 

[memei]

يعطيكم العافيه ولدي تعب ونام ماكملنا بس الصفحه الاولى اليوم الواجبات واجد مانلحق

 

[أ.س.م.ا.ء]

الله يعينا ويوفق عيالنا

 

[super star]

رد : تجمع امهات اللي عيالهم في مدرسه الرواد ثنائيه اللغه

السلام عليكم

شلونكم بنات؟

اليوم حضرت الاجتماع

وخذيت رقم أبلتهم الرياضيات والعلوم والانقليش لانها وحده عشان اتواصل معاها

والله يعينا

 

[%قبلة العجمان%]

احم احم

هل من مجيب؟؟؟؟

 

[CUTE_LIZ]

السلام بنات
شخباركم
منو تعرف عن اختبار الكلمات باجر شلون الطريقة لقريد ون

 

[شموخ ومهابه]

مرحبا امهات بليززززززززززززززز ساعدوني الله يفتحها عليكم
انا ولدي ثانية ابتدائي حكومة وكلمت ادارة الرواد امس وقالولي في مجال اني اسجله عندهم بعد اجتياز الاختبار
بس الرسوم عندهم دفعتهم قويه في عندهم طريقة الاقساط الشهرية لان الدفعه الاولى 800 وشي
واللي يعافيكم ردوووواااا علي لان ماعندي الا هاليومين

 

[غلاى رغد]

رد : تجمع امهات اللي عيالهم في مدرسه الرواد ثنائيه اللغه

هلا والله الكلمات تقراهم المس وهم يكتبون الكلمات ثماني كلمات وبس مثل الاملاء

 

[أ.س.م.ا.ء]

مرحبا امهات بليززززززززززززززز ساعدوني الله يفتحها عليكم
انا ولدي ثانية ابتدائي حكومة وكلمت ادارة الرواد امس وقالولي في مجال اني اسجله عندهم بعد اجتياز الاختبار
بس الرسوم عندهم دفعتهم قويه في عندهم طريقة الاقساط الشهرية لان الدفعه الاولى 800 وشي
واللي يعافيكم ردوووواااا علي لان ماعندي الا هاليومين

اي حبيبتي عندهم نظام الاقساط ، بس دايما الدفعة الاولى تكون اقوى دفعة
اتصلي عالمدرسة وكلمي المحاسبة تعطيج ورقة الاقساط وكل دفعة متى تندفع وجم تدفعين
الله يوفق وليدج ، وحرصي عليه اكثر شي بالانجليزي والرياضيات وان شاء الله يعدي الاختبار على خير ويقبلونه :eh_s(7):

 

[ll NoOoR ll]

السلام عليكم

بنت الكويت .. واسماء وكل الامهات .. شلونكم .. ؟

تصدقون ضاق خلقي حيل هالاسبوع

الاسبوع اللي طاف ولدي يرده الجد

والصبح اوصله مستعجله ما اشوف شي

بس هالاسبوع قعدت لهم قعده

ما عجبني نظامهم مع كي جي ون

يهال صغار شنو يخلونهم بروحهم بالفرصه .. ؟

بعدين صار لي موقف يوم الخميس رحت اخذ ولدي

مالقيته بالصف والابلات قاعدين كلهم بصف واحد يسولفون ومعاهم كل اليهال

سألتهم وين ولدي توهقو .. قاللت راح مع الدادا يدور جنطته .. !

شنو .. ؟ وين راح يعني .. ؟

قالت ان جنطته ضايعه وراح يدورها

نطرت خمس دقايق على اعصاب اعصابي

رديت لها ويييييييييييييييين الياهل وطلعت تدوره

وانا وراها .. تخيلو 10 دقايق ندوره

سألو كل الفراشات اللي بالمدرسه عن اسم الدادا اللي ماخذته

طلعت الدادا موديته يفتر على صف صف يدور جنطته

ليش .. ؟ وانا شدراني وين موديته ان شاء الله .. ؟

طبعا عصبت وضاق خلقي حيييييييييييييييييل

وهو بعد قام يبجي بعد عمري تعبان ومعرق ويبي جنطته تعسسسر

مع اني مستخيره وايد بس ما ادري

1- جم مره اروح اخذه القى يهال نايمين بالصف

2- والا الابلات يسولفون مع بعض واليهال بعد قلبي كل واحد بوادي

3- اكثر من مره يرد البيت اكله معاه

4- الصفوف تقمت القلب كئييييبه حيل طلعو وقت التسجيل موريني كي جي تو فصولهم احسن

5- استقبال اليهال الصبح اي شي .. ! يمكن تعودت على استقبال ابلات الحضانه يا حلوهم

بس هم الياهل يدخل يلقى طلبه الابتدائي والروضه كلهم بالساحه يخترع من الصبح

عاد انا حناااااااااااااااااانه وكل شوي اتصل تقول لي السكرتيره

ابنك بخير ولو في شي بيتصلون عليج

بس نظام المدرسه كلش ما عجبني وما ارتحت له

اليهال مع الابتدائي طلعتهم ودخلتهم

ما ادري يمكن لاني انقثيت الخميس

قمت اشوف كل شي مو زين

انزين اذا بكلم منو اقدر اكلم ؟ الاداره والا المشرفه .. ؟

انا لو بخلي ولدي مع الدادا جان خليته عند خدامته ف البيت .. !

مدرستهم عوووووده وانا وحده اخاف

بعدين ابلاته كلهم مصريات ويدد .. بس وحده كويتيه

والمصريات يالله يفهمون لهجتنا اعيد لها الجمله اكثر من مره يالله

تفهمها مساكين اول مره يجون الكويت بفراطيسهم .. !

<< اكتأبت المره انقذوها

اللي عيالها الحين ف الابتدائي وكانو بالروضه

تشور علي منو اقدر اكلم ..

نور

 

[مملكتي بيتي]

أخت قبلة العجمان أهلين رسوم الروضة 1380 وأنا بنتي أولى روضة وولدي أولى ابتدائي وهذي أول سنة بالمدرسة وانا سمعت اشكثر يمدحونها وليلحين ماشفت شي مو زين فيها
وبالنسبة للأخت إلي قالت عن الفوضى والأهمال خوفتيني خاصة أني دقيقة وخوافة وقبل لاأسجل ولدي فريت أكثر من مدرسة وبعد دفعت رسوم تسجيل في مدرستين وضاعوا علي وبعدين حطيته بالروادالله يستر
بغيت أسال الأمهات إلي عيالهم بقريدي ون ولدي ماداوم ألاربعاء والخميس في شي عطوهم للأسبوع الجاي مهم وشاكرة لمن تجيب

 

[غلاى رغد]

رد : تجمع امهات اللي عيالهم في مدرسه الرواد ثنائيه اللغه

السلام عليكم
والله يانور اني نفس حالتج اكل ولدي مثل ماهو ماياكل كلش وكل مره ادق عليهم علشان يشوفونه ماكو فايده
والشى الثاني ولدي يقول انه الابله تطرده من الصف وقام يبجي شكل المدرسة خواره والصدمه الثانيه ولدي حافظ سورة الفاتحة وانصدمت لما شفت ارجو الاهتمام بحفظ السورة اجل شنو وظيفة المدرس مايحفظة وين الترديد للسورةانا درست دين والله مااخلي بنت تطلع الاحافظه السورة

 

[ll NoOoR ll]

شنو .. ؟ تطرده من الصف .. ؟

من صجج .. ؟ وين يروح يعني الياهل .. !

امهاااااااااااااااااات طلبه الرواد بليييييز عطونا باااور

او صوره ايجابيه هالسوالف طبيعيه عندهم

والا عشان بدايه السنه ولووويه .. !

ولدي سنتين بالحضانه يعرف الارقام والالوان والاحرف عربي وانجليزي

واسم الله عليه يحب اليهال وينطر الدوام

وقلت لهم ام يهمني التعليم كثر ما يهمني تعاملكم مع الطفل

بس الحين مايبي يرووح لدرجه امس رحت شريت له

جنطه يديده واغراض يدد ابي اشجعه

وهم طول الليل يترجى فيني ماما مابيهم ما احبهم .. !

شنو يعني ياهل ينطرد من الصف والثاني يدور مع الدادا بالشموس .. ؟

بعدين قاثتني سالفه اليهال يطلعون بروحهم بالفرصه وياكلون بروحهم

روضات الحكومه ما سووها .. !

 

[mooomooo]

رد : تجمع امهات اللي عيالهم في مدرسه الرواد ثنائيه اللغه

انا عيالي قعدوا سنه فيها يوم كانوا المعالي برميثيه

ماكانت جذي

دخله الكي جي بروح والابتدائي بروح

بس بنتي بالكي دي ما احسها استفادت كلش

وسبحان الله سجلتهم يوم انقلوا الفروانيه وقبل دوامهم بشهر 8 نقلتهم حكومه

مع ان ماكان ودي اطلعهم بس بصراحه بعيده علي الفروانيه

والحمدلله على كل حال

 

[غلاى رغد]

رد : تجمع امهات اللي عيالهم في مدرسه الرواد ثنائيه اللغه

السلام عليكم امهات والله حتى انا ولدي مايبي يروح والله كل يوم يترجاني نفسج ولدج بقريدي ون سي يانور ردي غلي بسرعه

 

[ll NoOoR ll]

اليوم رحت يا غلاي وخذيت موعد مع الاخصائيه باجر ان شاء الله بقعد معاها

والله يعيييين ..

 

[ll NoOoR ll]

اليوم رحت يا غلاي وخذيت موعد مع الاخصائيه باجر ان شاء الله بقعد معاها

والله يعيييين ..

 

[غلاى رغد]

رد : تجمع امهات اللي عيالهم في مدرسه الرواد ثنائيه اللغه

متي تبين تروحين حتى انا راح اروح لهم واشوف ليش صايرين جدي مايهتمون فيهم خاصة الاكل