**تجمع امهات حضانه الانجليزيه ثنائيه اللغه**

[زوزو الحلوه]

سلام عليكم امهات حبيت اسوي تجمع حق امهات حضانه الانجليزيه ثنائيه اللغه
نتعرف على بعض ونتبادل الخبرات حق عيالنا
:gathering:
عطوني رايكم بالحضانه شنو الي عجبكم وشنو الي شفتوه ما عجبكم
حيااااااااااااااااااااااااااكم

:68_asmilies-com:


طبعا الحضانه بمنطقه الرميثيه :eh_s(8):

 

[زوزو الحلوه]

شدعوه امهات ولا وحده ولدها بهالحضانه ؟

 

[زوجة جوجي]

انا ولدي بهالحضانه
الصراحه وايد وايد زينين ومنهجهم قوي وحلو
الحلو فيهم ان كل خميس فري يارحله او حفله تخلي الياهل يتحمس يروح

 

[mr000]

السلام عليكم.. آنا قاعده أدور حضانه حق بنت ولدي وبصراحه رحت الأنجلش بلي قروب ومادري أسمع أنها زينه وناس تقول مو قويه بالأنجليزي وآنا انصدمت من صف الحضانه خاااالي يضيق الخلق مافيه ألعاب ووسائل تجذب الياهل و الأرض سيراميك مو الأرضيه اللي الياهل مايتعور لما يطيح والمدرسه مصريه..مادري ترددت وايد.. عفيه قولولي عن حضانتكم .. تنصحوني فيها.. لأنه في ناس قالولي عن حضانة أفنان.. اشلون مستوى حضانتكم بالأنجليزي لأن ان شاءالله بندخلها تالي مدرسه أجنبيه فأبيها تتعلم الأساسيات.. وأهم شي اشلون النظافه عندهم ونظامهم بالأكل.. وتكرمون الحمام أو إذا الياهل بعده مايروح الحمام لأنه توها سنه و10 أشهر.. واشلون اهتمامهم وعنايتهم بالصغار.. عذروني كثرت عليكم بالأسئله بس يهمني أعرف كلشي عنها لأني أحاتيها وايد!!

 

[mr000]

ياريت تعطوني عنوانها أو السايت مالهم خل أروح أشوفها !!

 

[زوزو الحلوه]

25618197 والله انا ادله جذيه دلاله بدون عنوان والصراحه نظامهم وايد حلو وكل يكلمون اليهال انجليزي والستاف الي عندهم يا اجانب يا فليبنيات واساسا صاحبه الحضانه وايد مهتمه بحضانتها كانت موجهه انجليزي ايمان بهبهاني عرفتي الي حيل تهتم بأن المدرسات يهتمون بالانجليزي والنظافه والاهتمام بالطفل روعه عندهم

 

[زوزو الحلوه]

مروو حبيبتي اخذي راحتج واسألي على كيفج والصراحه يهتمون بروحت الحمام ولا مره خذيت ولدي من عندهم مو مرتب ولا نظيف كل ملابسه مرتبه وريحته حلوه وعلى الحمام قلتلهم علموه والله بسرعه تعلم عندهم يعطيهم العافيه والاكل انا مره سالتهم تقول مايعطونهم كاكاو ولا حلاو ولا شبس يا سندويشات كيك من هالسوالف واذا على الدلاله شوفي@@
شفتي الدوار الي قبل بلي قروب تروحين منه حق داخل رميثيه تروحين سيده تصير الجمعيه على يمينج صح....صح..تروحين سيده سيده بعدين في ثانويه 25 فبراير على يمينج والشايجي بعد تروحين بعد سيده شوي بعدين تصير على يمينج بين البيوت بيت ابيض الحضانه الانجليزيه ثنائيه اللغه قبل الدوار بشوي وحياج الله معانا وسامحيني اذا في بدليات

 

[mr000]

مشكوره زوزو ماقصرتي الله لايحرمنا منج.. ماشاءالله وصفج واضح وان شاءالله باجر باخذها معاي وبروح أشوف الحضانه وأسألهم عن التسجيل والرسوم وكل شي.. مع اني أفكر اخليها لي سنتين ونص يعني بشهر 9 أحسها ألحين بعدها صغيره وماتاكل ألا بالحيله وعلما نعلمها عالحمام تكرمين.. بس هم بروح أشوفها ماقصرتي حبيبتي!!

 

[زوزو الحلوه]

حبيبتي زين تسوين تشوفين الشي بعيونج احسن واهم هم ماراح يقصرون معاج انشالله انا يوم رحت بسجل ولدي ماخلت مكان مادخلتي وورتني الصفوف مكان اللعب مكان الاكل كل شي حتى شرح النظام الي يمشون عليه تشرحه لج واي شي تبين احنا حاضرين حياج الله