تجمع امهات دسمان :)

[Baby^Bop]

مدرسة دسمان النموذجية



خواتي الغاليات ,, معاكم حلم الطفولة .. نظرا لوجود خمسة مواضيع تخص دسمان :

1- تجمع امهات دسمان للأخت سمبوسه 2
2- تجمع امهات دسمان للإخت نونا 82
3- مدرسة دسمان النموذجية لأخت بيبي بوب
4- اللي عيالهم بدسمان .. بخصوص انفلونزا الخنازير للأخت مشرومه
5- تأجيل الدراسة في مدرسة دسمان النموذجيه للأخت مشرومه

وكل موضوع فيه مشاركات وسوالف قليله ومنهم مافيه مشاركات غير ثنتين ثلاث ..

حبيت أسوي لكم تجمع وقمت بدمج المواضيع بعد إذنكم حتى يكون فيه معلومات ومشاركات أكثر ,,

ونظام دمج المواضيع بالمنتدى هو وضع الموضوع الأقدم في المقدمه يعني ترتيب المشاركات حسب التاريخ ..
وشاكره لكم تعاونكم.. وان شالله تجمع خير يارب .





السلام عليكم

بنات ليش ما سمعت احد تحجى عن مدرسة دسمان ؟

بعرف الي مدخلين اعيالهم وينهم ؟

شلون مستوى المدرسة .. التدريس ...

ياريت اتفيدوني قبل لا أسجل ولدي واتوهق لاني محتارة بينها وبين الغانم ثنائية اللغة وبين الحياة ( ما بقى شي ) :krkrkr:

 

[bintmasr2009]

رد: مدرسة دسمان النموذجية

للرفع

 

[Baby^Bop]

رد: مدرسة دسمان النموذجية

رفع اللع قدرج حبيبتي

 

[أوراد3]

رد: مدرسة دسمان النموذجية

والله آنا ولدي هالسنة بkg1بدسمان
ولدي تعلم منها وايد أشياء
مادري بس في ناس تذم وفي ناس تمدح
وآا ما جربت غيرها

 

[Baby^Bop]

رد: مدرسة دسمان النموذجية

مشكورة حبيبتي أوراد3

 

[الصابرة المحتسبة]

رد: مدرسة دسمان النموذجية

الصراحة البارحه سمعت ان تم نقل طالب من دسمان للحكومة والسبب تغير الستاف وتدني مستوى التدريس عن قبل وكل من يبدي رايه

 

[french`coffee]

رد: مدرسة دسمان النموذجية

دسمان من دخلتها انقمت قلبي ! ما ادري ياكم هالاحساس والا لأ ....... دسمان اول الكل يمدح فيها بس الادارة تغيرت ..

 

[سيدة الكويت]

رد: مدرسة دسمان النموذجية

أحسن شئ تدخلين المدرسه وتشوفين المناهج وتسألين وليات الأمر الى مجربينها ..........واكيد كل مدرسه فيها عيوب

 

[Baby^Bop]

رد: مدرسة دسمان النموذجية

بعد قلبي يزاكم الله خير كلكم على الرد

أنا ما سجلته لاني ماشفت احد مدحها لي والي كان عاجبني فيها انها قريبة من دوامي فقط

الله كريم

 

[سمبوسه2]

تجمع امهات دسمان

السلام عليكم أمهات أشرايكم نسوي تشات حق اللي اعيالها بمدرسة دسمان انسولف عن ايجابياتها وسلبياتها ان شاءالله نستفيد من بعض

 

[زيزية سمره]

رد: تجمع امهات دسمان

انا حاطة نفس الموضوع ..دشي علية و فيدينا و استفيدي.. موضوعي اسمة: بس اللي عيالهم بدسمان يدشون

 

[زيزية سمره]

رد: مدرسة دسمان النموذجية

آنا ولدي فيها ب اولى روضة ... المدرسة حدها عجيبة.. و ماشااللة ولدي وايد تعلم منها و صار شخصية ثانية.. لا تاخذين راي احد ... ترى كل مدرسة راح تسمعين عنها الزين و الشين ... و اذا بتسمعين كلام الناس تضيعين... سجلية و جربيهم ومنتي خسرانة شي... اذا ما عجبتج نقلية السنة الياية. أصلا ما اعتقد تحصلين مكان الحين لأان عليها طق مطاقق.

 

[أم حمني المزيون]

رد: مدرسة دسمان النموذجية

بصراحة أول مرة أسمع هالأشياء عنها !!! آنا تجربتي معاهم من سنة 2004 الى الآن وما تغير شي يوم غيروا الستاف..!!!
بصراحة حجي الناس وااايد ويا ما رفعوا مدارس واهي ولا شي والعكس ..اقتناعي 100% فيها وانتي طبعا شوفي اللي يناسبج ويناسب ولدج والله يوفق عيالكم وعيالي....

 

[nouna82]

رد: مدرسة دسمان النموذجية

عيال حماتي فيها من الروضة و الكبيرة السنة الياية بتتخرج ماشالله والله تتشرق فيهم وايد تمدحها و اصلا صاير القبول عندهم صعب من الزحمة

 

[مشرومه]

رد: مدرسة دسمان النموذجية

المدرسه وااايد قويه .. واصلن ما فيها قبول وايد .. يعني المدرسه عليها ضغط ما تلاقين قبول بسرعه ..
والمنهج حيييل قوي ..

Baby^Bop:: بالعكس المدرسه وايد يمدحونها .. يعني لاتعتمدين عالموقع بس روحي بروحج شوفي المدرسه وسألي عنها بالتربيه اذا تعرفين احد بالتعليم الخاص ..

French'Coffe :: بالعكس الاداره قويه ..

ساررة :: انتي عيالج فيها؟؟؟ يعني شفتي بعيونج المدرسات الي على قولتج كنديات .. بصراحه حجي فاضي اصلن مافيها مدرسات صغار والله المدرسات الامريكيات كلهم كباااار بالعمر ومن زمان بالكويت ..وانا بنفسي لمه قريت تعليقج عن سالفة الشرب والمخفر سألت قالولي حجي فاضي ما حصل هالشي وماكو قضيه ضد المدرسه وين قاعدين احنا بشيكاغو وبعدين اذا يشربون على قولتج بره الكويت كيفهم يعني شدعوه العرب مايشربون ؟؟؟

الصابرة المحتسبة :: حبوبه الي ينقل ولده من خاص لي حكومه هذا بصراحه مايبي يكمل بالخاص او يمكن مو قادر ولا معقوله واحد يطلع من مدرسه خاصه وركضه على مدارس الحكومه ؟؟؟
يعني ليش ماودوه مدرسه ثانيه خاصه؟؟والله في شغلات ما تدخل المخ

مشكلتنا احنا البنات بس نتحجى يعني ما نشوف بعيونا بس قرقه عالفاضي ... ولحد يحط بذمته شي شوفو بروحكم بعدين علقووو
وكل وحده بتقول الزين عندي والشين حوالييييي
المدرسه روعه وممتازه واصلن مافيها قبول بسهوله

 

[غروري اني كويتيه]

رد: مدرسة دسمان النموذجية

انا توني توظفت بمدرسه دسمان والكلام اللي سمعته من الاخت حده صدمني لأن المدرسه حدها قويه وانا اشتغل بالمرحله المتوسطه وبالاحتياجات الخاصه ومافي ولامدرسه كنديه عمرها تحت 30 وبالنسبه للشرب قولت الاخت اللي قبلي الحين حتى العرب يشربون وبعدين احنا مالنا شغل فيهم برا المدرسه المهم شغلهم بالمدرسه وانا والله اشوفهم واااااايد زينين ويعاملون الطلاب بطريقه مستحيييييييييييييييل المدرسين اللي بالحكومه يتعاملون فيها وانتوا بعد تدرون شلون الاجانب يتعاملون مع الطلاب مو عندنا اهني مايتعاملون الا بالطق
وانا ماامدح بالمدرسه لأني اشتغل فيها لا والله بالعكس بس المدرسه صج مستواها واااايد قوي اصلا هذي مدرسه حيل معروفه وكل مااقول حق احد اني اشتغل بمدرسه دسمان يقولون هذي وايد قويه أصلا أستغرب انها معروفه لهالدرجه

 

[AthbA]

رد: مدرسة دسمان النموذجية

المدرسة وااايد ممتازة آنه عيالي فيها وولدي الحين بالصف الخامس وبنتي بنفس المدرسة والمدرسة من زماان معروفة وآنه صديقتي كانت دارسة فيها لي الثانوي وبعد الحين اعرف وااايد ناس فيها عيالهم بالثانوي والكل يمدح فيها حتى لو كان فيها اشياء غلط ما اعتقد في مدرسة بالكويت مافيها غلط بس دسمااان وااايد احسن من غيرهااا

 

[مشرومه]

رد: مدرسة دسمان النموذجية

يعطيكم العافيه

غروري اني كويتيه :: مشكووره وكلامج كله صح .. ويعطيج العافيه ..

AthbA :: انا بعد اعرف وايد ناس يدرسون فيها وبصراحه المدرسه قويه ..

بس بقيت اعرف متى اول يوم دوام اولى ابتدائي ؟؟ ما عندكم فكره ؟

 

[أوراد3]

رد: مدرسة دسمان النموذجية

تروالي المرحلة الأبتدائية أول يوم2\9

 

[مشرومه]

رد: مدرسة دسمان النموذجية

أوراد3 :: مشكووره حبوبه .. اي شفت التاريخ اليوم بموقع المدرسه .. الدوام على حسب المرحله .. اولى ابتدائي 2\9 صح كلامج ويعطيج العافيه