تجمع امهات طلبة مدرسة الرؤية ثنائية اللغة

[آخر العنقود79]

هلا امهات نورتوا موضوعي
سويت تجمع لأمهات طلبة مدرسة الرؤية ثنائية اللغة-
نسولف ونحش ونتباحث ونعلق على هالمدرسة
وعذرا لأصحاب التجمع القديم لأن الموضوع بحثت عنه ومالقيته
يلا امهات اللي عيالها بمدرسة الرؤية حياها
خلونا نتعرف على بعض بالأول وبعدين انعرف عيالنا على بعض

 

[+بسبوسة+]

وين الامهات؟؟


انا الي لاحظته كثرة ذم الناس لها في الفترة الاخيرة

مدري ليش!!

 

[اي اسم]

المدرسة فيها المزايا والعيوب
وانا كتبت عنها اكثر من مرة وان شا الله ادور كتاباتي السابقة واكتب لج اياهم اهني

 

[اي اسم]

في اكثر من تجمع قديم للرؤية
وهني بحط لج بعض الروابط وان شا الله يفيدونج

العنوان
اولا:
منو مدخل عياله مدرسة الرؤيه ؟

http://www.q8yat.net/showthread.php?t=368677&highlight=%C7%E1%D1%C4%ED%C9

 

[اي اسم]

هذا الجزء انا كنت مشاركة فيه قبل فترة:

"انا عندي موقع الرؤية احسن مية مرة من روض الصالحين

المصافط متوفرة على طول (مصافط المدرسة زائد البراحة اللي يمها )

ميزة المدرسة تحفيظ القران والتجويد والدين ( الطالب يحفظ جزء من القران كل سنه مع الشرح المبسط لمعاني الايات - شرح التجويد حسب المرحلة الدراسية للطالب بطريقة سلسة ومبسطة- عمل نشاطات تشجع على الصلاة والالتزام فيها)

في تدريب سباحة شهر من كل سنه دراسية ابتداء من الصف الثالث الابتدائي

اما عيوبها ضعف اللغة الانجليزية ( الى الان بعض الطلبة بالصف الرابع لا يعرفون القراءة والنطق السليم للكلمات بالانجليزي - ضعف برنامج القراءة الخارجية باللغة الانجليزية- مدرسات الانجليزي عرب )
وكثرة غياب المدرسات (بالنسبة لتجربتي مع ولدي - رابع ابتدائي - تجربتي للسنه الحالية فقط)
قلة الانشطة الترفيهية والرحلات عيب اخر
8 حصص باليوم وفرصتين الاولى للاكل واللعب والثانية للصلاة ( في مدارس خاصة اخرى يكون فيها 7 حصص فقط - والفرص تكون اطول) احس انه اليوم طويل ومتعب بسبب عدد الحصص وقصر وقت الفرص - يعني وقت الراحة للطالب اقصر"

 

[اي اسم]

هذا رابط ثاني:

امهااااات (روض الصالحين - الرؤيه - الكويت الانجليزية او غيرها) ؟؟ رايكم
http://www.q8yat.net/showthread.php?t=123126&highlight=%C7%E1%D1%C4%ED%C9

 

[رهوف]

شلونكم امهات .. الله يجعلها سنة خير علينا وعلى عيالنا

انا بنتي بسابع ... وما رحت امس اللقاء التنويري توني اتذكر وتحسفت عالاقل عشان اتعرف على مدرساتها ولا الكلام ينعاد كل سنة

 

[آخر العنقود79]

وين الامهات؟؟


انا الي لاحظته كثرة ذم الناس لها في الفترة الاخيرة

مدري ليش!!

هلا بسبوسه
كل المدارس بتلقين من يمدحهم ومن يذمهم وموكامل الا وجهه!!!
والناس ما يعجبهم العجب
بس الرؤية بتظل قوية بتأسيسها وأهدافها كافي سمعتها الطيبة بتركيزها على شخصية الطفل وسلوكه قبل علمه واحنا في زمن نحتاج فيه الأخلاق قبل الدراسة والعلم

 

[آخر العنقود79]

بعد قلبي(( اي اسم))مشكورة يا الطيبةعلى اثرائج للموضوع خصوصا اني ام يديدة على الرؤية هذي اول سنةعيالي فيها
وايد استفدت من الرابط
واتمنى تكونين معانا عالخط ما نستغني عن رايج من خلال تجربتج...

 

[آخر العنقود79]

شلونكم امهات .. الله يجعلها سنة خير علينا وعلى عيالنا

انا بنتي بسابع ... وما رحت امس اللقاء التنويري توني اتذكر وتحسفت عالاقل عشان اتعرف على مدرساتها ولا الكلام ينعاد كل سنة

آمين يارب يعلها سنة خير علينا جميعا
حسافة عاد جدا مهم التعارف وحلاته ترتزين من اول الايام بويهم وتغثينهم عشان ياخذون فكرة طيبةعن بنتج ويحسبون لها الف حساب ولا تضيع بالطوشة حالها حال غيرها
يلا انشالله اليايات اكثر
شرفني مرورج وتواصلج معانا

 

[آخر العنقود79]

انا ولدي قريد ون وهوالبجر
شوي خلفيتي عن موضوع التدريس ضعيفه احتاج مساعدتكم
بنات خبيرات الرؤية عفيه قولولي شلون طريقة تدريسكم حق سنة اولى!!!!
صاير فيني رعب :krkrkr: كلمن يقوللي نجابلهم من الاربع للثمان او التسع
بصراحه الياهل يكسر الخاطر بروحه يومه الدراسي طويل من سبع للثنتين ونص
بعدارجع انا اكمل عليه العصر!!!!
ابي رايكم وطريقتكم بالتأسيس يا الطيبات

 

[n2n]

العام كانت بنتي في الحضانه و هالسنه في اولى روضه و سجلت ولدي في اولى ابتدائي
ماني عرفه طريقتهم شلون في التدريس بالنسبه الولى ابتدائي
بعدقلبي الجنطه ثقيله و الدوام طويل كاسر خاطري بروح ولدي نتفه
بس الحمدالله اهو واايد مستانس من المدرسه

انشالله القى احد يفيدني عن طريقه تدريس اولى ابتدائي

 

[آخر العنقود79]

العام كانت بنتي في الحضانه و هالسنه في اولى روضه و سجلت ولدي في اولى ابتدائي
ماني عرفه طريقتهم شلون في التدريس بالنسبه الولى ابتدائي
بعدقلبي الجنطه ثقيله و الدوام طويل كاسر خاطري بروح ولدي نتفه
بس الحمدالله اهو واايد مستانس من المدرسه

انشالله القى احد يفيدني عن طريقه تدريس اولى ابتدائي

صاجه والله
الجنطة اشثقلها ياليت يخلون هالفايلات عندهم
وما يعطون الطفل الا الفايل اللي فيه هوم وورك
لازم نقولهم هالاقتراح باللقاء التنويري يوم الخميس

 

[آخر العنقود79]

n2n
انا ولدي بعد قريد ون مع وليدج

 

[آخر العنقود79]

وينكم امهات طلبة الرؤية عندي مواضيع وايد بطرحها معاكم

 

[n2n]

اي صف ولدج ؟؟
انا ولدي c1

 

[آخر العنقود79]

انا ولدي 1d
قوليلي شخبار ولدج مع الفراشة البيضاء!!!!!!!!
انا ولدي امبدع
مصرعلى ان امل فرشه ,, يا حبيبي حط الالف امل فراشه يقوللي لا ما يحتاج الابله تدري!!!!!!!
وامعور قلبي على الهووم ووركات موكافي امقزرين نص يومهم بالمدرسة هم بعد يكملون عليه بالبيت
اصلا ما قام يلقيني بال اذا فتحت جنطته راح الدار الثانيه
وانا وياه صيده مصيده!!!!
بعد قلبي والله يكسر خاطري

 

[رهوف]

الله يعينكم انتوا بأول المشوار ما شفتوا شي لووووووول

زاهبه حق التخرع

هذا الحجي عيزنا واحنا نقزل لهم ... اليوم الدراسي طويل خففوا عليهم بالواجبات بس ماكو فايده

بالسنوات الاولى اكثر شي بتتعبين فيه تحفيظ القرآن واللغه العربية

الscince يعتمد عالمدرسة اللي شرحها زين ما تحتاجين تعيدين من وراها

بس اللي صج متعب الواجبات والمشاريع .. انا بيتي صار مركز الطالب من كثر ما اسوي مشاريع

الله يوفقهم يارب .. وصدقوني يسوى التعب لي شفتيهم متفوقين وحافظين القرآن

 

[ام عبدالوهاب555]

شلونكم مع اللقاء التنويري

انا حيل حبيت الابلات واستفدت منهم وايد

بنتي بقريد ون معاكم

صج الدوام طويل بس يسوى احس مناهجهم وايد مفيدة

 

[حلم الطفولة]

انا ولدي 1d
قوليلي شخبار ولدج مع الفراشة البيضاء!!!!!!!!
انا ولدي امبدع
مصرعلى ان امل فرشه ,, يا حبيبي حط الالف امل فراشه يقوللي لا ما يحتاج الابله تدري!!!!!!!
وامعور قلبي على الهووم ووركات موكافي امقزرين نص يومهم بالمدرسة هم بعد يكملون عليه بالبيت
اصلا ما قام يلقيني بال اذا فتحت جنطته راح الدار الثانيه
وانا وياه صيده مصيده!!!!
بعد قلبي والله يكسر خاطري

واااي يحلوه يسلّم قلبه ... والله كفو ثقه ماشالله .. بعد خلاص الأبله تدري انها فراشه شحقه يحط المد .. :dddds: