تجمع امهات 2008 حياكم

[كويتيه وافتخر]

امبيه اشوف توقيعي واتعاطف مع عيالي توني مادخلت شهري

الحمدلله اللي كتبهم ربي من الحيين والله يكتبهم من الاصحاء المباركين

 

[رقي]

اي محل احلا

كوينيه شخبارج
والحمدلله علي سلامتج
والله يحفظ لج عيالج يارب
شلون الولاده وشلون اليهال وشنو يبتي

والله لا يحرمنا الاجر
ولدتيهم باي شهر
تدرين احاتيج وادورج دواره
ابي اتطمن عليج
انا اثنين وطلعت روحي
الداااااااااااد لج

 

[رقي]

شخباركم


ارد عليكم بعد ما اقرا الردود


بس شنو هذا براتز ويييينه ومذركير وايد يونس كيوووووووووووووووت يونس بروحله ان شاء الله

خخخخخخخخخخ
فهمتي غلط
براتز شخصيه يحبونها بناتي
اللي برراطمهم كبيره

 

[كيت كات]

مشكورين حبيباتي
على فكرة ترا انا بالتجمع القديم 2007
واليديد 2008 يعني خبرة يديدة هههههه
وعلاوي مااااااال حدة ودة يطلعونه ويرضعونه
يالله ياكريم ترده لي
ورجت مذركير قرطبة يبط الجببببد مافي شي حلو
بس في اشياء للصيف تونس ورخيصه
يمكن علشان مال قرطبة صغير مافي شي
بس شريت مميات وااااايد مريحه جربوها

 

[رقي]

حتا اللي بمجمعيتنا مافيه شي
بس رحت حق العود
اللي بالسالميه

 

[كويتيه وافتخر]

هلا رقي
انا بخير وطلع معاي طفل واحد
الباجي بالحضانه واحد منهم بالعنايه المركزه
عنده مشاكل كثيره الله يكتب له حياة طيبه او يكتب له ان يكون شفيع لي عند الله

 

[رقي]

الله يعينج ويصيرج يارب

 

[الاستاذة]

قوه بنات شلونكم من زمان عندكم الدي اس ال كان خربان اليوم سووه

كويتيه وافتخر الحمدلله على سلامتج والحمدلله على كل حال والله يشافيهم ويجعلهم من الذرية الصالحه ومن كلامج مبين انج مؤمنه وايد ماشالله الله يثبتج ويبلغج فيهم

ام وجيه شلونج مع فطومه شخباركم ووسعي بالج ووخري الضيقه عنج مو زين انتي ترضعين ترى ياثر عالبيبي

رقي شلونج وشلون البنات؟اي يمدحون تنزيلات مذركير حتى انا احب برادز

عبقريه كويتيه هلا والله البوثيل هذي تنظف وتطلع كل الوصخ حطيهم في يوم 30 من النفاس وكل يوم حطي وحده قبل النوم

مس شوقر شلونج حبيبتي وشلون عواشه وخواتها ومبروك حق بنتج وعقبال ماتفرحين بالباجي الله يستر عليها ويبلغج فيها يارب رحت موعدي مع دكتور سليمان والله حبوب خوش دكتور وبنتي زادت 400 غرام زين؟ ب 19 يوم؟ احس شويه وقتلخ اني اشفط قال عادي اذا انتي مرتاحه بس اهم شي تشرب من حليبج وشاف لسانها وقال فطريات عطاني دوا شراب احطه 3 مرات باليوم وبدى يخف الحمدلله وقالي عقب كل سبحه حطيلها بيبي جونسون الجل بالبابونج لانه شوي جسمها متقشر وقالولي ايي بعد 6 اسابيع وتعالي صج صج المرميه تقلل الحليب اشوه انج قلتليلي انا يوميا اشرب مرميه احبها

بطوطه انا استخدم سيميلاك ساعات اذا مافيني حليب لانه المستشفى قالولي زين بس ليش ماترضعينها طبيعي؟

احلى كويتيه سويلي توقيع بليز ماعرف انا ولدت 9/1 او علميني شلون الغلا؟

باجي البنات شخباركم الا صج وين استبرق فقدناها محد يعرف عنها شي امبيه طمنوني عليها قاعده احاتيها انشالله بنتها طلعوها يارب؟

بنات انا آكل حلبه الخضرا واكل بقدونس وبقل يقولون ادر حليب حتى الرهش والسمسميه ترى يدرون

بنات انا شارب عصاير عشان الحليب يقولوم مو زين صج مو زين وليش مو زين اشرب عصاير ولبن بليز قولولي

 

[][^lorans^][]

يابنات اشكيلكم الحال راح اموت ليلحين ماولدت انا اتأكدت انه فينا عرج فيلة مددت لي الدكتورة اسبوع ادعولي اولد بهالاسبوع

 

[al_gardenia]

شوقره حبيبتي لا بالعكس ماحسبتها حنا ادري قلبج على بنتي بعد عمري انتي الله يخلي لج عيالج يارب
الا بسالج ليش كل ما ارضع اركض المطبخ ادور شي اكله عاد انا امزهبه حق هالحاله بالثلاجه كريم كارميل على حليب فرش طريقة البيت و وهرس بالحليب وشوربه بس اطلع واصخن واكل


الستاذه انا على طول عصاير مع الماي وحليب مخلوط بشربت بيذان بس اللبن ماعنتدي خبر عنه


احللا شخبار الغلا علمتيها على المصاصه ولا بعد انا قاعده احاول


رقيه شخبارج الله يعينج ويصبرج

 

[al_gardenia]

لورنس الله يكتبلج انشالله اسرع ولاده واسهل ولاده يارب

 

[الاستاذة]

الله يسهل عليج لورانس وتولدين ولاده سهله

 

[كيت كات]

كويتيه وافتخر الله يطلعه لج بالسلامة يارب
الاستاذة ترا البقدونس ينشف الحليب توني قاريته بموقع العطار
الحلبة وايد زينه مع الرهش وشربي سوائل
وانا جربت شي واااايد حلو احط كمادات دافيه واسوي مساج عجيب
او اني اخذ دش دااافي
قاردينيا ماشاء الله شكلج مازدتي بالحمل
تخيلو انا زدت 20 كيلو
وبعد اسبوع من ولادتي نزلت 10 مالت الحمل بس باقي 10
الله يعين

 

[al_gardenia]

كيت كات والله امبله زايده 5 كيوات الحين وزني 63.5 بس مع الشغل واللويه بنزلهم مو بالرجيم لان ارضع طبيعي ماقدر اسوي رجيم بس وايد انتي زيد حاولي تمشين كثري شرب ماي يساعد الدهون انها تحترق او روحي عياده اتسوين تخسيس بالليزر والمساج انا بولدي سويت جذي الحين عندي الحوسه تكفي حق الشد

 

[عاشقة_الجمال]

شلوونكم بنات شخباركم

تخيلوا معاناتي امس ولدي من الساعه 12 الى الساعه 6 الصبح قاعد ما يبي ينام لعوزني وذبحني
وتخيلو عندي طلعه من الصبح ابي اروح اخذ ريلي من المستشفى تعبان وكان نايم جم يوم
وانواع الصداع فينيييييييييييييييييييييييي والله اني قمت ابجي واحاجي ولدي مثل الريال الكبير اقوله قولي شنو تبي
ماي غريب عطيته وبدلت البامبرز له ورضعته وبعد مو عاجبه

بنات ابي اسألكم تطعيمه الدرن اهي التطعيمه اللي بالجتف والا شنو؟؟ باجر ابي اطعم ولدي تطعيمه الدرن


جاردينيا
ما تشوفين شر يا الغاليه والله يعينج على عوار الضرس

كيت كات
يعني غاز هذا احسن من ماي الغريب ؟؟ والله يشافي ولدج يا رب

شووقر
ولدي البجري استعملها من اول يوم تخيلي وهذا معاندني بس اذا ياع ياع حيل يستعملها شوي وبعدين يقطها


رقي
حدث ولا حرج بسالفه التسووق انا امس وقبل امس رحت حق السوووق شريت جم شغله من برووي وايد عجبوني حق ولدي
ومن مذر كير شغلات عجيبببببببببببببببببه وصاجه كل شي صاير رخص التراب
الله يتمم علينا السيل لووووووووووووووووووووووووووووووول

ما شفتيني سألتج ليش اني استغربت توهم صغار على سالفه النشا

احلى

مشكووره يا الغاليه على التووقيع

وبراتز هذا شخصيه باباي على ما اعتقد هذا اللي تقصده رقي مو محل اسمه براتز واذا محل انا بعد ابي اعرف وينه

كويتيه وافتخر
انتي ولدتي بأي اسبوع ؟؟ وليش ما عطيتي سميلاك نيوشور مخصص للخدج ترى ينفخ بسرعه

الاستاذه
شنو الدوا اللي عطاج اياه انا جربت الجل مال الصيدليه وجربت القطره مالت المستوصف وما راح اللون الابيض اللي بلسان ولدي
ما ادري شالسالفه

 

[الاستاذة]

عبقريه كويتيه اسمه mycostatin هذا شراب 3 مرات باليوم وايد زين بدى يخف الي بسانها وقالي استخدمه اسبوع

كيت كات عاد انا وايد اكل بقدونس حسافه

بنات متى ابدى اسوي مساجات تخسيس بعد الاربعين على طول شكلي ارف ارف بالحمال كنت احلى

 

[- ToTa-]

هلو ازيكم يا أمهات :tek:
اليوم وديت ولدي عند الدكتورة عفاف الرومي عشان سالفة الامساك و أعطتني حبة أحطها مع رضعته و انشالله تفيد معاه و طبعا جيكت على وزنه و شغله و المقلب اللي صار انه و بكل براءة أطفال ما عساها فتحت البامبرز و لايسنترها عليها خخخخ و سويت نفسي اني ما شفت شي استحيت و يوم يت تحلطم عليه جان تشتغل الغازات أمبييييييه عاد هني اللي ما قدرت هسترت من الضحك حياتي و الله البريء اي و قلتلها عن الحليب أعطتني شاي أعشاب يايبته من ألمانيا و قالتلي شربيه و شوفي الحليب اشلون بيدر و هو أصلا حاطين عليه صورة مرة ترضع ولدها لكن يا فرحة ما تمت يوم رديت البيت و شربت منه شوية و أطالع علبته و لا منتهي من يومين!! قمة الاحباااط لأن خلاص تقريبا ما عاد فيني حليب :0bee2e8d89: تهقون ما ألقى بالصيدلية من هالسوالف اللي تزيد الحليب؟ بس نفسيتي تعبت من البودر قلبي مو مطاوعني اني أعطيه منه ​

 

[عاشقة_الجمال]

الاستاذه

مشكووره يا قلبي بطرش السايق باجر ييبلي واحد منه

توما


انا اللي اعرفه ان مغلي الحلبه يدر الحليب

 

[al_gardenia]

عبقريه الشر مايج والله يعينج ساعات الياهل يستعسر اقري عليه جم عمره ولدج اسم الله عليه


توما في حبوب تلقينهم بالصيدليه في مكوناتها حلبه اسمها fitolat وايد زين يدر الحليب جربيه

 

[الاستاذة]

تونما مايشوف صلوحي شر انشالله اكلي رهش وسمسميه وكازو وشوفي شلون يدر وسالفة الامساك شربيه حبة حلوه

عبقريه شدعوه ماسويت شي

وينهم باجي البنات اليوم