تجمع امهات 2008 حياكم

[mrs_sugar]

احلى صباح على احلى امهات

شخباركم و شلون اليهال

ميومة طهري ولدج خليه يعرس يلا شناطرة

ام جوجو

انا اليوم طهرت من الدورة عقب 7 ايام بالضبط

و الليلة ريلي بيروح البر مع ربعه طول الاجازة

خخخخخخخخخخخخخخ

عادي روحي رياضية

المشكلة انه الجو عفيسة و اهلى و اهله بيروحون الشتاليه و انا ودي اروح و خايفة على البيبي

مادري شسوي

و عيالي الكبار ما يبون الشاليه و الصغار يحنون بيروحون مادري شسوي​

 

[- ToTa-]

شوغر نفس القصة بالضبط أهلنا بيروحون الشاليه و الصراحة أنا بعد ميتة على الشاليهات من زامن ما رحت بس صج شيطلعنا بهالجو عده معتفس لا و ألحين ريلي يقوللي يبيلنا عمرة بس بهاليومين لكن أخاف على الجرح الدكتورة قالتلي ماكو رياضة و لا مشي الجايد الا بعد شهرين و هم فوق هذا أخاف تييلي الدورة ما أدري اشلون، انتوا اشرايككم شتقولون؟​

 

[كيت كات]

ام وجيه حياتي تسلمين خلينا على الكمون واليانسون
مس شوقر هالرياييل يموتون على البر وهالسوالف انا سيم سيم
بس اشوه انا مو طاهره
وروحو الشاليه الياهل ماعليه الا العافيه دفوه وحطوه بالسليب باق مالته
ومن السيارة لي دااااخل الشالية وبس
توما روحي عمرة عادي في هناك ويل جير وخلي ريلج يدز عادي
والدورة اخذي حبوب بريمولت ان حبة 3 مرات لمدة 10 ايام وبعدين تنزل الدورة
هذي وصفتها لي دكتورة خالدة المجيبل بس ماخذيتها للحين على اساس ان
الدورة يتني

 

[أم وجيه]

شقورة خلج بالبيت أحسن آنا رايي شيطلع الصغار بالغبار هذا والله كله مرض إذا مو حساسية عيونهم ولا صدرهم ولا ويهم
آنا نفسي خايفه أطلع بهالجو كله مرض نطري يومين وخلي الجو يصفى وخلي آحد يجي ياخذك تغيرين جو

توما والله آنا بموت ونفسي أسوي عمره بس الحين ما يجيني قلب أخلي البيبي ولا آخذها بنطر ان شاء الله كم شهر شهرين يعني وعقب أروح آنا وريلي ان شاء الله وآخذ العيال بعد وما اعرف اذا يصير ترفعين الدورة الحين عقب الاربعين بس ما أنصح هذي ا لحبوب كل اللي ياخذونها أكثرهم تصير عقبها مشاكل عندهم

 

[- ToTa-]

اشلون آخذ هالحبوب و أنا ماأدري متى بتيلي! والله حدها مقعدتني على أعصابي:gr4uu:​

 

[احلى كويتيه]

شخباااااااااااركم


مس شوقر لو انا منج ازنط ريلي او يروح على الاقل الشاليه معاكم والا تدرين فرصه الا الشعرلا طالع وتروحين تشيلين شيره وتصرين عروس وتعوضين الي طاف

ام وجيه بالنسبه للدوره انا في بجري قعدت 10 ايام

كت كات بالعكس النعناع الطبيعي واااااااااااااااااااايد زين بالعايله كلنا نستخدمه من هو بالاربعين والحمد الله صحتهم زينه اصلا مو زين امساك وهو مسوي عمليه

 

[احلى كويتيه]

الحبوب الي تقصدهم لرفع الدره روحي سالي البصيدلي وعلى حسب حالتج يوصفلج وعمره مقبوله مقدما وسهالة ان شاء الله

 

[al_gardenia]

بنات حليبي قاعد يقل مايترس صدري مثل اول كنت احس فيه الحين وايد لين صدري اخاف مايشبع الصغيره وتضعف زياده
مادري ليش كليت فيتامينات وحبوب فيتوليت وشاي الاعشاب ماكو فايد شسوي

 

[al_gardenia]

بنات ليش مايطلع عندي المتواجدين بالموضوع

 

[احلى كويتيه]

هااااااااااااااااي بنات

شسوي لبنتي خشمها حده مصكر وماتقدر ترضع واذا غصبتها تشاهق وترجع الاولي والتالي وطول مااهيا نايمه تطل اصوات جنها مختنقه جربتلها قطرتين قمفعولهم مو اوكي بس شوي ويرد يتصكر مره ثانيه

 

[احلى كويتيه]

هاااااااااااااااي القاردينا رفيقتي بالسهر لووووووووووووول شخبارج والمتواجدين من اخترب المنتدى وماقاعد يطلعون

بالنسبه للحليب اذا استمر جذي بعد شتسوين لا حول ولا قوة اخذيلها صناعي مره باليوم واستمري عالطبيعي اذا كلش مايطلع حرام تيوع بعدين صعب تتعود على الحليب

 

[داريني]

هاااااااااااااااااااي بناااااااااتوه شلونكم مع الواق والووووووويق

انا فيني انهيار عصبي

فينييييييييييييي نووووووووووووووووووووووووووووومه

 

[كويتية1]

هاي بنات


اشلونكم مع الجو

اتصدقون حتى انه انصدمت من سالفة اللولب انه دكتوري محمود الاسطل

المهم اشوه اني ما ركبته حتى امي تقول اشدعوه عليه وانه امسوية تجميلي يعني التشقق ماله والي

القاردينا حتى انه صارلي يومين احس صدري ما ينترس نفس قبل:0bee2e8d89:

اليوم لي 37 وللحين احس فس افرازات تكرمون بس بسييييطة شكلي باخذ من الصيدلية تحاميل تنظيف


وريونه بعد عمري صدرها يخرفش بلغم ونشله كاسرة خاطري ومصلوخة من تحت
اخذت لها من المستوصف كريم بانديرم الي قالت عنه شقوره الله يخليها لنا:tek:




اليوم رحت الصالون بسوي سيرفس شيرة ومغربي وحف وبدكير:ggdw:


رضعت ريون وبدلت لها ونامت وطلعت وخليتها عند الخدامة وريلي بالبيت

سويت مغربي وبنص البديكير جان يدق ريلي ولا ريونه اموصخة وتالفة عمرها ومستعسرة ويقولي ريلي يالله الحين تعالي توهقنا عاد خدامتي اعليمية

المهم ما كملت البديكير وكنسلت باجي الشغل واخذت فلوسي ورديت البيت:krkrkr:
يافرحة ما تمت




بنات الماسنجر اشدعوه ما ضفتوني:gathering:

 

[أم وجيه]

كويتية 1 والجاردينيا آنا كنت أحس الحليب شوي خف قبل كم يوم قمت أسوي كل يوم هذي الخلطة وأشربها أربع مرات باليوم وماشاء الله الحليب صار أكثر وتمام وايد حسيته زاد جربوها وان شاء الله تنفعكم وهي عبارة عن
معلقة صغيره من كل من ( شومر + كمون للنفخه + يانسون + حلبه + حبة البركة + كراوية ) وأحطهم بجلاس ماي حار شوي وأصفيهم وأشرب ثلاث أو أربع مرات باليوم وماشاء الله الحليب صار أكثر

أحلى سلامتها البنوته آنا أعطي بنتي فنستين للرشح وقطرة سالينوز والحمد لله صارت أحسن وايد والقطرة على طول تفتح خشمها يبتهم من الصيدلية ويقولك كم قطره على حسب وزن البيبي​

 

[كيت كات]

سلام
ام وجيه حبيبتي انتي كلمت الدكتورة مالته قالتلي السبب تخيلي من شنو ؟؟؟
؟؟
؟؟
؟؟
؟؟
؟؟
؟؟
؟؟
؟؟
؟؟
؟؟
؟؟

؟؟
؟؟
؟؟
الينسوووون كنت احطله بالمطارة مع الماي الحار مال الحليب
تقول اهو للمغص فقط
ويسبب امساك للطفل
وهالدكتورة فلسطينية واستشاريه
قالت عطيه كمون وحبة حلوة
وعطيته الحمدلله مشى بطنه
بس ناويه على النعناع المرة اليايه دام اهلكم كلهم ياخذونه
ومشكوووورة ياعمري

والحبوب اللي ترفع الدورة هذي عادي الوحدة تاخذها اي وقت تكون طاهرة
اهي علشان ترفع الدم وتنزله مرة وحدة يعني تنظم

امبيه ما انتبهت للجو والله انا قاعدة بالبيت ما طذلعت
الله يعين

 

[أم وجيه]

كيت كات آنا ما أحب أعطي بنتي شي كله آنا أشرب وينزل لها بالحليب أحسن وأضمن أول مره أعرف اليانسون يسبب امساك آنا أعرف انه يمشي البطن حتى لما وجيه يصيبه امساك تكرون أشربه ينسون يمشي بطنه على طول معقوله يسبب امساك والله ما أدري
النعناع ممتاز وفعال بس آنا من قالولي انه ممكن يسبب ضعف دم خفت وصرت ما أعطيه للياهل الا للضرورة القصوى

 

[][^lorans^][]

هاي بناااااااات
احلى كويتية انا بنتي مثل بنتج عمرها اسبوعين و حياتي خمشها مسكر وامي اقطري في خشمها من سرج انا خفت بس اهي اصرت فستسلمت وقطرت لها وصج مشاء الله اليوم الثاني اشحلاتها لا تشخر ولا شي والحمد لله فجربي وادعيلي
وااااااي شعوور عجيييب لما بنتي الكبيرة تقعد ويصادق الصغيرة قاعدة ومتعسرة اللللله حدي حدي اكون ودي انتحررررررر طبعا من الفرحه وسي سيد يدق هاشلونج اوله في قمت الوناسه عندي خوووووش حفله تعال شاركنا
(( بس هم عسل على قلبي بنوتاتي ))

ابيه بس الناس اشتبي ليش عندي بنتين ايون يقولون لي ها لي جم ناويه تسطرينهم بنات ؟؟ شكووووو
الف الحمد لله والشكر نعممه واصلا مافكر اييب غيرهم الحمد لله

 

[أم وجيه]

لورانس اللي عندها أولاد يقولون لها متى تييبين ولد والعكس نفس الشي وإذا عندك الاثنين يقولون كم بتييبين وعلى هذا الحال الناس ما تسكت
الحمد لله خلقه صحيحه منيحا ونشكر الله

الله يخليهم لج وتشوفينهم عرايس ترى البنات عسل بالبيت

 

[al_gardenia]

شقوره خليها فترة اشياق اتنهزي الفرصه حق خطط يديه

هلا يارفيقت دربي ماكو الا جذي اطيها مره باليوم ليما يتعدل الوضع
احلى شفطي خشمها بالشفاطه
واشتري من الصيدليه قطره حق عمرها
ماتشوف شر الغلا

داريني مرحبا في مرورج
حاولي يوم تاخذينلج راحه كامله اتعوضين

ام جيه تسلمن بجرب اشرب جم يوم يمكن يرد مثل ماكان


كويتيه1 حربتي حبوب فيتوليت ترى يزيدون الحليب انا باحذهم بنتط\ظام انشالله يزيد الحليب

ميومه حاولي اتطهرين الولد بسرعه كلما كان ابجر كلما طاب بسرعه

كيت كات جربتي نقط دسفلاتين حق الغازات وحده بوحده

لورنس ترى كلام امج صح ترى حتي اذا عينها اطلع وصخ قطري في عينها من حليبج واااااااااااايد زين

 

[- ToTa-]

أحلى ما أدري والله أفكر أأجلها الى شهر 3 أحسن على الأقل أكون مكملة الشهرين و تكون أخف زحمة اذا بنروح ألأحين كل الكويتيين هناك و بعدين صعبة نلقالنا حجز

أم وجيه بجرب وصفتج و انشالله تفيد بس ما عليج أمر شنو الشومر و من وين أقدر أييبه

أمبييه بنات حدي بربست بالولد قاعدة أغير حليبته فتخيلوا قاعد يشرب ألحين تقريبا ثلاث أنواع من الحليب صدري و اس26 و الابتاميل حبيبي مو زين تشوفونه يكسر الخاطر مو قادر ينام من العوار و بطنه حالته حاله عمري والله عاد انشالله خلاص نويت من باجر انشالله أقطع القديمة و بس أكمل من الجديد و صدري انشالله و بعد شوي بدهنه بزيت زيتون و يا ربي يقدر ينام شوي تخيلوا من قعدة الصبح مانام له الا ثلاث ساعات أو حتى أقل​