تجمع امهات 2008 حياكم

[MaYoOoma]

جناش الله يبارك فيج .. وديه عند محمد المنيع بالمواساة خوش دكتور والله .. حطوله شاش وثاني يوم غسلناه وشالناه والحمدالله صج صاح شويه اول شي بس الحين ارتاح وانا ارتحت بعد ^_^

 

[الاستاذة]

قوه بنات ولهت عليكم وايد
انا رديت شقتي وليلحين مايتني الدوره صارلي طالعه من الاربعين اسبوع ونص عادي امي تقول عادي اهيا تييها عقب عشرين يوم
وقاعده اسوي رجيم رحت حق دكتور نفسيتي حدها زيرو

 

[احلى كويتيه]

هلا وغلا فيكم والرب يحييكم

شخباركم


الاستاذه طالعه من الشر وعادي الموضوع بالنسبه للدوره كل وحده وطبيعة جسمها بس ديري بالج ترى الحمل وااااااااااااااااارد لاتتوهقين مثل وحده معاي بالدوام

 

[احلى كويتيه]

تعالوااااااااااااااااااااا الي طعموا عيالهم شخباركم باجر ان شاء الله تطعيم بنتي وشايله هم الحراره

 

[mrs_sugar]

احلى تطعيم عواشة باجر بعد

الله يعين عالحرارة و البجي

 

[أم نونة]

هلا حبايبي شخباركم أنا طلعت الاربعين صار لي اسبوع للحين الدورة ما نزلت ؟؟؟ صراحة غريبة ان متوقعتها بأي لحظة وان شاء الله ظني يكون بمحله ..... ابي أسألكم عفية أحد يعرف دكتور اطفال زين ابي اسوي تشييك كامل حق بنتي ,احنا لقينا فيها قصور بسيط في جلد بعض الاصابع يخليها ما تقدر تفتح ايدها بشكل كامل والدكتور اللي رحت له يقول ان العظم الحمد لله كامل بس يحتاج لها تجميل بسيط بعد شهرين . بس حابة اتاكد اكثر واشيك عليها بالكامل .لان اختها اللي اكبر منها طلع فيها (عيب خلقي بالرئة ) مادرينا فيه الاعقب ما كملت شهرين اسم حالتها (امفزيما )وسوولها عملية بالصدري والحمد لله عاد قلنا نبي نسوي للبنية الجديدة فطومة تشييك كامل عليها عشان ما يصير شي لا سمح الله نفس اختها ونتاخر . ردوا حبايبي ساعدوني

 

[mrs_sugar]

هلا ام نونة

ما تشوف شر فطومة الحلوة

عندج دكتور سليمان السعد برويال حياة

يهبل وايد ممتاز

انا اودي بنتي عنده

شاطر وايد و نفسيته حلوة

 

[mrs_sugar]

سلام عليكم

شخباركم امهات جميلات

اليوم طعمت عواشة

صيحت شوية و سكتت

هالكلام الصبح

و لما ردينا نامت شوية و قامت فيها حرارة

عطيتها ادول نص قطارة و سويت لها كمادات و رضعتها

و الحين ردت نامت

بس حياتي كل ما حركت ريولها تصيح

الله يعينها مسكينة​

 

[mrs_sugar]

اليوم تطعيم بنت أحلى بعد

ها احلى شخباركم ؟؟​

 

[mrs_sugar]

اليوم رحت الصيدلية عقب ما طعمت عواشة ابي تايلينول

هذا خافض حرارة احسن من الأدول

و طعمه احلى وايد

جان يقول لي مقطوع

:0bee2e8d89:

ضاق خلقي و الله قلت مالي الا الأدول

شسوي​

 

[mrs_sugar]

امس رحت سرداب الشايع و شريت مكياج يديد و شباصات بالجملة حق بناتي

يونس فيه اشياء حلوة و رخيص

و بما اني مو من هواياتي المكياج فالمكياج عندي يحزر قبل لا يخلص

فقلت حرام اشتري الماركات الغالية و يحزر و اقطة

قلت عالشايع طيران

بس الأساس و الأيلاينر ماركة و بس

و بغيت اقول لكم

بدي شوب منزل كوليكشن يديد

القلوس مالهم يهبل لا يطوفكم حق الي يجهزون حق طلعوة الأربعين​

​

 

[كيت كات]

السلام عليكم شلونكم
واي من زمان عنكم
انا طلعت من الاربعين
امس سويت عشا تحت الشموع خخخخخخخخخخ
بس للاسف على الدورة
وصبغت شعري اللون الغامق اللي على كرزي
المهم شلونكم انتو
مس شوقر امس رحت بدي شوب خذيت سنفرة تهببببببل
والقلوسات شفتهم بس كنت شاريه قلوسات من فكتوريا سكرت بطعم العنب
عندهم انواع رووووعه بالفرواله والفريز والفانيلا والتفاح
لا وبعد في عطر للجسم بعد الشاور ينن خذيت عنب لانه احلى واحد
خذيت كريم اساس من ماركة ايطاليه يدية بس حلووو من محل التجميل
مال الجمعية فاتح يديد ومسوين عليه عروض مال قرطبة
وخذيت بودرة لابراري تهبل
المهمممممممممممم خاطري اطهر ابي اصلي واقرا قرآن حاسه بغلقة
لا وابشركم فيني فلونزا حااادة وعلاوي نشله وكحة وحتى مايقدر يرضع بعد قلبي
المهم شلون بيبياتكم ؟؟؟؟؟بشرو عنهم

 

[b6o6a]

هلوووووووووووووو

بنتي بعد يومين تصير شهرين متى تطعيمها ضروري جاوبووني

 

[احلى كويتيه]

شخباركم

رحت اطعم بنتي العصر وقالوللي اول مره مايصير العصر لازم الصبح عشان تاخذ رقم اسمه السجل الوقائي ضاق خلقي وقلت باجر الصبح ان شاء الله


بطوطه اليوم الي والده فيه متى انا ولدتها 2-1 تطعيمها بعد شهرين 2-3 فهمتي

 

[احلى كويتيه]

شوقر مبروك افتتاح الصفحه اميه للموضوع

وسلامة عواشه انا ما احب تطعيم بو شهرين يذبحني كل مايتحركون يفزون من العوار شوي وابجي معاهم

 

[b6o6a]

وي يعني عقب باجر الله يعيناااا

 

[b6o6a]

مس شوقر سلامة عواشة
زين قلتي عن التايلنول الاحمر انا عندياه لما صارت منشوله

تحصلينه بصيدلية مالت بو شهري كلينك

 

[mrs_sugar]

كيت كات

طالعة من الشر


مبروك حبيبتي طلعة الاربعين و ما تشوفيت شر انتي و علاوي

هلوووووووووووووو

بنتي بعد يومين تصير شهرين متى تطعيمها ضروري جاوبووني

هلا بطوط

يعد شهرين من تاريخ الولادة

الله يعينج

شوقر مبروك افتتاح الصفحه اميه للموضوع

وسلامة عواشه انا ما احب تطعيم بو شهرين يذبحني كل مايتحركون يفزون من العوار شوي وابجي معاهم

اوووووووووووووووووووووووه

انا اليوم قلبي ذاب وياها

يا عمري تبجي و تتعبر كلما تحركت

تعور القلب

بس الحرارة الحمدلله مع الأدول ماشي الحال

وي يعني عقب باجر الله يعيناااا

جد جد الله يعينج و يعينها

اهو مو تعب جسماني بس الياهل يعور القلب يكسر الخاطر

و نزي قلتيلي ان التايلنول موجود بروح اخزن

مو حابة الادول كلش اعطيها تطلعه

التايلنول طعمة احلى​

 

[mrs_sugar]

احلى

الله يبارك فيج عالصفحة 100

تميت اقرق و اقرق لما افتتحت الصفحة

لوووووووووووووووووووووووول

 

[hannooda]

السلام بنات
انا ولدت بـ 7/2 ويبت ولد الحمدلله ، اول بيبي لي الله يخليه ويحفظه
طبعا نفس حالة الكل سهر وتعب بس عسل على قلبي
الغازات يا عمري ذابحتة والطبيب وصفلي دسفلاتبل
والله يعيننا غلى الدوام بعدين
مادري شسوي بعدين بالسهر